«Ең үздік оқырман» сайысы

Н.Островский атындағы №4 Күршім орта мектебі

кітапханасында өткізілген

«Үздік оқырман» сайысы.

Кітапхана меңгерушісі : Какеева Ш. Қ.

2-4 сынып.

Мақсаты: ұлттық сана- сезімі жоғары, рухани ойлауы терең, мәдениетті, парасатты, ар-ожданы мол,еңбекқор ұрпақты кітап оқу арқылы тәрбиелеу.Кітапты сүйе білуге, кітапты қадірлеуге баулу.

Көрнекілігі: « Менің сүйікті кітаптарым» атты көрме, оқырман формулярлары.

Нақыл сөздер:

1. «Кітап- жан азығы», «Кітап- білім бұлағы,білім- өнер шырағы».

2. «Артық білім кітапта, ерінбей оқып көруге.»Абай Құнанбаев.

3. «Әрбір адамның ең жақын досы- өмірлік досы - кітап болуы тиіс.»М.Әуезов.

4. Кітап жинап ,түптеймін,

5. жыртылмасын,

Мұқабасын бүкпеймін,

Қырқылмасын.

Таза болсын беттері, кірлемесін,

Көрген кісі кітабы кір демесін.

М.Әлімбаев.

Кітапханашы:Халқымыз өнер мен білімді қастерлеген.Бүгінгі таңда адамзат алдында тұрған бастымақсат- білімді ұрпақ тәрбиелеу.Ал ұрпақ білімді қайдан алады?Әрине, кітаптан. «Кітапхана -білімнің күншуағы» десек, «Ізденсем,білсем» деген балаға кітапхананың есігі әрқашан да ашық.Ата-бабамыз кітапты ерекше ақылшы ұстаз санаған.»Кітап- білім бұлағы, білім-өмір шырағы» деген қанатты сөз қалдырған.»Артық білім-кітапта,ерінбей оқып көруге» депАбай Құнанбаев атамыз айтпақшы, адам баласы үшін кітап- тілсіз тәрбиеші.Кітап адам баласына бала кезінен бастап,өмірінің соңына дейін сырлас досы бола алады.

Олай болса , қымбатты оқырмандар!Бүгін бастауыш сынып оқушыларының қатысуымен «Үздік оқырман» сайысын өткізгелі отырмыз.Сайысымыздың атынан белгілі болып тұрғандай, қай оқушы кітапханамен жақсы қарым-қатынас жасайды, кім көп кітап оқығанын, кітап оқу арқылы кімнің білімі мен білігі артық екенін анықтаймыз.

1 жүргізуші:

ХХІ ғасыр- білім, ғылымның ғасыры.Еліміздің Еуразия жүрегіндегі Жаңа Қазақстанды өркендетудің 2030 жылға дейінгі бағдарламасына талабы таудай, қабілетті, ізденімпаз жастар ұлтымыз үшін мақтаныш, еліміз үшін абырой екені, ондай жастардың әлемдік бәсекtлестікке төтеп беретіні, ұлт ақыл-ойының ұйытқысы болатыны көрсетілген.

Бәсекеге қабілеттіктің басты көрсеткіші- білім, ал білімнің кәусәр бұлағы кітап екені бәрімізге белгілі.Өркениеттің көшінен қалмау үшін біз білім сапасын арттыруымыз қажет.Болашақ білімді жастардың қолында.Біз сіздерді бүгінгі жиында кітапхананың білімді де, талантты «Үздік оқырмандарымен» таныстырамыз.

.

І бөлім.Кітап- білім бұлағы.

ІІ жүргізуші:

Бүгін мейрам, бізге үлкен мереке

Тойлайықшы кітабыңды жыр ете.

Әрі ақылшың- рухани қазынаң

Құнды байлық баға жетпес бұл өте, -деп сол мол байлықты игеріп, өз бойларына сіңіріп, кітап атты рухани доспен сырласып жүрген оқырмандарымызды ортаға шақырамыз.

1. жүргізуші:Бүгінгі болғалы отырған сайысымызға қатысушы оқырмандармен таныстырайық.:

Сайысқа қатысушылар:

1. 3 а сынып оқушысы- Бірлес Дина

2. 3 а сынып оқушысы- Зеренбеков Берікжан

3. 3 а сынып оқушысы- Есімханова Аружан

4. 4 б сынып оқушысы- Мұқан Аяжан

5. 4 б сынып оқушысы- Нұрсоветова Дильназ

6. 4 б сынып оқушысы- Қабылқайырова Камшат.

ІІ жүргізуші:

Сайысқа қатысатын оқырмандар, әділқазылар алқасының мүшелерімен таныс болыңыздар:

1.Мектебіміздің кітапханашысы: Сергазина Гүлбаршын

2.Мектеп тәлімгері: Абилмажинова Меруерт

3.

1 жүргізуші:

Ақыл-көрік бойларыңа жетеді,

Әлі талай сынақтардан өтеді.

Мына отырған баршаңызды өзімен

Тез арада таныстырып өтеді.

Алғашқы бөлім-танысу сәті.

1 сайыскер

2 сайыскер

3 сайыскер

4 сайыскер

5 сайыскер

6 сайыскер

2 жүргізуші:

Сайыста озып шығар жүйріктері

Әрқайсысы бақтарынан көрер енді.

Қанекей, оқырмандар сайысқа шық,

Таң қалдыр біліміңмен көрерменді.

Сайысымыздың шарты бойынша : сайыскерлер өзі оқыған, өзіне ұнаған кітаптарынан түсінік айтады.Ендеше кезек өздеріңізде.

1 сайыскер

2 сайыскер

3 сайыскер

4 сайыскер

5 сайыскер

6 сайыскер

І жүргізуші:

Өлең сөздің патшасы, сөз сарасы,

Қиыннан қиыстырар ер данасы.

Тілге жеңіл, жүрекке жылы тиіп,

Теп- тегіс жұмыр келсін айналасы.

Тақпақты мәнерлеп жатқа айту.

1 сайыскер

2 сайыскер

3 сайыскер

4 сайыскер

5 сайыскер

6 сайыскер.

іІ жүргізуші:

Дейді оқушылар «Кітап-білім бұлағы»

Кітапхана- сол кітаптар тұрағы.

Көп үйреніп, көп оқыған баланың,

Анық тағы білімпаз боп шығары.

Келесі бөлімімізде сұрақтарға жауап беру.

Қойылатын сұрақтар:

1.Ұлы Отан соғысында ерлік көрсеткен қазақтың батыр қыздарын ата.(Әлия Молдағұлова,Мәншүк Мәметова.)

2.Бірінші маусым қандай мереке?

(Балаларды қорғау күні )

3. Қазақстан Республикасының Мемлекеттік Әнұранының авторларын ата: (Сөзі:Жұмекен Нәжімеденов, Н.Назарбаевтікі, әні:Шәмші Қалдаяқовтікі)

4. Қазақтың үш биін ата.(Төле би, Әйтеке би, Қазыбек би )

5. Жалаң сөйлем деген қандай сөйлем? (Бастауыш пен баяндауыштан ғана құрылған сөз)

6. Қазақ даласында алғаш мектеп ашқан, қазақтың ұлы ағартушысы кім? (Ыбырай Алтынсарин)

7.Қазақстан республикасының астанасы қай қала? (Астана)

8.Қазақтың қандай ұлттық ойындарын білесің? Атап бер. (тоғызқұмалақ,қыз қуу, көкпар, теңге алу т.б)

9.22 қыркүйек қандай мереке? (Тілдер мерекесі)

10. «Кел, балалар, оқылық» өлеңінің авторы кім? (Ыбырай Алтынсарин)

11. Қазақстанның мемлекеттік рәміздерін ата.(Ту, Елтаңба, Әнұран)

12. Жыл атауынан құр қалған жануар не? (түйе)

13. Қазақтың аты аңызға айналған батыры кім? (Бауыржан Момышұлы)

14. 1912 жылы қазақ әліппесін жасаған, алғаш оқу құралын жазған кім? (Ахмет Байтұрсынов)

15. Абайдың қандай өлеңдерін білесің? («Қыс», «Жазғытұры», «Жаз», «Күз», «Қараша , желтоқсан мен сол бір екі ай»

16.Ыбырай Алтынсариннің қандай әңгімелерін білесің? («Мақта қыз бен мысық», «Әке мен бала», «Таза бұлақ», «Асыл шөп»)

І жүргізуші:

Адамның досы кітап, өмір кілті,

Тең келмес оған жиған дүние мүлкі.

Ақылшы, жанға серік, жол бастаушы,

Асыл ой, қазынасы, өмір көркі.

ІІ жүргізуші:

Кітапты оқымайды сыйламаған,

Білімге жанын жанып қиналмаған.

Өсірген кімнің болсын ой- өрісін,

Сол кітап бек ақылшы күнде маған.

Келесі бөлім «Тапқыр болсаң, тауып көр» деп аталады.

Слайдтағы суреттер арқылы қай ертегі кейіпкерлері екенін анықтау.Ендеше, мұқият назар аударып, жауабын табайық.

Кітаптан үзінді оқылады, кітаптың аты мен авторын табу.

І жүргізуші:

Әділқазылар алқасы қорытынды шығарғанша «Менің сүйікті ертегілерім» атты кітап көрмесіне назар аударайық. Сөз кітапханашы апайда.

І І жүргізуші:

Жеңімпаздарды марапаттау рәсімі.Сайыста өзінің оқыған кітаптары жайында жақсы әңгіме айтып, тақпақты мәнерлеп оқыған, сұрақтарға дұрыс жауап беру жағынан көзге түскен үздіктер анықталады.

Үздік оқырмандарға орындар беріліп, марапатталады.

Кітапханашы: Кітапхана- білімпаздар мекені, оқушылар кітапханаға келіп, кітап алып оқып, кітаптан керекті тапсырмаларына дайындалады, білімдерін жетілдіреді. Біздің кітапхана кішкентай болғанмен, атқаратын қызметі үлкен.Ия, біз кітапханашылар, кімнің неше кітап оқығанын, өлең, шығарма жазып, сурет салғанын және кімдердің кітапханаға келіп жүргенін есептеп отырамыз.