План по воспитательной работы

Жан аннам!

Жүргізуші: Армысыздар аяулы аналар, мейірімді әжелер, қызғалдақтай құлпырған қыздар!
Ана десем сезім билер тым ыстық,
Жарасады адамдарға туыстық.
Бар адамға берсе ананың мейірімін,
Орнар еді бар әлемде тыныштық.
Аналар,барша қонақтар 8-наурыз мерекесі құтты болсын!
Құрметтейік балалар аналарды
Бізді өмірге әкелген даналарды
Себебі ана деген асыл жан ғой
Ойлауменен істелік әр қадамды.
Аналар мейрамдарыңыз құтты болсын!

Баурап алар бірақ ауыз сәлемі,
Қазақ қызы әдепті де әдемі.
Қазақ қызы -ақылына көркі сай,
Тұнып тұрған сұлулықтың әлемі.

І бөлім:

Балалардың аналарына, әжелеріне арнаған тілектері, тақпақтары.

Жүргізуші. -Ана дегеніміз-өмірдің бастауымен таусылмайтын жалғасы. Ана тіршілік көзі,үлкен тағдыр,махаббат пен шабыттың нәрі балалар. Ендеше,біздің балалар,ана туралы «Анашым» ән айтып берсін.
1.Менің анам ақылшым,
Күн секілді білгенге
Шашырайды шуағы
Үйімізге кіргенде
2.Ана біздің күніміз
Ана біздің гүліміз.
Ұландарды қуантып,
Ұзақ өмір сүріңіз
3.Мәпелейсің мені анам,
Қолыңдағы құсыңдай
Құлпыра өсіп дем алам
Құшағыңда қысылмай

«Қаражорға биі»
4.Бізді өсірген апатай,
Еңбегіңде зор екен
Құтты болсын апатай
Құтты болсын мерекең
5.Аялағеан саялаған,
Бар бақытым берекем
Апатайым құттықтаймын
Бүгін сенің мерекең.
6.Мақтаным апа
Шат әнім апа
Өзіңе тақпақ
Жаттадым апа.
Жүргізуші. -Аяулы да алтын нұрлы анашым
Жүрегімнен мәңгі бірге боласың
Сен арқарсың, сен аспансың,биіксің
Сен дархансың сен жомартсың данасың

Жүргізуші. Жарайсыңдар бүлдіршіндер! «Ақ әжем» әнін әжелеріне арнап орындап береді.

«Анашым қартаймашы» әні

7. Үн қатасың бал тілмен
Еркелеймін күнде мен
Құттықтаймын анашым
Сегізінші мартыңмен.
8. Әлпештеген аялаған
Ақсүт берген апатайым
Тақпақ айтып бүгін саған
Мейрамыңмен құттықтаймын.
9. Жарқын жүзді жан анам
Сендей болса бар адам.
Шаттық кетпес баладан.

«Домбыра» биі. Сыныбымыздың қыздары билейді.
10. Ана өмір шырағы
Ана өмір бұлағы
Бесігімнің жыр әні
Жүрегімде тұрады.
11 . Біз доспыз гүлдермен
Тек оны жұлмаймыз.
Той күні бірбірден
Анаға силаймыз.
12 .Еркелеймін шаттанам,
Жарқын күлкің бақ мағепан
Ақ бетіңнен сүйейін
Келші кеплші ақ мамам
13.Бал бөбегін баптаған
Мамам үшін мақтанам
Ақ бетіңнен сүйейін
Келші келші ақ мамам.

Ортада «Балдаурен» ансамбілі «Айналайын анашым» әнінімен.
Жүргізуші: Шалқып тасып әніміз,
Жадырасын жанымыз.
Аналарды құттықтап,
Би билейміз бәріміз.
Сүйікті аналар сіздерге арнап би билейді.

ІІ бөлім

Жүргізуші: Гүлдей жайнап тұр өңі
Мейірлене күледі
Үйдегі бар шаруаға
Үлгіреді бір өзі
Аналар сіздермен ойын ойнасақ.
Ойын шарты: 1. Өз балаларын көзі байлаулы тұрғанда тану.

2. Музыка ырғағына сай билеу.

3. Жазылған жазулардан өз баласының жазуын табу.

ІІІ бөлім «Мақта қыз бен мысық» ертегісін қою.

Жүргізуші: Ерте, ерте, ертеде,
Ешкі құйрығы келтеде,
Мақта қыз бен мысық өмір сүріпті.
Мақта қыз үстел үстін реттейді. Ыдыстарды жиыстырған кезде мейіз тауып алады.
Мақта қыз (Мысығын шақырады)
- Мияуым менің, қайдасың?
Тарғылым менің, келе ғой, мен саған мейіз беремін (мысық келмейді)
-Келмесең, келмей -ақ қой, өз обалың өзіңе,- деп (мейізді қыз жеп қояды)
Осы кезде үй артынан «мяу» деген дыбыс шығады.
Мақта қыз ыңылдап ән салады, мысық шығады.
Жүргізуші: Сол кезде мысық шығып Мақта қызға өлең айтып береді.
Мысық- Асан:
Менің атым мысық,
Екі көзім қысық.
Тышқан аулап отырамын
Сүт-көжемді ішіп -дейді

Мысық: Мақта қыз, сен мені неге шақырдың?
Мақта қыз: Айтпаймын!
Мысық: Ендеше, мен сенің қатығыңды төгемін.
Мақта қыз: Ой,ой. Сен не істедің? Сол үшін мен сенің құйрығыңды кесіп аламын! (құйрығын кесіп алады)
Мысық: Апа, апа, құйрығымды берші!
Мақта қыз: Бермеймін! Қатығымды қайтарып бер!
Жүргізуші: Сөйтіп, мысық сиырға келеді.

Сиыр - Айберген:
Менің атым сиыр,
Өрісім алыс қиыр.
Етім үшін, сүтім үшін,
Адамдар маған үйір - дейді.
Мысық: Мяу, сиыр, сиыр, сен маған қатық берші!
Сиыр: Сен маған жапырақ әкел, менің қарным ашып тұр.
Жүргізуші: Сөйтіп, мысық ағашқа барады.

Ағаш - Айдинар:
Мен жасыл ағашпын,
Күтсеңдер гүл ашам,
Жолыңа нұр шашам,
Жапырағым азық,
Бұтағым қазық.
Саяма сағаларсың,
Салқындап дем аларсың.
Мысық: Ағаш, ағаш, маған жапырақ берші!
Ағаш: Маған су әкеліп бер мен шөлдедім, мен саған жапырақ беремін.
Жүргізуші: Сөйтіп, мысық су іздеп келе жатса, алдынан су тасып жүрген қыздар шығады.
Қыздар: Арай, Гүлдерай
Су - тіршілік негізі,
Онсыз өмір сүрмейсің.
Тазалықтың негізі,
Су деп және білгейсің -деп әндетіп жүреді.
Мысық: Мяу, қыздар маған су беріңдерші.
Қыздар: Сен бізге дүкеннен сағыз әкеліп бер.
Жүргізуші: Сөйтіп, мысық дүкеншіге келеді.
Мысық: Мяу, дүкенші, дүкенші маған сағыз берші.
Дүкенші - Аяулым: Маған жұмыртқа әкеліп бер, мен саған сағыз берем.
Жүргізуші: Мысық әбден шаршады жұмыртқа іздеп тауыққа барады.
Тауық - Мадияр:
Мен ақ тауықпын,
Өзім қақсауықпын.
Күніне бір жұмыртқа табам,
Осыған жетеді шамам - деп әндетеді.
Мысық: Мяу, тауық, тауық маған жұмыртқа берші.
Тауық: Сен менің балапандарыма дән әкеліп бер, біз ашпыз.
Жүргізуші: Мысық ойға батып, басын ұстап не істерін білмей отырып қалады.
Осы кезде бір тышқан жүгіріп шығып, інді қаза бастайды.
Тышқан - Жаңалық
Мен тышқанмын,
Өзім дән екпеймін.
Егістен ұзап кетпеймін,
Айналам толы ән,
Қоймам толы дән,
Дәнді тастап кетпеймін - деп ән салып жүрген тышқанды мысық бас салып ұстап алады.
Мысық: Айт, үйіңде не бар? Жаныңның барында айт, тез, әйтпесе, қазір жеп қоямын.
Тышқан: Сен маған бір ән айтып бер. Мен саған бір уыс тары беремін.
Мысық Мақта қызбен қосылып «Анашым жан анам» әнін айтып береді.
Жүргізуші: Тышқан мысыққа рахмет айтып, бір қап тары береді, мысық дәнді тауыққа береді, мысық жұмыртқаны дүкеншіге береді, дүкенші мысыққа сағыз береді, сағызды
мысық қыздарға береді, қуанған қыздар мысыққа су береді, суды мысық ағашқа құяды, шөлі қанған ағаш мысыққа жапырақ береді. Жапырақты мысық сиырға береді,
сиыр оған қатық береді, қатықты мысық Мақта қызға берді.
Мысық: Мақта қыз, қатығың міне мен енді бұзық болмаймын, айтқаныңды тыңдаймын,- деп қатықты қызға берді.
Жүргізуші: Сөйтіп Мақта қыз қатығын ,мысық құйрығын қайтарып алып, екеуі тату-тәтті өмір сүрген екен.
Балалар менің ертегімді тыңдай отырып ертегі кейіпкерлерін жақсы сомдағандарың үшін көп-көп рахмет!
Балаларымыздың өнерлерін тамашалаған апайларға да рахмет.
Келесі көктем мерекесіне аман жетейік,көріскенше күн жақсы болсын ағайын Келесі ертегіні тыңдағанға дейін қош сау болыңыздар