Қазақстан - ортақ үйіміз 5 сынып

Келісемін ____________ Бекітемін _______________

Әдістеме ісі меңгерушісі: Мектеп директоры: Н.В.Тегай С.Т.Арғынова

«Қазақстан - ортақ үйіміз» интеллектуалдық ойын

(4, 5, 6 орыс сыныптары арасындағы сыныптан тыс мерекелік шара)

Өткізілетін күні: 23.10.2014 сағат 15.00

Өткізген: қазақ тілі мен әдебиеті пәнінің мұғалімі М.Г.Сатенова

2014-2015 оқу жылы

Тақырыбы: «Қазақстан - ортақ үйіміз» интеллектуалдық ойыны
Мақсаты: «Қазақстан - ортақ үйіміз» интеллектуалдық ойынның өту барысында оқушылардың тілге деген сүйіспеншілік сезімдерін арттыру, топтық жұмыстарда белсенділік танытып, біліктіліктерін көрсете отырып, білім деңгейін шыңдау. Нәтижесінде әр топты ойынға қатысқандары үшін мақтау қағаздарымен марапаттау.

Міндеттері:
1. Оқушылардың бойындағы мемлекеттік тілге деген сүйіспеншілікті одан әрі дамыту, оны әрқашан құрметтеуге баулу. Оқушылардың білім деңгейін байқау.
Өз отбасын, Отанын сүйіп, әдепті болуына бағыт - бағдар беру.
2. Оқушылардың сөйлеу дағдысын дамыту, логикалық ойлау қабілетін жетілдіру, танымдық деңгейін көтеру.
3. Жас өспірімдердің туған жерінің мәдениетіне, тіліне құрмет сезімін тәрбиелеу.
Көрнекілігі: бейнетаспа, үнтаспа, слайдтар, қима -қағаздар.
Ойынның барысы:
Мұғалім сөзі: - Қайырлы күн құрметті ұстаздар, оқушылар! Елбасымыз Н.Ә.Назарбаев «Қазақстанның болашағы - білімді ұрпағында» дегендей, сендер сол болашаққа бүгінгі білімдеріңмен, бастау алып отырсыңдар. Бүгінгі ойынымыз сіздердің білімдеріңізді, ұшқыр ойларыңызды өрнектеп ортаға салу. Олай болса, «Қазақстан - ортақ үйіміз» атты ойынымызға қош келдіңіздер! Ойынға қатысушыларды ортаға шақырамыз.

4 «Б» сыныбы 5 «Б» сыныбы 6 «Б» сыныбы Ахметова Милена Бодрова Вероника Гуралевич Екатерина Бейсенбаева Лаура Исаханов Тимур Журавлева Виктория Дронова Ирина Криулин Иван Куатова Зарина Серканова Карина Ихнова Елена Кусманов Дияз

Құрметті ойыншылар, біз қазір мына үлестірме қима-қағаздар арқылы екі топқа бөлініп, отырамыз. Оқушылар жануарлар мен табиғат көрінісі суреттері бар қағаздарды таңдап әркім өз орнын табады.

Бүгінгі ойынға қатысушы топтармен таныс болыңыздар.
І - «Барыс» тобы - ойыншылары:
ІІ - «Бәйтерек» тобы - ойыншылары:

Бүгінгі ойынымыздың бөлімдерімен таныстырып өтейін:
І. «Постер құрастыру» бөлімі ІІ. «Мың бір мақал» бөлімі ІІІ «Суретті жұмбақ» бөлімі ІV «Кім білгір?» бөлімі
I. Бірінші кезең: 1 «Постер құрастыру» бөлімін бастайық. Екі топқа арнайы тақырыптар бойынша постер құрастыру қажет. Бұл шараға топтағы барлық ойыншылар қатысады. Тапсырманы үлестірме қағаздан таңдап алады.

1- тақырып «Қазақстан қалалары» 2- тақырып «Туған қалам - Семейім»

II. Екінші кезең. Келесі бөлім «Мың бір мақал» деп аталады.

Әр халықтың өзіне тән мақал - мәтелі болады. Қазір мен орыс халқының мақалдарын айтамын және осы мақалдар интерактивті тақтада жазулы тұрады, ал сендер осыған ұқсас қазақтың мақалдарын табыңдар.

1. Всякому мила своя сторона. ( Әркімге туған жері ыстық )

2. Богата земля - богат народ. (Жері байдың - елі бай) 3. За родину, за честь - хоть голову снесть.(Отан үшін күрес - ерге тиген үлес) 4. Язык дружбы не нуждается в переводе (Тіл - достықтың мерейі) 5. Когда в семье лад, все вкусно подряд. (Тату үйдің тамағы тәтті) 6. Родина начинается с семьи. (Отан отбасынан басталады)

7. Кто служит родине верно, тот долг исполняет примерно (Отаны бірдің жүрегі бір, Жүрегі бірдің тілегі бір.) 8. Если народ един - он непобедим. (Бірлік бар жерде, тірлік бар)

ІII. Үшінші кезең: Келесі бөлім «Суретті жұмбақ» деп аталады. Қазақтың ұлы тұлғаларын, белгілі жазушыларын, спортшыларын, әншілерін білесіңдер ме?

(Интерактивтік тақтада ұяшықтарда жасырынған суреттерді таңдау бойынша ашып, берілген сұраққа жауап береміз.)

IV. Төртінші кезең: «Кім білгір?» бөлімі Әр адамның есімі нені білдіреді, оның шығу тарихы неге байланысты болғаныда әркімді де қызықтырады. Бұл жөнініде сендер әке- шешелеріңнен, апа- аналарыңнан сұрастырған шығарсыңдар.

1Красивая как луна- 2 Лунная душа- 3 Шелк- 4 Луч света- 5 Торжество - 6 Ласточка- 7 Надежда- 8 Утренняя звезда- 9 Лунный свет- 10 Жемчуг- 11 Прозрачная 12 Красивая- 13 Любовь- 14 Будь мужественным - 15 Гражданин - 16 Вольный- 17 Справедливый- 18 Драгоценный предмет - 19 Прозрачная- 20 Гранат-

Осы қазақ есімдеріне байланысты сіздерге екі тапсырма болады. 1-тапсырма - Қазір әр топ осы орыс тілінде берілген есімдердің мағыналарына байланысты қазақтың есімдерін жазып, атап шығады. Қай топ көп және дұрыс жазады.

2-тапсырма - Қазақтың есімдері бір түбірге бірнеше қосымшалар қосылу арқылы жасалады. Ай, Гүл, Ер - ден басталатын көптеген есімдер бар. Енді сіздер әр топ бір түбір сөзді таңдап алып, осы түбір сөз бар қазақтың есімдерін жазыңдар. Мысалы: 1топ. Ай - Айдана, 2 топ. Гүл - Гүлнар

Ойынның бөлімдері аяқталған соң оқушылардың жетістіктеріне тоқталып, ойынға қатысқандары үшін мақтау қағаздарымен марапатталады.

Қорытынды: Қазақ тілі- Қазақстан Республикасының мемлекеттік тілі. Қазіргі таңда қазақ тілінің мәртебесі үстем болып келеді. Болашақта сендер осы мемлекеттік тіліміздің мәртебесін биікке ұшыратын сұңқары, еліміздің білімді, мәдениетті, үлгілі азаматтары болатындарыңа сенемін.

Қол ұстасып тұрайық Шеңберді біз құрайық Көріскенше күн жақсы, Сау, саламат болайық!

Осымен, «Қазақстан - ортақ үйіміз» атты ойынымыз аяқталды, көңіл қойып тыңдағандарыңызға көп рахмет.