Тіл -ұлттың жаны, халықтың үні

Мектеп - кеме, білім - теңіз.

Балқаш қаласындағы

№8 мектеп басылымы.

Сүйемін туған тілді - анам тілін,

Бесікте жатқанымызда-ақ берген білім,

Шыр етіп жерге түскен минутымнан

Құлағыма сіңірген таныс үнім...

Ең бірінші сол тілмен сыртқа шықты

Сүйгенім, жек көргенім, ұнатқаным...

С. Торайғыров.

Ақылдың көркі - тіл, тілдің көркі - ой.

Ж.Баласағұн

Ана тілі - біздің туған анамыз

Анамызды сыйлап бағып- қағамыз

Ана тілін бағаласақ қалай біз

Өзіміздің солай болмақ бағамыз.

М.Жұмабаев

Әкемнің құты,

Шешемнің сүті

Сіңірген тұла бойыма

Бар асылын халықтың

Лұғатын ұлы тарихтың

Құйған сана - ойыма

Туған тілім өркенде

Бола бер күшті, көркем де!

С. Мұқанов

Туған елім - тірлігімнің айғағы,

Тілім барда айтылар сыр ойдағы.

Өссе тілім, мен де бірге өсемін,

Өшсе тілім, мен де бірге өшемін!

Ә.Тәжібаев

Оқушылар шығармашылығы

Тілді қорғау - азаматқа тән қасиет.

Жалпы, адамзат тарихына, әсіресе, қазақ тарихына көз жүгіртсек, ел үшін, тәуелсіздік үшін күрестің барлығы да тіл үшін күреспен астасып отырған екен. Біздің де ардақты тіліміз «мың өліп, мың тірілген» ұлтымыз сияқты талай қысқаталаңнан өтті. Тіл байлығы - әрбір елдің ұлттық мақтанышы. Ол - атадан балаға мирас болып қалып отыратын баға жетпес мұра. Демек, әр адам ана тілін көзінің қарашығындай қорғауға, оның орынсыз шұбарлануының қандайына болса да қарсы тұруы тиіс. Қадыр Мырзалиев:

Ана тілің - арың бұл,

Ұятың боп тұр бетте.

Өзге тілдің бәрін біл,

Өз тілінді құрметте - деген болатын.Рухы мықты қазақ халқы алып бәйтерек тәрізді тарихи тамырының тереңде жатқанын, ата - бабадан мирас боп келген қасиетті баба тілі арқылы сезінеді. Мыңдаған ғұлама ғалымдарымыз бен ақын-жазушыларымыздан, батырларымыз бен шешен билерімізден қалған - баба тіліміз болашақ ұрпаққа әлі де қалтқысыз адал қызмет етеріне мен сенмін. ХХІ ғасыр - қазақ елінің әлемдік өркениетке ұмтылып, бағы жанған кезеңі. Тіліміздің қаймағын бұзбай, оны қадірлеп, қастерлеу - біздің басты парызымыз.

Ақаш АЯУЛЫМ 9 А сынып

АНА ТІЛІМ

Түсімде біреу айтқандай болды сыр маған,

Сол сырды айтам ағайын құлақ түр маған,

Алдыңда қазір Ана тілім деп жыр бағам

Ал дайындал елім шырылдайды деп бір балаң.

Ана тілім - қазақ тілі, өз тілімді сүйемін,

Тілім үшін суға батып, отына да күйемін.

Ана тілін құрметтемей сыйламайтын адамды

Жақатпайды мына менің саусақтағы сүйегім.

Қазақ тілі өз ұлтымның өзіндегі қазына

Бұл қазына жөнінде өлеңдер көп жазылған.

Жай емес, бұл бай қазына аманаты бабамның

Аманатын бабамның жалғастыру парызым.

Қазақ тілін қорғаймын жаурамасын тоңбасын,

Ана тілін әр қазақ Отанындай қорғасын,

Қазақ тілін қастерлеңдер құрметтеңдер ағайын,

Қазақ тілі әлі жасар, әлі жасар сан ғасыр.

Ана тілім - қазақ тілі, осы менің тірегім.

Туған тілмен, қазақ тілмен бақытты өмір сүремін.

Қазақ тілі болмаса егер мына ғаламда

Қайтіп соғар мына менің кеудемдегі жүрегім.

Қазақ тілі ешқашанда өшпейді де өлмейді

Кейбір қулар қазақ тілін басқа тілден кем дейді

Қазақ барда, халық барда қазақ тілі - мәңгілік,

Қазақ барда қазақ тілі тек биікке өрейді.

ҚАБЕТОВ АЗАМАТ 9 Б СЫНЫБЫ

Туған тілім

Туған тілім-халқымның ар-ұяты,

Туған тілім-даламның бар сымбаты.

Туған тілім-елімнің көк жайлауы.

Өшпесе екен тілімнің мәңгі алауы.

Туған тілім құрыса жер бетінен,

Қалай ғана мына мен өмір сүрем.

Туған тілді ардақтап қадірлейік,

Туған тілдің қадірін түсінейік

Дәкібай АЛТЫНАЙ

9 А сынып

Ойлан да, тап!!!

"Қызықты анграмма"

"Белгілі бір жүйемен" атты шрифтограмма

Тор көздердің ішіндегі әрептерді белгілі жүйемен орналастырсаң ақын Шолпан Иманбекованың "Қоңыр қаз" атты үзіндісін оқисың.

5