«Шалкан» әкияте

Тема: Шалкан  әкияте.          Матур  авыл  көе  уйный.  Бакча  күренеше. Якында  гына  өй, оясы  янында  эт   йоклап  ята.   Катнашалар :                       Әкиятче                       Бабай                       Әби                      Кыз                      Акбай                      Мыраубай                      Тычкан   Әкиятче: Шалкан   чәчкән  безнең  бабай Майның   нәкъ  унбишендә Уңыш  алырга  уйлаган, Көзге  көннең  берсендә. Бабай: Ни  хәл  итим, көчем  җитми, Әллә  картлык   килгәнме? Әллә  инде  шалканым  соң Өлгереп  җитмәгәнме? Чыкмады  шул  шалканым, Актарсам   да  балчыкны. Чыгарырбыз  бәлки  икәү Чакырыйм  әле  карчыкны.                                                    ( Әбине  чакыра) Тот  шушыннан  арканны, Чыгарыйкчы  шалканны. Әби: Каты  тотсам  арканны, Авырттырыр  аркаңны. Бабай:  Карчык  хәйлә  тапма  әле, Тот  шушын   арканны! Әби: Җыелышка  барасым  бар, Кайткач   сыер  савасым  бар, Ит  бәлеше  саласым  бар. Тартсам   тартырмын  ярар, Синеңчә  булсын,  давай! Әкиятче: Әй  тарталар, тарталар, Шыбыр  тиргә  баталар. Бабай: Юк  шул, карчык  көч  җитми, Бигрәк  хәлсез  булдыкмы? Әллә  шалкан  бик  ныкмы? Чакрыйк  соң, оныкны.                                        ( Җырлый-җырлый  онык  керә) Онык: Их  тала, тала, тала Тала   ике  беләгем, Курчагымнан   аералар Шуңа  яна  йөрәгем! Әби: Тот  шушыннан  арканны Өчәү  тартыйк  шалканны. Әкиятче: Әй  тарталар, тарталар, Шыбыр  тиргә  баталар. Бик  нык  булса  да  аркан, Һаман  чыкмый  шул   шалкан! Онык: Бәлки  Акбай  булышыр, Сөяк  бирсәк  тырышыр. Акбай, Акбай  кил  әле, Безнең  хәлне  күр  әле. Акбай: Ничә  ел  өй  саклыймын, Отпуска   да  бирмисез. Инде  яшем  дә  шактый Пенсия   түләмисез. Китәрмен  бер  көн  качып, Калырсыз  авыз  ачып. Тартырмын   бер   сарык  суйсаң, Алга   майлы  калҗа  куйсаң! Бабай: Ярар инде,  суярбыз, Алдыңа  ук  куярбыз. Булма   бу  кадәр  үҗәт, Көчеңне  күрсәт  тизрәк! Тот  шушыннан  арканны, Дүртәү  тартыйк  шалканны. Әкиятче: Әй  тарталар, тарталар, Лачма  тиргә  баталар. Акбай: Әллә  кисенме  икән, Песиебез  Мыраубай? Барыбер  тотмый  өйдә  күсе, Тамак  тук, өсте  бөтен Йоклый  ул  көнен  -  төнен.                             (Мыраубай керә  култык  астында  мендәр) Мыраубай: Нигә  шул  кадәр  шаулыйсыз? Йокларга  ирек  бирмисез! Мин  тавышта  йоклый  алмыйм, Әллә  инде  белмисез? Мин  бик   матур  Мыраубай Тырнакларым   бораудай! Бабай: Тот  шушыннан  арканны, Бишәү  тартыйк  шалканны. Әкиятче: Әй  тарталар, тарталар, Шыбыр  тиргә  баталар. Мыраубай: Сарай  идән  астында Яши  таныш  тычканым Әллә  әйтеп  карыйм  микән, Шушы  тычкан  дуска  мин?                                             (Тычкан  керә,күкрәгендә  медаль) Тычкан: Хәлегез  бик  мөшкелме? Миңа  ялыныч  төштеме? Минем  өчен  шалкан  тарту Ярты  минутлык  уен! Тычкан  халкы  арасында Мин  беренче  чемпион! Әкиятче: Әй  тарталар, тарталар, Шыбыр  тиргә  баталар. Барысы  бергә: Өзелде  шунда  аркан, Ниһаят  чыкты  шалкан!