Менің Отаным-Қазақстан 6 сынып

Мақсаты:

Білімділік: Конституцияны,тағы басқа құқықтық нормативтік актілерді орындай, құрметтей білуге үйрету. Оқушылардың құқықтық білімдерін тексере отырып,заң алдындағы жауапкершілікті арттыру.

Дамытушылық: Оқушылардың құқықтық білімін дамыту, ұйымшылдық пен тәртіптің тиімді жолын сын сәтте таба білу арқылы жеңіске жету,алдына мақсат қоя білуге баулу. Оқушылардың көп ұлтты Қазақстан халқының татулықпен бірлікпен өмір сүріп жатқаны туралы танымдық ойларын дамыту.

Тәрбиелік: Бірлікке, ынтымақтастыққа, адамгершілік,елжандылық,құқықтық сауаттылыққа тәрбиелеу, сөйлеу қабілеттерін шыңдау.Өз ұлтының патриоты болуға тәрбиелеу.

Қолданылатын әдіс-тәсілдер: сұрақ-жауап, түсіндіру, хабарлау, әңгімелесу.

Көрнекілігі: нақыл сөздер.
Барысы:
1. Ұйымдастыру бөлімі:
Сәлеметсіздер ме, балалар! Бүгінгі сынып сағатының тақырыбы, мақсатымен таныстыру.

2. Қазақстан Республикасының Мемлекеттік гимні .

Қастерлемес даңқын кім
Қадірлемес салтын кім
Әнұраны елімнің
Үні, тілі халқымның
3. Психологиялық тренинг: «шаттық шеңбері» Оқушылар шеңбер жасап, аттарын атап, бір-біріне тілек тілейді.

4. Оқушыларды топқа бөлу: Фигуралар бойынша.

І топ: Үшбұрыш, шеңбер

ІІ топ: Шаршы, тіктөртбұрыш

ІІІ топ: Эллипс, ромб

5. Топ басшылары келіп, қағаздан өз топтарының атауын суырады.

«Қазақстан» , «Конституция», «Ассамблея»

6. Шығармашылық тапсырма:

І топ: Конституцияға қандай бап, тармақтар қосар едіңдер?

ІІ топ: Қазақстан 2050 жыл қандай болсын деп ойлайсыңдар?

ІІІ топ: «Болашақтағы Таврия»

7. Оқушылар өздерінің тақпақтарын оқиды.

1 оқушы 30 тамыз - Ата заңымыз қабылданған күн. Өздерін білесіндер ол адамның, қоғамның, елдің құқығын қорғауға арналған. Әрбір елдің өз Ата заңдары болады. Заң болмаса адам құқығы қорғалмай, бұзақылық көбейіп кетер еді. Мінеки сен дүниеге шыр етіп өмірге келгеннен бастап сенің өмірін, денсаулығын тыныштығын, қуанышын біздің мемлекетіміздің ұлы заңы Конституция қорғайды. Әр мемлекет ғылым, білімімен танылады, ғылым мен білімнің арқасында өркен жайып, дамиды. Сондықтан ел болашағы жас ұрпақтың әрбірінің білім алуы басты міндет. Ол Ата заңымыз - Конституцияда да жазылып көрсетілген. Ал әр азамат заңды бұлжытпай орындауға, оны сыйлап, құрметтеуге тиіс. «Ата заңның ең ардақты арқауы - ел мұраты мен халық бірлігі.

2 оқушы Қазақстан - атамекен, жер-анам,

Ата-баба өсіп-өнген кең далам,

Қазақстан - сенде туып, сенде өстім,

Қарыздармын сол үшін мен саған.

3 оқушы: Шалдықпадым талмадым
Арманды алға жалғадым
Конституция қорғаным
Атасы ол бар заңның

4 оқушы Білім алам, дем алам,
Отан туған өз анам!
Ата заңым тұрғанда
Еш болмаймын мен алаң

5 оқушы Біз қазақ еліміз бастан не көрмеген.

Намысын ешкімге қолынан бермеген.

Тұс -тұстан анталап, көз сүзген жаулардан

Кең байтақ даласын қас қақпай қорғаған.

Төрінде жерімнің байрағым желбіреп,

Тұп -тұнық аспаным тұрады мөлдіреп.

6 оқушы

Қазақтың тілері ата жол салтымен

Достасу, туысу әр елдің халқымен.

Қонақжай халықпыз, жомартпыз, дарханбыз,

Келешек күндерге тәтті үміт артқанбыз.

Таныған жұмыр жер Алаштың баласын,

Қазақтың елі мен даңқты даласын.

7 оқушы Кең байтақ еліміз - Қазақстанда 130 - дан астам ұлт өкілдері тұрып жатыр. Әрине, бұл деген қазақ халқының ұлылығынан, кеңдігінен, кеңпейілділігінен басқа ұлт өкілдерінің тұрып жатқан жайы бар.
Қазақ осы - айтатұғын елге сыр,
О, ағайын, халық емес ол кесір.
Қазақ осы - аңғал - саңғал жабусыз,
Қазақ осы - ағыл - тегіл көл - көсір.
Қазақ осы - дала дейтін, күн дейтін,
Қазақ осы - өнер алды тіл дейтін.
Қазақ осы - қарасың ба, ақсың ба,
Қоңырсың ба жатырқауды білмейтін, - деп Қадыр Мырзалиев ағамыз жырлағандай, ұлы қазақ даласында басқа да ұлт өкілдері бір шаңырақтың астында татулықта, сыйластықта өмір сүріп жатыр. Сонымен қатар, олардың әрқайсысының қайталанбас діни және материалды мәдениеті, тарихы, салт - дәстүрі бар.

8 оқушы Қазақ Халықтарының Ассамблеясы Президенттің жарлығы бойынша 1995 жылы 1 наурызда құрылған. Ассамблея ұлт аралық достықты сақтау, мемлекеттік саясатпен ұштастыру, бірыңғай шешім қабылдауды қарастырады.
1990 жылы басталған халықтардың ұлттық салт - дәстүрлерін қалыптастыру жұмысына байланысты Қазақстанның түкпір - түкпірінде 352 бөлімшелер бар, 27 республикалық және аймақтық ұлттық мәдени бірлестіктері ашылды.

9 оқушы Алғаш рет республикалық көлемде кәріс, неміс, поляк, ұйғырлардың съездері болды. Татарлар мен башқұрттардың құрылтайы, өзбек, ұйғыр, түрік, дүнген, күрт, немістердің мәдени фестивальдары болып, онда олардың мәдени күндері белгіленген.
7. Сөзжұмбақтар шешу. Әрбір топтың атауына қарай тапсырмалар беріледі

«Қазақстан» , «Конституция», «Ассамблея»

«Конституция»

2

1

3

4

6

5

7

8

9

10

11

1. Тудың түсі ...

2. Астананың бұрынғы атауы ...

3. Елорда...

4. Бізің Республикамыз...

5. Ұлттық валюта...

6. Қазақстан Республикасының тұңғыш ...

7. Рәміздердің бірі

8. Астананың тұсаукесері қай ай...

9. спорттық ....

10. .... тойған жеріне,

Ер туған жеріне

11. Гимнің әнін жазған....

«Ассамблея»

1

2

4

3

5

6

8

9

1. Елорда.

2. Бірінші байлық ...

3. «Алтын адам» сүйегі табылған қала .

4. Конституция қай айда қабылданды?

5. Сабаққа жүйелі түрде дайындалуға, сыныптан және мектептен тыс шараларға қатысуға

мектеп намысын, беделін қорғауға , мұғалімдер мен мектептің басқа қызметкерлерін қадір тұтуға, сынып жетекшісінің нұсқауларына бағыну, Үлкенге құрмет, кішіге ізет танытуға.....

6. Қазақтың тұңғыш ғарышкері?

7. Рәміздердің бірі...

8. «Жеті жарғыны» шығарған хан?

9. Гимнің әнін жазған....

«Қазақстан»

1

3

5

1. Ұлт

2. Қазақтың ұлы ақыны ...

3. Елтаңба, ту, әнұран Қазақстанның ....

4. Бұрынғы астана ...

5. Білім алуға,өзінің ар-намысын құрметтеуді талап етуге, үйірмелерге,спорт секцияларына , жарыстарға қатысуға ...

6. Тәуелсіздік алған ай....

7. ....... оттан да ыстық.

8.Кел балалар оқылық өлеңінің авторы..

9. Бейбітшілік құсы..

Рефлекция: Оқушылар өз тілектерін жазып іледі.

8. Қорытынды: Елбасы Ата Заң әркімнің бойтұмары болып, оның әрбір қағидасы мүлтіксіз орындалғанда ғана ортақ мақсатқа қол жеткіземіз» деп атап өтті. Сондықтан да біз конституциямызда көрсетілген барлық құндылықтарды сақтап, заң қағидаларымен өмір сүруіміз қажет. «Ел ерімен мақтанар, жер кенімен мақтанар» деген, елімізді қорғар ер-азаматтар, асыл ұрпақтар, тәрбиелі ұл-қыздар молая берсін.Қазақстанда 130 ұлт пен ұлыс болр екен. Қазақ шаңырақтың тірегі болса, басқалары уықтары. Шаңырағымыз ешқашан шайқалмасын.

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

ҰЛАН АУДАНЫ БІЛІМ БӨЛІМІ

МЕНІҢ ОТАНЫМ - ҚАЗАҚСТАН

5,6,7 сынып

Орындаған: Айтамбетова А.Т

2015 -2016 оқу жылы