Тәрбие сағаты Аймақтар аламаны 6 сынып

№8 орта мектебі

Үздік іс-шара сценарийі

Тақырыбы: « Аймақтар аламаны » сайысы

«Аймақтар аламаны» сайысы

Мақсаты: Балаларға қазақ халқының сан ғасырлық тарихы мен жеткен жетістіктерін айту. Халқымыздың бір туар ұлдарының өнегесін, тәрбиесін жас ұрпаққа жеткізу және елін, жерін сүйетін патриот сезімдерін ояту. Балаларды адамгершілікке, имандылыққа, отансүйгіштікке тәрбиелеу.

Түрі: Сайыс түрінде

Көрнекіліктер: компьютер, слайд, түрлі түсті жалаушалар, жанкүйерлердің қолдарына плакаттар, кітап көрмесі, буклеттер және т.б.

Барысы: Слайдпен Қазақстанның жері, территориясы, кең байтақ даласы әсем әуенмен көрсетіліп тұрады.

1-жүргізуші: Армысыздар! Құрметті қонақтар .Бүгінгі «Аймақтар аламаны» сайысына қош келдіңіздер.

2-жүргізуші: Бүгінгі «Аймақтар аламаны» сайысына бағын cынайтын топтарды ортаға шақырамыз.

1. Астана қаласы, «Бәйтерек» тобы

2. Алматы қаласы, «Алатау» тобы

3. Ақтау қаласы, «Каспий» тобы

4. Қызылорда қаласы, «Қырандар» тобы

5. Семей қаласы, «Барыстар» тобы

1-жүргізуші: Бүгінгі сайысымыздың шарттары:

1. «Туған жер- алтын бесік» (Өлкені таныстыру)

2. «Өлке тарландары» (Өнер сайысы)

3. «Тылсым құпиясы» (таңқалдыру сайысы)

4. «Білімді мыңды жығар» (сұрақ-жауап)

5. «Он саусағынан өнер тамған» ( қолөнер көрмесі)

2-жүргізуші: Мол қазақтың мұнайы - Батыс Қазақстан,

Жанға жайлы, қазыналы шұрайлы - Оңтүстік Қазақстан.

Несібесі көктен, ырысы жерден - Шығыс Қазақстан,

Қара алтынның қоймасы - Солтүстік Қазақстан.

1-жүргізуші: Олай болса, әр топ өз орындарына жайғасып 1 турға дайындалуы сұралады.

2-жүргізуші: «Сәлем - сөздің анасы» демекші әр топ басшыларының ортаға келіп, өз топтарын таныстыру сұралады. ( Әр топ өздерінің таныстыруларын, ұрандарын, төсбелгілерін 5-минут ішінде таныстыру керек)

1-жүргізуші: Бүгінгі күн - бейбіт елдің той күні,

Жарқын тілек жан көркейтсін бұл күні.

Қазағымның бар қасиеті көрініп,

Күй төгіліп, домбыра шертсін бұл күні

Ендігі кезек сайысымыздың екінші турына да келіп жетті. (ортаға әр топ өздерінің дайындап келген өнерлерін 10-минуттың ішінде көрсетуі керек)

2- жүргізуші: Ортаға әр топтың мықтыларын, көрермендерді таңқалдыра алатын дүлдүлдерін шақырамыз. (әр топ өз өнерлерін 5-миуттын ішінде көрсетуі керек)

1-жүргізуші : «Білімді - мыңды жығады,

Білекті - бірді жығады.»

Ендігі кезекті сұраққа жауапқа береміз.

1. Жеті ата деген кім? (әке, бала, немере, шөбере, шөпшек, немене, туажат)

2. Жыл қайыруды ата? ( тышқан, сиыр, барыс, қоян, ұлу, жылан, жылқы, қой, мешін, тауық, ит, доңыз)

3. Қазақтың музыкалық аспаптарын ата (домбыра, қобыз, шаңқобыз, жетіген, тайтұяк, шертер)

4. Үш жұртты ата (өз жұрты, нағашы жұрты, қайын жұрты)

5. Екі ақынның сөз өнерімен сайысы не деп аталады? (айтыс)

6. Төрт түлік пірлерін ата (Ойсыл қара )

7. Апта аттарын атап шық (дүйсенбі,сейсенбі, сәрсенбі, бейсенбі, жұма, сенбі, жексенбі)

8. Қазақ әдебиетіндегі ел арасына кең тараған ұнамды күлдіргі кейіпкер кім? ( Алдар қөсе)

9. Үш арсызды ата (ұйқы, күлкі, тамақ)

10. Сүйекті пайдаланып ойнайтын ұлттық ойын қалай аталады? (ақсүйек)

11. Қазақ батырларының бас киімі қалай аталады? (дулыға)

12. Асықтың түрлерін ата (шек, алшы, тәйкі, бүк)

13. Бетінде оюы бар киізден жасалған үй жабдықтары қалай аталады? (текемет, сырмақ)

14. Наурыз көже неше тағамнан жасалады? (7 тағам)

15. Наурыз мейрамы қандай ұғымды білдіреді? (жаңа күн)

2-жүргізуші. «Шешеннің сөзі алтын,

Шебердің қолы алтын»

Ендігі кезекті қолөнерге береміз.Әр топтың шеберліктеріне баға беру.

Сайысты қорытындылау