Внеклассное мероприятие. Последний звонок. Сонъки чанъ

СОНЪКИ ЧАНЪБугунь бизде буюк байрам,Юзлерде корюне гъам.Бугунь мезунлар ичюн,Къакъыладжакъ сонъки чанъ. А.б: Селям алейкум, севимли талебелер, ана-бабалар, сайгъылы оджалар ве урьметли мусафирлер! Бугунь бизим мектебимизде буюк байрам- сонъки чанъ, мен эпинъизни хайырлайым. Байрамны ачмакъ ичюн Украина Джумхуриет ве къырымтатар миллий гимнлери чалынаджакъ. Дикъкъат олманъызны риджа этем. (гимнлер чалына)А.б: Бизим тантаналы байрамымыз мектеп талебелерине багъышлана. Мек...
Раздел Классному руководителю
Класс -
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

СОНЪКИ ЧАНЪ

Бугунь бизде буюк байрам,

Юзлерде корюне гъам.

Бугунь мезунлар ичюн,

Къакъыладжакъ сонъки чанъ.


А.б: Селям алейкум, севимли талебелер, ана-бабалар, сайгъылы оджалар ве урьметли мусафирлер! Бугунь бизим мектебимизде буюк байрам- сонъки чанъ, мен эпинъизни хайырлайым. Байрамны ачмакъ ичюн Украина Джумхуриет ве къырымтатар миллий гимнлери чалынаджакъ. Дикъкъат олманъызны риджа этем.

(гимнлер чалына)

А.б: Бизим тантаналы байрамымыз мектеп талебелерине багъышлана. Мектебимизде бу йылы учь мезунлар сыныфы бар, бу 4, 9 ве 11 сыныфлар.

4 сыныфта 9 талебе бар, бу талебелер башлангъыч мектептен - орта мектепке кечелер. Сыныф рехбери -Люманова Нияра Абдулджемильевна. Мейдангъа 4 сыныф талебелери давет этиле.

(мектеп гимны янъгъырай, 4 сыныф талебелери чыкъа)

А.б: Орта мектептен юкъары мектепке кечеджек 9 сыныф талебелерини теклиф этмеге истейим.Бу сыныфта 12 талебе бар. Бу сыныфтаки бир-къач талебер ичюн бугунь сонъки кере чанъ къакъыладжакъ. Келинъиз, бу сыныф талебелерини ве оларнынъ сыныф рехберини Джемилева Эльвира Решатовнаны къаршылайыкъ.

(мектеп гимны янъгъырай, 9 сыныф талебелери чыкъа)

А.б: Бизим мектебимизнинъ гъуруры, бутюн спорт ярышларында конкурсларда, фааль иштирак эткен 11 сыныф талебелери. Сыныфта-18 талебе- энди 18 мезун бар. Сыныф рехбери - информатика ве физика оджасы Меннанов Артур Джеватович. Келинъиз, бу мезунларны ве оларнынъ сыныф рехберини къаршылайыкъ.



(мектеп гимны янъгъырай, 11сыныф талебери чыкъа)



А.б: Бу сыныфта 11 йыл девамында тасиль алгъан талебелер:

1

2

3

А.б: Бугунь сонъки чанъ байрамына мусафирлер кельдилер, бу:

- Зуя къасабасынынъ имамы- Дилявер мола

-_____________________________________- Къарасувбазар район

администрациясынынъ векили.

- Шакиров Асан Эмирович- Зуя къасаба советининъ реис муавини.

А.б: Байрамны дуванен башламагъа теклиф этем ве сёзни Зуя къасабасынынъ имамына берем.


(сез моллагъа бериле)


А.б: Мезунларны хайырламакъ ичюн сез Зуя миллий мектебининъ мудирине Ильясова Р.В. бериле. Буюрынъыз!

(сез мудирге)


А.б: Сёз мусафирлерге бериле.

(сез мусафирлерге)


А.б: Мезунларымызны хайырламакъ ичюн сез 1 сыныф талебелерине бериле. Олар да озь насиатларны ве хайырлавларны азырладылар.

(1 сыныф шиир окъуй, чанъчыкълар асалар)

А.б: Энди исе вакъыт кельди сёзни 11 сыныф мезунларына бермеге.

( талебелер торге кечелер)

А.б: Шимди линейкамызнынъ энъ муим вакъыты. Бизим мектебимизнинъ мезунлары Зуя миллий мектебининъ байрагъыны невбеттеки талебелерге такъдим этеджеклер. Дикъкъат олманъызны риджа этем.

(11 сыныф талебелери байракъны такъдим этелер)

А.б: 1 сентябрь куню 2002 сенеси ана-бабаларынъыз сизлерни, уфачыкъ балачыкъларны, къолунъыздан тутып, милий мектебимизге кетирдилер. Мектеп сизге озь къучагъыны ачты, къаршылап алды.

(биринджи оджасына шиир окъула)

1 мезун:(_________)

Урьметли, севимли биринджи оджамыз Гульнар Акимовна! Эр шей акъылымызда: меракълы дерслеринъиз, шенъ тенеффюслеримиз, биринджи арифлер, сёзлер, джумлелер… биринджи татлы, дюльбер ана тилимизде окъулгъан сёзлер: « Ана», «Ватан», «Къырым»… сагъ олунъыз, урьметли Гульнар Акимовна!

2 мезун: (_________)

Окъуп бильги алмакъны,

Ишни яхшы япмакъны,

Акъикъатлы олмакъны

Огрендик Сизден, оджам.



(биринджи оджагъа гуллер бериле)

А.б: 5 сыныфтан 11 сыныфкъа къадар оларгъа дост олып, оларгъа эр даим ярдым къолуны узаткъан информатика ве физика оджасы Меннанов Артур Джеватович эди.

(сыныф реберине шиир окъула)

3 мезун:(_________)

Урьметли, Артур Джеватович ! Йыллар девамында янымызда эдинъиз.Биз къайгъы ве къуванчларымызнен сизнен пайлаштыкъ, ярдымынъызны эр даим сездик! Сагъ олунъыз!

4 мезун:(_________)

Достлукъны, муаббетликни,

Яхшы адет кутьмекни,

Инсанларны севмекни,

Огрендик Сизден, оджам


(сыныф реберине гуллер бериле)

А.б: Мезунларымызнынъ эр вакъыт меракълы вазифелерине, ишлерине къол туткъан оджагъа, мектеп мудирине Ильясова Р.В. талебелер озь тешеккюр сёзлерини ифаде этмеге истейлер.

(мектеп мудирине шиир окъула)

5 мезун:(_________)

Окъув йылларымызда мектебимизде акъыллы, алидженап, ватанпервер инсан Ильясова Р.В. реберлик япты. Бугунь бизлер эпимиз янъы аят босагъасындамыз ве эминмиз ки, бизлерни эр даим бу мектепте тебессюмнен къаршыларсынъыз.

6 мезун:(_________)

Сагъ олунъыз Сиз, оджам,

Бар олунъыз Сиз, оджам,

Сизге олгъан севгимизни

Юрегимизде сакълайджам!


(мудирге гуллер бериле)



7 мезун:(_________)

Йыллар девамында бизим дерслер джедвелини идракълы, мераметли инсан Джонаидова Шефика Сеитасановна тизди. Сагъ олунъыз!

(мудир муавинине гуллер бериле)

8 мезун:(_________)

Мудир муавини Абибова Эльмира Биляловна тербиемизни юксек дереджеге котермеге тырышты, бизге эмиетли, миуим насиатлар берди. Сагъ олунъыз!

(мудир муавинине гуллер бериле)

9 мезун:(_________)

Биз кетерик, мектеп къапулары япылыр, босагъада исе бизни окъуткъан, макътагъан, насиатлар берген, бизнен бир къувангъан ве инджынгъан, эр даим тек яхшылыкъкъа чагъыргъан оджаларымыз къаладжакъ.

10 мезун:(_________)

Огюнъизде тиз чёкемиз, къыйметли оджаларымыз.озюнъизни аджымай бильги бергенинъиз ичюн сагъ олунъыз. Бизлерни 11 йыл девамында къаршылап алгъан,бильги берген инсанларгъа «Сагъ олунъыз», деймиз.

(бутюн оджаларгъа гуллер бериле)

А.б: Бир йыл девамында 11 сыныф талебелери мектебимизнинъ саиплери эдилер, ве шимди олар Зуя миллий мектебимизнинъ анахтарыны 10 сыныф талебелерине такъдим этеджеклер.

Мектеп президенты:(__________)

Урьметли, миллий мектебимизнинъ талебелери, оджалары. Биз, бугунь янъы аят ёлуна чыкъамыз, келеджек зенаатымызны сечемиз. Амма арткъа бакъсакъ: мектебимиз, шенъ балалыкъ чагъмыз къала. Биз бир йыл девамында мектебимизнинъ намыны тек район ярышларында дегиль, республика ярышларында да къутармагъа тырыштыкъ. Сизлерге мектебимизнинъ анахтарыны такъдим этемиз ве насиат этемиз:

- районда ве республикада кечирильген ярышларда иштирак этип, мектебимизнинъ намыны котеринъиз,

- оджаларны урьмет этинъиз,

- башлангъыч сыныфларында окъугъан талебелерине бабалыкъ япынъыз,

- ве энъ муими, озь ара муаббет- муаббет яшанъыз.

10 сыныф талебеси: (__________)

- районда ве республикада кечирильген ярышларда иштирак этип, мектебимизнинъ намыны котерьмеге сёз беремиз,

- оджаларны урьмет этмеге сёз беремиз,

- башлангъыч сыныфларында окъугъан талебелерине бабалыкъ япмагъа сёз беремиз,

- ве энъ муими, озь ара муаббет- муаббет яшамагъа сёз беремиз.

(11 сыныф талебеси анахтарны такъдим эте)

А.б: 11 сыныф талебелери мектепни битирип кетеджеклер ве шимди бизлерге сёз бермеге истейлер.

( мезунлар антларны окъуйлар)

. -Мектепни унутмамагъа сез берем; (_________)

-Бизни окъуткъан оджаларны хатырымда тутмагъа сез берем! (_________)

-Озь балаларымны бу мектепте окъутмагъа сез берем! (_________)

-Буюк инсан олып, мектепке эр даим ярдым этмеге сез берем! (_________)

-Алий окъув юртуны битирген сонъ, бу мектепте оджа олып чалышмагъа сез берем! (_________)

-Эр йыл мезунлар корюшювине кельмеге сез берем! (_________)

-Оджаларнен эр вакъыт багъ тутмагъа сез берем! (_________)

-Озь сыныфдашларымнен достлугъымны девам этмеге сез берем! (_________)

-Эм сезлеримнен, эм эмегимнен миллий мектеп мезуны олгъанымны косьтермеге сез берем! (_________)

-Хатырымда тек эйи сезлерни тутмагъа сез берем! (_________)

-Оджаларны корьгенде, елдан кечмейип, селямлашып хатырларыны сорамагъа сез берем! (_________)

-Юрегимизде миллий дуйгъумызны сакъламагъа сез берем! (_________)

А.б: Машалла!!! Мен беллесем, мезунларнынъ сезлерини биз эпимиз акъылымызда тутармыз. Энди исе оджаларны хайырламакъ ичюн сёзни мектеп мудирине бермеге истеим.

(сез мудирге)

А.б: Вакъыт кельди «Къырым вальсине». Бу йыл район ярышында, бизим мектебимиз 17 мектеп арасында 4 ерни къазанды. Мен истейим бу ярышта иштирак эткен талебелерине тешеккюримни бильдирмеге. Энди исе мейдангъа мезунларымызны давет этмеге вакъыт кельди. «Мектеп вальсы» мезунларынынъ иджрасында сизнинъ дикъкъатынъызгъа.

(К.вальс 10 с.+ 11 с+ ана-бабалар)

А.б: 11 йыл девамында мезунларгъа таянчы олып, ярдым эткен адамлар бар, бу ана-бабалар. Мезунлар шимди озь тешеккюр сёзлерини айтмагъа истейлер.

( мезунлар ана-бабаларгъа шиирлер окъуйлар)

11 мезун:(_________)

Бугунь бу байрамны аналарымыз, бабаларымыз, бита ве къартбабаларымыз да къайд этелер. Севимли ана- бабаларымыз! Байрамынъыз хайырлы олсун!

12 мезун:(_________)

Эр даим козьлеринъиз шенъликке толсун!

Ватан кунеш шавлеси,

Нур сачсынъ юрегинъизге,

Бу гуллернинъ эписи- сизге!


А.б: Сёзни 11 сыныф мезунларынынъ ана -балалар комитетининъ векилине беремиз.

( сёз ана-бабаларгъа бериле)

13 мезун:(_________)

Озь миннетдарлыгъымызны мектепте чалышкъан эмексевер, мераметли инсанларгъа техник хадимлерине, китапханеджи Бахтиле Меметовнагъа, эмшире Нияра Сеитхалиловнагъа бильдиремиз.

Эр вакъыт мектепни темиз тутмагъа тырышкъаныныз ичюн, мектеп азбарыны темизлегенде реберлик япкъаныныз ичюн. Чокъ сагъ олунъыз.

( гуллер бериле)


А.б: Шимди мезунларымыз бизлер ичюн «Коран» оюныны иджра этеджеклер.

( оюн иджра этиле)


А.б: Йыллар девамында оларны де дерске, де тенеффюске чагъырып, бельки де юз бинъ кере янгъырагъан чанъ шимди махсус олар, мезунлар ичюн сонъки кере чалынаджакъ. Сонъки чанъны къакъмакъ ичюн имкян 11сыныф талебесине бериле.

(чанъ къакъыла)

Бунынънен тедбиримизнинъ тантаналы къысмы бите.

(гимнлер чалына)

Урьметли мезунлар, биз сизлерни сонъки дерске давет этемиз. Озь сыныфларынъызгъа кечинъиз.

Ана-бабалар ве мусафирлер, урьмет этип кельгенинъиз ичюн, чокъ сагъ олунъыз!





























СОНЪКИ ЧАНЪ











© 2010-2022