Ата-аналар жиналысы Сіздің пікіріңіз маңызды

№101 орта мектеп

АТА-АНАЛАР ЖИНАЛЫСЫ

Сіздің пікіріңіз маңызды...

Сыныбы: 7 «А»

Сынып жетекшісі: Әлімова А.Ш.

2015 жыл

«Бекітемін»

Мектеп директоры: Ә.С.Көшкінбаева

Тақырыбы: «Сіздің пікіріңіз маңызды...» (Жылдық қорытынды)

Мақсаты:Ата-ана мен мектеп арасындағы ынтымақтастықты сақтай отырып, бірлесе жұмыс жасауға шақыру, оқушылардың оқу-тәрбие жұмыстарындағы жетістігі мен кемшілігн бөлісу, білім беру жүйесіндегі жаңалықтар мен өзгерістер жайлы көзқарастарын білу, мектепті дамытуға пікірлерін білу, мектеппен байланысын жақсарту, сондай-ақ, отбасындағы ата-анаға өздері өмірге әкелген баласы үшін жауапкершілікті сезіндіру, отбасы тәрбиесінде ата-ана қызметін күшейту, бала тәрбиесінде ата-анаға бағыт-бағдар беру, тәрбиенің келеңсіздігінен болған әр түрлі жағдаяттан шығу жолдарын қарастыру, ата-ана мен ұстаздар қауымына психологиялық көмек беру.

Көрнекілігі: Интертақта арқылы бейнероликтер, хат

Өткізілу әдісі: дөңгелек үстел

Жоспары

1.Сәлемдесу. Ата-аналарды топқабөлу.

2.Сергіту тренингі «Кездесу»

3. Бейнеролик

4.Оқушылардың ІІІ тоқсандық қорытынды бағаларымен таныстыру. Назарбаев зияткерлік мектебіне емтихан тапсырып, іріктеу кезеңіне жолдама алған және үздік оқушыларды құттықтау, марапаттау.

5.Ата-аналарға арналған тест

6.Ағымдағы мәселелер

7.Тренинг «Кемедегінің жаны бір»

8. «Сізге сыйлаймын!», «Сәттілік тілеймін!» слайд-шоу көрсету

9.«Пікір ағашы»

Барысы:

І.Ұйымдастыру кезеңі.

Ата- аналармен сәлемдесу. Өлең жолдарын құрастырту арқылы үш топқа бөлу.

Барлық ата-аналарды топтық шеңбер құруға шақыру.

«Кездесу» жаттығуынан бастаймын.

Олар бір-бірімен сәлемдесу рәсімін жасай отырып, кездеседі. Мұндағы, яғни кездесудегі мақсат: ата-аналар бір-бірімен көңіл-күйді білдіру арқылы жиналысты бастайды (мысалы: Айшаттың мамасы Гүлшарат ханым, сіз бүгін де әдеттегідей әдемі боп отырсыз, Мақсаттың мамасы Жадыра апай, сіз үнемі жиналыстан қалмай келесіз, т.б.) және өздерінің балаларының жақсы жақтары мен қиындықтары жайында қысқаша әңгімелейді.

Балаларыңыздың қуанышы мен қиындығын бірге бөлісіп жүрген ата-аналарға көп көп рақмет.

ҚҰРМЕТТІ АТА-АНАЛАР, «Сіздің пікіріңіз маңызды» атты ата-аналар жиналысына қош келдіңіздер!

ІІІ оқу тоқсанының қортындысын слайд арқылы таныстыру.

Барлық оқушы - 30 Ұлы - 11 Қызы - 19

ІІІ тоқсан бойынша:

Үздік оқушы - 7 Екпінді оқушы - 20

«Өрмекші торы» әдісі арқылы ата-аналардың алғашқы көзқарасын білу үшін топта постер толтыртып, ата-аналар алдында қорғату. Сұрақ: «Сіз балаңыздың қалай бағаланғанын қалайсыз және балаңыз оқитын мектепті қалай бағалайсыз?» Топтар бір-бірін екі жұлдыз, бір тілек арқылы бағалайды.

Сұрақ: Топта бірігіп жұмыс жасаған ұнады ма? Өзіңізді қалай сезіндіңіз? Қандай қиындық туды? Өрмекші торы құрылғаннан кейін ата-аналарға рақмет айта отырып, мектеп пен ата-ананың арасында осындай мызғымас байланыс орнасын деп түйіндеймін.

Бейнеролик: «Екі баланың диалогы»

Сұрақ: Көріністе байқаған жағдаяттарға қандай ой пікірлеріңіз бар?

Бірінші баланың ата- анасына қандай кеңес берер едіңіздер?

Мына жасампаз жаһандану дәуірінде мектеп партасында отырған баланың жан-жақты білім алуына ең бірінші ықпал ететін - ұстаз болса, оның сүйеніші ата-ана. Сондықтан ата-ана өз баласының білім алуына барынша жағдай жасауы керек. Бала бір тәуліктің бір бөлігінде, яғни 6 сағат мектепте болса, 18 сағат өз отбасында тәрбие алады демек, тәрбие ордасы ата-ана болып қала береді. Бала тәрбиесі отбасынан басталады. Мектепке келгеннен кейін ол мінез, тәрбие әрі қарай жалғасын табады. Баланың сабаққа саналы қарап озат оқушы боп өсуі, ол мұғалім мен ата-ананың бірігіп өсірген жеміс ағашы немесе жасаған ұшқыр ұшағы. Дұрыс өспеген жеміс ағашы, дұрыс жеміс бермесе қуануға бола ма? Бір бөлшегі бұрыс жасалған ұшақты ұшырғаннан не пайда? Ол өзін де, өзгені де мерт етпей ме?!

Жағдайлы бір отбасы баласын ешкімнен кемөсіргісі келмей барлық жағдайын жасайды. Қазіргі заманның озық технологиясымен жасалған ойыншықтар, компьютер, қымбат телефон да алып береді. Бірақ баласы осының бәріне қанағаттанбай, күнде ата-анасының жұмысқа кетпеуін өтінеді. Ата-анасы жұмысқа бармаса болмайтынын, ақша табатынын баласына түсіндіреді. Ал баласы осы сәтте ата-анасының күніне қанша ақша табатынын сұрап біледі. Бала сол күннен бастап ата-анасының өзіне тастап кетіп жүрген ақшасын жұмсамай жинай бастайды. Жинаған ақшасы ата-анасының бір күндік табысына жеткен күні бала ата-анасына өтініш жасайды.м - Әке, ана, бүгін жұмысқа бармай, бір күндеріңізді маған қиыңыздаршы! Бір күндік табыстарыңызды мен төлейін депті.( қалай ойлайсыздыр, бала неге өтінді?)

Міне, ата-ананың аялы алақанының әсері балаға күн сәулесімен бірдей, мұны басқа ешбір нәрсе ауыстыруы мүмкін емес.

Ата-аналарға арналған тест

Тренинг «Кемедегінің жаны бір»

Әр топ кемесіне ат қойып, капитанын сайлайды.

Тренингті жүргізуші: А , В , С кемелері теңіз үстімен келе жатты. Кенет алапат жел тұрып, кемелерді аударып тастады. Кемедегілер теңіз ортасындағы аралға жетті. Осы жерде аялдап тұрғанда су көтеріліп, арал көлемі кішірейе түсті, одан сайын кішірейді. Ата-аналар аралға қалай орналастындығына қарай мадақталады.

«Жұмыла көтерген жүк жеңіл» дегендей, қандай да қиындық тумасын баламыздың оқуы мен тәрбиесінің жақсы берілуіне бірлесіп жұмыс жасайық.

Ол жөнінде Қазақстан Республикасының «Білім туралы» заң жобасында «Ата-аналар балалардың өмірі мен оқуы үшін олардың денсаулықтарын, рухани әрі дене қуатының қауіпсіз дамуын, адамгершілігі жағынан дұрыс қамтамасыз етуге міндетті» делінген.

«Сізге сыйлаймын!», «Сәттілік тілеймін» слайд-шоу көрсету

«Пікір ағашы» Ата-аналар мектепке өз ұсыныстары мен тілектерін білдіреді.

Қорыта келе, баланы өмірге бейімдеуде мектеп, ұстаз және ата-ананың орны бөлек. Қай халық болсын ұрпағының тәрбиесіне терең мән беріп, болашағына үнемі алаңдаушылықпен қараған. Сондықтан ата-аналар мен ұстаздар қауымы үшін жас ұрпақ тәрбиелеп, оны қоғам мүддесіне жарату кезек күттірмейтін мәселе. Осы мәселеге ата-аналар мен ұстаздар қауымы болып бірге атсалыссақ, алар асуымыздың биік болары сөзсіз.

Қорытынды бөлім.

Құрметті ата-аналар! Ұлтымыздың қанындағы ізеттілік - дөрекілікке, қайырымдылық - қатыгездікке, жомарттық - тоғышарлыққа, адалдық - арамдыққа, парасаттық - парықсыздыққа ауыспасын деген үлкен үміт тұр.

Өмірдің өтпелі қиын кезеңінде ұл-қыздарымыздың саналы тәрбие мен нақты білім алуларына күш салайық. Балаға жауапкершілікпен қарап, оқыту мен адамгершілікке тәрбиелеуде отбасыныың басымдылығын мойындап, бірлесе, ынтымақтаса әрекет етейік деп жиналысты аяқтағым келеді.