Мектеп және отбасы (тренинг)

Мақсаты: Оқушылардың өз Отанына деген сүйіспеншілігін арттыру, мемлекеттік рәміздерді құрметтеу, халқымызды сүюге, елжандылыққа ,патриятизмге тәрбиелеу.

Көрнекілігі: Қазақстан картасы,Елбасы партреті,ҚР мемлекеттік рәміздері, тапсырмалар

І-бөлім: Оқушылармен танысу

ІІ-бөлім: 2014/2015 оқу жылындағы Білім күнінің ұраны «Қазақстан -2050 жолы: бір мақсат,бір мүдде,бір болашақ».

Президентіміз айтқандай , «бір мақсат»-бұл барлық еліміздегі халықтың алдына қойған мақсаты, «бір мүдде» - бұл барлығымызға ортақ Отанымыз, «бір болашақ» - бұл барлығымыздың басымыздан өткен қиындықтар мен жеңістер, бұл-біздің ортақ келешегіміз-көркейген және гүлденген Қазақстан.

Елбасы атап өткендей, Отанға, туған жерге, ата-бабаларымызға, еліміздің тарихына деген махаббат бүкіл қазақстандықтар үшін ерекше маңызды.Қазақстан жиырма жыл ішінде ұлт жеңісінің үлгісі болды,осындай жетістікке тек күшті халық жете алады.Біз сондай халық бола алдық және осы биіктен көріне беруіміз керек.

ІІІ-бөлім: «Сен білесің бе?»

-Балалар,мемлекеттік рәміздер дегеніміз не? Оларға не жатады?

Мемлекеттік рәміздер - мемлекеттің тәуелсіздігін білдіретін символикалық айырым белгілері.Мемлекеттік рәміздерге еліміздің елтаңбасы,туы, әнұраны жатады.

1992 жылы 4 маусымда Қазақстан Республикасының мемлекеттік рәміздері бекітілді.

Жеке-жеке рәміздерге тоқталу.

Қазақстан Республикасының туы- ҚР мемлекеттік негізгі рәміздерінің бірі. «ҚР президентінің мемлекеттік рәміздері туралы» конституция заң күші бар Жарлығымен 24,1. 1996 жылы белгіленген.Мемлекеттік ту көгілдір түсті тік бұрышты кездеме. Оның ортасында арайлы күн, күннің астында қалықтаған қыран бейнеленген. Тудың сабын бойлай ұлттық ою-өрнек салынған тік жолақ кетеді.Күн, күн сәулесі, бүркіт және ою-өрнек алтын түстес бояумен боялған.

ҚР-ның мемлекеттік елтаңбасы-ҚР-ның негізгі мемлекеттік рәміздерінің бірі. «ҚР президентінің Қазақстан Республикасының мемлекеттік рәміздері туралы» конституция заң күші бар Жарлығымен 24.1. 1996 жылы белгіленген.Рәміздік тұғырдан ҚР мемлекеттік елтаңбасының негізі шаңырақ. Ол -елтаңбаның жүрегі.Шаңырақ-күн шеңбері.Шаңырақ-мемлекеттің түп негізі, отбасының бейнесі. Шаңырақ пен уықтар біздің Отанымызда тыныштықта жарасымды өмір сүріп жатқан көптеген халықтардың бірлігін көрсетеді.

ҚР мемлекеттік әнұраны -ҚР-ның негізгі рәміздерінің бірі.ҚР Президентінің «ҚР-ның мемлекеттік рәміздері туралы» конституция заң күші бар Жарлығымен 24.1. 1996 жылы белгіленген. ҚР-ның әнұранының сөзін жазған:Ж.Нәжімеденов, Н.Назарбаев. Әнін жазған: Ш.Қалдаяқов.

ІҮ-бөлім: Оқушылардың Отан туралы мақал-мәтелдерді білу деңгейін анықтау.

Ү-бөлім: «Мен елімді сүйемін,өткені...» әр оқушы сөйлемді аяқтау керек.

ҮІ-бөлім: Қорытынды.

Қазақстан Республикасы

Ту Елтаңба Әнұран

Ата заң Астана

Еркіндік

Күрес Бостандық

ТӘУЕЛСІЗДІК

Татулық Арпалыс

Ата-бабамыздың арманы Бейбітшілік

Осылай әрқашан Отанымызды, рәміздерімізді құрмет тұтайық,халқымызды қадірлейік,еліміздің асқақтап гүлденуіне озат оқу, үлгілі тәртіппен үлес қосайық!

Құланды орта мектебі мемлекеттік мекемесу

Мектеп және отбасы

(тренинг)

Жарылғасова Шолпан

Мақсаты:Оқушылардың салауатты өмір салты жайлы білімдерін тереңдету, адам денсаулығының қымбаттылығын, өмір сүру үшін қажеттілігін, бағалы байлық екендігін түсіндіру барысында зиянды заттар мен әдеттердің ағзаға тигізетін әсерін ұғындыру.Денсаулық сақтауға, тазалыққа, ұқыптылыққа, әдептілікке баулу, салауатты өмір салтын сақтауға тәрбиелеу.

Шығармашылық қабілеттерін дамыту, сөйлеу шеберлігін жетілдіру.Өз денсаулығына жауапкершілікпен қарауға, өзін-өзі тәрбиелей алатын жеке тұлға етіп қалыптастыруға тәрбиелеу.

Ұйымдастыру кезеңі:

Оқушылар шеңбер жасап тұрып, бір-біріне доп беру арқылы денсаулыққа байланысты сөздер айтады.

Мұғалім:Адам денсаулығы-қоғам байлығы.Әрбір адам өз денсаулығының мықты болу жолдарын қарастыру керек.Дені сау адамның көңіл күйі көтеріңкі болып, еңбекке әрқашан құлшына кіріседі.Халқымыз «Дені саудың-жаны сау» деп орынды айтқан.Отанымыздың келешегі,көркеюі,балалар сіздердің қолдарыңызда. Сондықтан сендердің таңдауларың-салауатты өмір салтын сақтау.

Балалар, сендер қараңғы үйге кіріп келіп шам жақсаңыз,шам үйді жарық қылады. Көп қызыл гүлдің ішінен бір ақ гүл көрсең,көзің соған түседі.Біздің де өмірімізді жарық қылатын, жан-жағымызға тамаша сәулесін шашатын, өмірдегі басты байлық не деп ойлайсыңдар?

-Денсаулық.

-Кәне, енднше денсаулыққа байланысты не білеміз?

-Қоғам байлығы,ең бірінші денсаулық,ауырмау,жақсы жұмыс істеу.

-Балалар,сендер өз денсаулықтарыңды сақтау үшін спортпен айналысуларың керек.Зиянды заттардан аулақ болу керек.Ең бастысы тазалық сақтау керек.

Жеке бас тазалығының ережелері:

-Күнделікті бір уақытта тұр,бөлмеңді желдетіп ал да, шынықтыру жаттығуын жаса;

-ертең ерте тісіңді тазалап, беті-қолыңды, мойның мен құлағыңды жу;

-ұйықтар алдында жуынып,бөлмеңді желдетіп алуды ұмытпа.

Ендеше дәрігер апайымызға «қош келдіңіз» дей тұрып,сөз кезегін береміз.

Тазалыққа байланысты жұмбақтар шешеу.

Жуынам деп жазған -ай
Күннен күнге азған-ай (сабын)

Кетіп кір ласың,
Қарап тұрсаң өзіңе,
сурет түсер көзіңе.
Ол суретің ұқсайды,
Дәл қазіргі өзіңе. (айна)

Шомылған баланы,
Аймалап алады.
Сипайды қолында,
Сипайды жонын да.
Бұл не? (сүлгі)

Аузы жоқ, көзі жоқ,
Тілі жоқ,сөзі жоқ.
Бірақ та тісі бар,
Басыңмен ісі бар. (тарақ)

Сұрақ-жауап

Ең бірінші байлық дегеніміз не?
Адам өз денсаулығын қалай сақтай алады?
Досың тазалық сақтай алмаса қандай ақыл-кеңес бересің?
Сен күнделікті өмірде тазалықты қалай сақтап жүрсің?
Тазалық сақтамасаң денсаулығың жақсы бола ма? Неге?
Анаң дүкеннен алма сатып алып берді,сол кезде бірден жейсің бе?
Сабақтан үйге барғанда тамақ ішпес бұрын не істейсің?
Таңертең ұйқыдан тұрғанда мектепке жуынбай келуге бола ма?
Денсаулығың болмаса сабаққа келе аласың ба?
Мектепке де,үйге де бір киімді кию тазалыққа жата ма?

Мұғалім: Отанымыздың келешегі, көркеюі, балалар, сендердің қолдарыңда.Сондықтан сендердің таңдауларың-салауатты өмір салтын сақтау! Олай болса, бүгінгі біздің сынып сағатымызда «Дені сау ұрпақ-жарқын болашақ!» екендігін дәлелдей алдық.

Жаны сұлу, тәні сау ұрпақ саған аманат еткен тәуелсіз мемлекетіміздің алтын кілтін жоғалтпай, көк туын көкке қарай биік көтеріңдер!

Мақсаты:Ата-ананың өмірге деген сүйіспеншілігін ояту,сол арқылы баланың көзқарасын қалыптастыру.

Көрнекілігі: қанатты сөздер жазылған плакаттар,суреттер,музыка әуені,ойын түрлеріне қолданылатын үлестірмелі материалдар.

Мұғалім:Қайырлы күн,құрметті ата-аналар,ұстаздар! Бүгінгі 5 «А» сынып оқушылары мен ата-аналар арасында өткізгелі отырған «Отбасы және мектеп» атты тренинг сабаққа қош келдіңіздер.Орайы келген басқосуды пайдалана отырып, мен оқушылар мен ата-аналар арасында өткізілетін бұл тренинг сабағымның бала тәрбиесіндегі үлкен пайдасы, ата-аналарға да , балалардың өздерін өздері танып білуіне де және ата-аналардың өз балаларының мінез-құлық ерекшелігі, арман-мақсатын түсіне білуде тигізетін орасан зор көмегі жөнінде айтқалы тұрмын.

Ата-ананың қайсысы болса да өз балалары қабілетті,тапқыр,талантты болып өссе,басқа балалардан оқ бойы озық болса деп армандайды.Дұрыс,ата-ананың өмірдегі басты мұраты-өзінің ізін жалғастыратын ұрпағының ерекше болуы, оның бақытты болуы.Бірақ, ең бастысы,балам жақсы Адам болса екен деп армандау керек.Ол ержеткенде адамдарға пайдалы болып,қоғамға зардап келтірмейтіндей болып өсуі қажет.

Тренинг жоспары:

1. «Танысу» жаттығуы

2. Топқа бөлу

3. Ситуациялық сұрақтар

4. Қол мен қолдың үндестігі

5. Бұл менің отбасымның суреті

6. «Миға шабуыл» стратегиясы

7. «Ашық айтсам...» сауалнама

8. Қорытынды

Бала-кең әлемдегі ең пәк,ең таза асыл жан.Оның ойының тазалығы, араның тазалығы оны қоршаған ортаға байланысты болмақ.Бала осы ортаны қалай қабылдап, танып білсе,оның алдынан кең әлемнің есігі де солай ашылмақ.

Әр адамның бойында күн шуағы бар,тек оған жарқырауға мүмкіндік беру керек. Сократ

Баланың жақсысы-қызық, Жаманы-күйік. Абай

Ата-аналардың бір-біріне деген жылы қарым-қатынасын орнату арқылы бірлесе жұмыс істеуге,бір-бірінің пікірін тыңдауға, сыйластыққа, өзін және өзгені құрметтеуге қолайлы жағдай қалыптастыруда «Танысу» кезеңі де үлкен рөл атқарады.

«Танысу» тренингі-ата-аналар бір-біріне өз есімдерін, оның алдына бір сын есім қосып айтып танысулары керек.

«Топқа бөлу». Ата-аналар сол тұрған күйінде түрлі-түсті гүлдерді таңдайды.Түстер бойынша топ құрып, үстелдерге жайғасып отырады.

Ситуациялық сұрақтар.

1. Өмірде нені құнттайсыз?

2. Сіздің өміріңіздегі ең маңызды қадамыңыз?

3. Осы өмірдегі ең бақытты сәтіңіз?

4. Өмірде нені қатты бағалайсыз?

5. «Өмір-өзен» дегенді қалай түсінесіз?

6. Неге өмірді өзенге теңейміз?

7. Әр адам не үшін өмір сүреді?

8. Отбасындағы бос уақытты қалай пайдаланасыздар?

9. Балаңыздың досы кім,оның қандай іс-әрекетін,қылықтарын білесіз?

10. Білім сапасын көтеруге ата-ана рөлі бар ма?

11. Кез келген ісіңізді тастай салып,балаңызбен айналыса аласыз ба?

12. Балаңыздың қандай пәндерге бейімділігін байқадыңыз?

13. Сізді ерекше толғандыратын қандай жағдайлар?

Қол мен қол үндестігі.

Ата-ана көзі байланған күйде өз баласын табу керек.

Бұл менің отбасым.

Оқушылар отбасымен түскен суреттерін алып,таныстырып,отбасы жайлы мақтанышпен әңгімелеу.

«Миға шабуыл». Отбасы және ата-ана,бала туралы мақал-мәтелдер айту.

«Ашық айтсам...» сауалнама. Ата-аналарға сауалнама тарату.

Қорытынды.Әр баланы рухани керемет күш иесі деп қарап, оның шетсіз шексіздікті үйренсем деген ұмтылысына уақытылы көңіл бөліп, демеу жасасақ, қуаттандырсақ, жүрегі нұрға толы, жан-жағына шуағын шашып тұратын, мейрімді, адамгершілігі мол, үнемі талпынып тұратын, өз елін, жерін, тілін, отбасын сүйетін, еңбекқор адал адам тәрбиелеп шығарамыз деп сенемін.Ондай бала басқаға жан жылуын жеткізе алады,барын ортаға салады,өзін танытады, өзгені де бар күйінде мойындайды, кешірімді болады.Бала тәрбиелеуде ата-ананың ықпалы зор,барлық жасыл желектер күн көзіне қарап бой түзейді.Олар көлеңкені сүймейді.Артық бұтақтар мен арам шөптерді қырқып, отап отырсаңыз, еккендеріңіз түзу, алқабыңыз жайнап тұрары сөзсіз.

Бала да сол.Оған ақыл-кеңес, өнегелі әңгіме, мейірім керек.Олай болса,ағайын,бала тәрбиесі тек отбасында ата-аналық парызымыз ғана емес,Отан алдындағы борышымыз екенін естен шығармайық!

Бүгінгі сынып сағатынан алған әсерімізден әрқайсымыз өз ойымызбен түйін түйейік.Олай болса,сабақ соңында мектепке жиі келіп тұрыңыздар дегім келеді.

Атақты педагог В.Сухамлинскийдің «Жанұя мен мектеп тәрбиесі біріккенде ғана толық тәрбие болады» деген сөзін ұмытпаңыздар дегім келеді.

Міне, осындай үйлесімді болған жағдайда бүгінгісін ғана емес,болашағын сәулелі күйде елестетіп,алға ұмтылатын,арманшыл, қиялы асқақ, рухы биік азамат тәрбиелейміз деп сіздерді сендіруге болады.