Ана

Тақырыбы: Ардақтайық ананы!

Мақсаты: 8 наурыз туралы түсінік беру. Баларды барлық аналарға деген сүйіспеншілкке баулу, ана еңбегін ардақтап, құрметтей білуге тәрбиелеу.

1. жүргізуші:

Бүгін-науырыздың сегізі

Сұлулықтың егізі

Ең-қымбат гүл, ол адамның лебізі.

Анаға айтар лебізі,

Ең қымбат гүл, ең қымбат гүл

Ол адамның лебізі.

Анасыз бір жоқ күнің

Әжесіз жоқ бір күнің

Ұсынамыз біз бүгін

Жырдың сұлу шок гүлін

Ұсынамыз, ұсынамыз

Жырдың сұлу шоқ гүлін

2-жүргізуші:

-Құрметті ардақты аналар, қадірлі әжелер, қымбатты ұстаздар, аяулы қыздар! 8- наурыз -халықаралық әйелдер күні құтты болсын! Сіздерге ұзақ ғұмыр, бақытты өмір, отбасыларыңызға амандық пен қуаныш тілейміз. Бүгінгі «Ардақтайық ананы» атты кешімізді ашық деп жариялауға рұқсат етіңіздер!

1-жүргізіші:

-8 наурыз мерекесі! Тіпті табиғаттың өзі де бұл күні біздің тамаша әйел-аналарды даңққа бөлеп тұрғандай. Неге дәл осы күні 8 наурыз күні әйелдердің Халықаралық мерекесі болып белгіленді.

1908 жылдың 8 науырызында өздерінің ауыр жағдайына төзе алмаған Нью-Иорктың еңбекші аналары демонстрацияға шыққан. Міне осы оқиғаны есте қалдыру үшін, оны жыл сайын атап өту туралы шешім қабылдайды. Ал ресейде бұл мейрам алғаш рет 1913 жылы тойланды.

2- жүргізуші:

-Наурыз айының басында біздің еліміздің көптеген қалаларының көшелерінде кең байтақ даламызда әлі де қар жатады. Қыстағыдай ызғарлы, бірақ көңілімізді көктемнің алғашқы мерекесі жылындырады. Бүгін 8 наурыз-халықаралық әйелдер күні. Бұл мереке жылдың басқа мезгілінде болуы қисынға келмейтіндей. Өйткені, көктем секілді әйелдер де адамзатқа өмір, жылылық сыйлайды емес пе!

Бүгінгі мерекеміз аналардың құрметіне арналады.

Хор: «Ақ әжем» орындайтын бастауыш сынып оқушылары.

1-жүргізуші:

Даярлық сынып оқушыларының жыр шашуын қабыл алыңыздар.

1-оқушы:

Ақыл құйған санама

Еркежан Күннен де артық емес пе,

Күн-алыста, ал анам,

Ылғи менің қасымда.

2. оқушы:(Алихан)

Аналарды сүйеміз

сөзін ойға түйеміз

Әжені де ардақтап

Әдеппен бас иеміз

3. оқушы: (Мерхат)

Әлпештеген баласын

Ана-бақыт, ана-күн

Әркім сүйіп, өзінің

Мақтан етер анасын.

( 1 сынып оқушылары)

1 - оқушы: Ана -ұстаз!

2- оқушы: Ана-дәрігер!

3- оқушы: Ана-ғалым!

4- оқушы: Ана-ақын!

5- оқушы: Ана-өнер қайраткері!

6- оқушы: Ана-жазушы!

7- оқушы: Ана-қоғам қайраткері!

Барлығы хормен: 1 сынып оқушылары

Ана-біздің күніміз!

Ананың біз гүліміз!

Ұланыңды ,ана қуантып,

Ұзақ өмір сүріңіз.

1. жүргізуші:

-Ендеше барлық аналарға құрметпен бас иеміз.(Оқушылар бастарын иеді)

2- жүргізуші: Хор «Құттықтаймын мама туған күніңмен» орындайтын бастауыш сынып оқушылары.

1-жүргізуші:

-Мынау жарық дүниедегі өрнекті, өркендеген өмір құдіретті күннің нұрынан, ананың ақ сүтінен жаралған. Ұлы ақынды да, ойшыл данышпанды да, ел басқарған елағасын, ғалымды да өмірге әкеліп, әлпештеген өсіріп, ақ сүтімен нәр берген-ана.

1. жүргізіші:

-«Ана бір қолымен бесік тербетсе, екінші қолымен әлемді тербетеді»дейді халқымыз. Анасыз өмір, тіршілік жоқ. Бар жақсылықтың бастауы-Ана.

(2 сынып оқушыларының өлеңдері)

1- оқушы: (нарғыз)

Айтсаң болды тіл алам

Әйбат мамам, ақ мамам,

Сені көрсең қуанам

Сен керексің қайда да.

2-оқушы: (Ақтоты)

құтты болсын, ардақты анам,

асыл анам, мерекең

Құтты болсын, бүгінгі күн,

Қуанышты берекең.

2. оқушы: (Ділдә)

Шалқып-тасып әніміз

Жадырасын жанымыз

Апа, сені құттықтап

Әндетеміз бәріміз.

3. оқушы: ( Мирас)

Менің әжем, ақ әжем

Ұл мен қыздың бағы әжем,

Ертегі айтып бер десең

Айтып берер тағы әжем

5 оқушы: (Ақжайық)

Жүре берсең қасымда

Әйбат анам қуанам

Анашым деген даусыңнан

Мен мәз болып оянам

6-оқушы: (Аяжан)

Әр сөзіңді жаттаған

Жүрегімде сақтаған

Анашым деп мақтанам

Айналайын ақ мамам

1. жүргізуші:

Хор: «Бала кез» орындайтын бастауыш сынып оқушылары

2. жүргізуші: -Ана махаббаты адамға қанат бітіреді, күш береді, ерлікке рухтандырады.

1- жүргізуші: -Иә, анамызға, аруларымызға деген көңіліміз, мейіріміміз ұшан-теңіз. Анамыздың көңілі шат, жүзі жарқын, дені сау болуын әрқашан тілейміз.

(3-4 сынып оқушыларының өлеңдері оқылады.)

1- оқушы: (Мирас)

Қуанышқа бөленетін халықпыз

Ана сыйлау дәстүріміз, салтымыз,

Жыл құсындай әр көктемде келетін

Құтты болсын 8-ші мартыңыз

2-оқушы: (Азия)

Еркелесем күлімдейтін,

Ұрысқаны білінбейтін

Маңдайымнан иіскеп менің

Құлыншағым күнім дейтін

3-оқушы: (Ерасыл)

Әлемде ақылды адам

Бәрінен жақын маған

Ол жанымда жүрсе егер

Батырларша батылданам

4- оқушы: (Аружан)

Жамандықтан сақтандырып

Жақсы ісімді мақтан қылып

Мәпелеп ақ мамады

Жүрсем деймін мақтандырып

5- оқушы: (Бекзат)

Арым да, ардағым да анам екен

Ана деген адамға атамекен

Түн ұйқысын төрт бөліп берген сүті

Жүрегіңде жыр болып жатады екен.

1-оқушы: (Мағжан)

Арым да ардағым да анам екен

Ана деген адамға атамекен

Түн ұйқысын төрт бөліп берген сүті

Жүрегіңде жыр болып жатады екен.

2. оқушы: (Бегалы)

Ана деген адамға атамекен

Әр адам анаменен адам екен

Бір өзіңе көрсеткен жақсылығым

Бір күнгі тәтті ұйқыңнан садаға екен.

3. Оқушы: (Асхат)

Ана, сен алтын күн шуағы

Ана, сен өмірдің бұлағы

Жүрекке ақ жарқын сол бейнең.

Сөнбейтін асыл нұр құяды.

4. Оқушы: (Саябек)

Асыл анам, бір саған бас идім

Көзі деп адалдық асылдың

Өзіңнен нәр алып өстім де,

Жолыңа жыр болып шашылдым.

(бастауыш сынып оқушыларын сахнадан түсіру)

2- жүргізуші: -Сен білесің бе, дүниедегі ең сұлу кім?

1-жүргізуші: - Дүниедегі ең сұлу-ол қазақ әйелі.

2-жүргізуші: -Солай ма.қалайша?

1-жүргізуші: -Қазақ әйелі бар мұратын отбасының игілігіне байлаған әлемдегі ірі адам.

2-жүргізуші: -Қазақ әйелі бар тілегін перзентінің жолына арнаған әлемдегі ең мейірман ана!

1-жүргізуші: -қазақ әйел» бар бақытын некелі ерінің талайынан күткен, әлемдегі ең адал жар.

2-жүргізуші: -Ұлттың ұйытқысы

1-жүргізуші: -Ұрпақтың айнасы!

2-жүргізуші:

Бүкіл әлем аналардың ақ сүтінен нәр алған

Бүкіл әлем аналардың үмітінен таралған

Әлемде сен болмасаң осылайша

Туар ма еді жүрегімде биік мақсат, игі арман.

1- жүргізуші: Ән «Әгугай» орындайтын 1 сынып оқушысы Қазыкен Толқын

2- жүргізуші: -Үйдің алтын қазығы кім?

1- жүргізуші: -Үйдегі алтын қазық-ана. Ана ақылды болса , балаға дана болады. Ана тәрбиесі -қызға үлгі. Әке тәрбиесі-ұлға үлгі. Ана -ақылшың, әке қамқоршың, аға қорғаушың, інің сүйенішің, қарындасың қанатын екенін ұмытпа. Ананы сыйламағанның ақылы кем, әкені сыйламағанның жақыны кем. Ананың мейірімі-көзінде, ықыласы-көңілінде, ақылы-сөзінде емес пе?.

1-оқушы: (Табиғат)

Ана кейде қалжырап жүрсін мейлі

Бір сәт те қабақ шытып күрсінбейді

Өмір, бақыт тілейді баласына

Мәңгілік тыныштық боп тұрсын дейді.

2-оқушы: (Құндыз)

Ақ арман-аппақ анам,

Өзіңсің бақта маған

Шығамын ақ сүтіңді

Қалайда, ақтап анам!

3-оқушы: (Ақмарал)

Ардақты анам асылым

Әнге қосып жырлаймын

Жырымның ең асылын

Мерекеңе сыйлаймын

1-Жүргізуші: Ән «Жан гүлім» орындайтын 1 сынып оқушысы Халел Мөлдір

2-жүргізуші: Балаға ең жақын, сіз- Ана,даналар,

Сіздің ыстық құшағыңыз

балаға пана болар.

Жүрегіңнің бір бөлшегі-бала үшін,

Сізден жақын адам бар ма, аналар!

1. оқушы: (алуа)

Алақаны ақ самал

Мәпелеген жан ана

Көкте күнім батса да

Өзің күнсің балаңа

Теңдесі жоқ данасың

Арқа тұтар панасың

Еңбегіңді ақтайын

Аман болшы ,анашым

2. оқушы: (Айзада)

Мәпелейсің мені ,анам

Қолыңдағы құсыңдай

Құлпыра өсіп дем алам.

Құшағыңда қысылмай

Үмітіңдей көзіме

Көп қарайсың үңіліп

Еркелеген сөзіме

Ертеңіз тұр күліп.

3- оқушы: (Балауса)

Бәрі де, ана, бір өзіңнен басталады.

Сен деп жаздым алғаш өлең-дастанды

Қуандым ба?

Өзің жоқ деп жас тамды.

Бәрі де, ана, бір өзіңнен басталды

Жанарыңнан көрдім алғаш аспанды

Еркелесем Бір өзіңе еркелеп

Жасқандым ба?

Тек өзіңнен жасқандым.

1-жүргізуші: Түрік биі орындайтын бастауыш сынып оқушылары

2- жүргізуші: Ер жеткізіп елге берген баласын,

Ақылдысың, ардақтысың, данасың

Қарайтыным қас-қабағың бір сенсің

Қайратыңнан қайта көрме, анашым.

1- жүргізуші: Мен өзіңмен қайда болсам біргемін,

Махабатың жүрегімде жүр менің.

Күн нұрындай-жадырай бір күлгенің,

Қандай жақсы ортамызда жүргенің.

1-оқушы: (Серікбол)

Ана десем, алғыс алам халқымнан,

Ана десем, теңіз болам шалқыған.

Ана десем, ашылады қабағым,

Ана десем, әділдікті ұғамын.

5-оқушы: (Сара)

Адам бар ма ана сүтін ақтаған,

Алуан-алуан ауыр сынды аттаған.

Адалдықты, ар-намысты сақтаған,

Мен анамның сонысына мақтанам.

6- оқушы: (Мейрам)

Аяулы да, алтын нұрлы анашым,

Жүрегіммен мәңгі бірге боласың

Сен-асқарсың, сен-аспансың, биіксің,

Сен-дарқансың, сен-жомартсың, данасың.

2-жүргізуші: Ән: «Сенің анаң Алтын» орындайтын 3 сынып оқушысы

Мергенбай Бекзат

1. жүргізуші:

Вальс биі: орындайтын 1 сынып оқушылары

2. жүргізуші:

Аналар жоқ-ау баласын оңай өсірген,

Мехнат тартып бәрі де азап кешірген.

Тереңдеп сызған әжім басқан ақ бетін,

Қадір тұт, балам шығарма әсте есіңнен.-деп ақындар жырлағандай, ананы қадірлеңдер, сыйлаңдар. Ананың ақ сүтін ақтау үшін, оның өсиетін тыңдап, өнегесін орындай білу керек.

1. жүргізуші:

Аналар бүгін қаншама жылы лебіздер естіді. Ұл-қыздары, бауырлары, бәрі келісіп алғандай оларға «әлемдегі ең сұлу, ең мейірімді, ең қамқор адамсыз» дейді.

2. жүргізуші:Осымен «Ардақтайық ананы»атты кешіміз аяқталды.

Көріп тамашалағандарыңызға рахмет. Мерекелеріңізбен