«Бастауышым бақытты шағым» cыныптан тыс іс -шара

«Бастауышым бақытты шағым»

сыныптан тыс мерекелік іс -шара

«Есіл ауданының Свободный орта мектебі» ММ

Бастауыш сынып мұғалімі: Ержанқызы Төлеужан

1.Жүргізуші:

Армысыңыздар,құрметті ата аналар! Ұстаздар мен оқушылар,қадірменді қонақтар. Сіздер бүгін төртінші сынып бүлдіршіндерінің «Бастауышым бақытты шағым » атты бастауыш мектеппен қоштасу мерекелік іс шарасының куәсі болғалы отырсыздар! Бүгінгі күн сіздер үшін де,мен үшін де, оқушылар үшін де ерекше бір күн болып отыр.Өйткені,біздің бүлдіршіндеріміз осыдан төрт жыл бұрын ата- аналарының жетегінде, көздері жәудіреп, мектеп табалдырығын жасқана аттаған бүлдіршіндер міне бүгінде бойлары да, ақыл ойлары да өскен бастауыш мектепті бітіріп, жоғары сыныпқа аттағалы отырған саналы оқушылар. Бұл оқушылар менің ең алғашқы шәкірттерім. Міне, осы төрт жыл ішінде үйренген ән,би, өлең жырларын құрметті қонақтар сіздердің құрметтеріңізге арналады.

Балғын бала бастауың,

Сәтті қадам бастадың

Біліп ,көрдің оқуды

Төрт жылды артқа тастадың.

Әділ; бүгін біз сауатымызды ашып, білім негізін қалаған бастауыш мектебімізбен,сонымен қатар оңымызбен солымызды танытқан алғашқы ұстазымызбен қоштасқалы отырмыз.

Көз салып қараңызшы бойымызға,

Ортақ боп бүгін өскен ойымызға.

Қош келіпсіз ұстаздар ата аналар,

Бастауышпен қоштасу тойымызға.

(Музыка ойнатылып оқушылар ортаға шығады.қолдарында гүл,шар)

Әділ: Бүгінгі кеш әр үйдің тойбасы деп саналар

Балалардың есімі әулеттерге таралар

Ырым етіп сондықтан да кешіміздің басында

Ақ тілекпен баршаңызға шашу шашпақ аналар

Хор: «ұстазым » оқушылар тобы

1 жүргізуші:Аяулы шәкірттерім сендер білім ордасына тарыдай болып келіп едіңдер.жан жақтарыңа таңырқай қарап,жүрексіне табалдырық аттағандарыңа табаны тіректей төрт жыл толыпты.Осы төрт жылдың ішінде өздеріңді қандай азамат ретінде қалыптастыра біліңдер? Қандай адами құндылықтарды бойына сіңіре білдіңдер? Балалық ұшқыр қиялдарың қандай мақсаттарға жетелейді? Бойларыңдағы қандай қабілеттеріңнің көздері ашылды деген өздеріңе жаны жақын жандардың сауалдарына жауап беріп көріңдерші!

Оқушылар өздерін таныстырады.

Тілеу.

Мен Тілеумін,

Еркесімін біреудің.

Ұстазыма үлкен алғыс айтамын,

Қайда жүрсем сіз деп соғар жүрегім.

Ал достарым алға қадам басайық,

Орындайық ата-ана тілегін.

Еділ.

Мен Еділмін еркесімін Есілдің,

Осы Есілде тербелген тал бесігім.

Ел басындай еңсем биік болса да,

Сақтап жүрем ұстаздың мәңгі есімін.

Құралай.

Мен Еліктей еркемін Құралаймын,

Бір көрмесем ұстазды тұра алмаймын.

Қимай-қимай қоштасып бастауышпен,

Ұстаз сізге өлеңмен жыр арнаймын.

Әділ.

Мен Әділмін ата-анам мақтаған,

Әділдікті әрқашанда жақтағам.

Ұстазыма рахмет айтамын,

Мен сізбенен қайда жүрсем мақтанам.

Азиза.

Мен Азиза еркемін дара қызбын,

Тәрбиесін сақтаған анамыздың.

Әр бір сөзін жадымда сақтап жүрем,

Ұстаз деген ардақты данамыздың.

Нұрбол.

Алғысым көп ұстазым айтар сізге,

Білім нәрін үйреткен мына бізге.

Нұрбол деген шәкіртің мен боламын,

Қарыздармын ұстазым мәңгі сізге.

Әділ: құрметті қонақтар келесі ән тек қана сіздердің құрметтеріңізге арналады.

«Алға қазақ жігіттері» әнімен жұлдыздар тобы.

жүргізуші:Армысыздар,мұғалімдер әз жандар,

Білім іздеп инемен құдық қазғандар.

Құшақ жая қарсы аламыз сіздерді,

Ән шырқалып,би де бүгін биленер- дей отырып оқушылар тобында орындалатын вальс биін сіздерге арнаймыз.(Сағандым алматымды,)

Әділ: Құралай мен Азизаның орындауында «мектебім әнімен » қарсы алыңыздар?

Еділ: Көз салып қараңызшы бойымызға,

Ортақ боп бүгінгі өскен ойымызға.

Қош келіпсіз ұстаздар, ата аналар,

Бастауышпен қоштасу тойымызға.

Шаттанамын мен бүгін шаттанамын,

Ғылым сырын түсіндім, мақтанамын.

Осы сырды үйреткен төртінші сыныбым

Түстей болып міне бүгін артта қалдың

Азиза: бастауышым балбұлағым

Алдым сенен балдың дәмін.

Әріп танып, білім алып,

Рақметімді жаудырамын.

Өтті сенде қызық шағым,

Бастауышым балбұлағым

Қоштасар күн жетті міне,

Қимастастықпен қол бұлғаймын.

Хуралай: жанымды менің жайнатып,

Баураған өзің мұғалім.

Өзіңмен бірге таң атып,

Өзіңмен бірге шығар күн.

Шәкіртің өткен іздерден,

Үмітің гүлдер, мұғалім.

Тілеу: мектебім білім бастауы,

Тәрбие беріп оқытқан.

Ұстаздың зор ғой еңбегі

Оқытқандарын тоқытқан

Ақылшым асыл ұстазым

Жолымды айқын нұсқадың

Қасыма келіп қанша сен

Қамқор боп қалам ұштадың.

Аділ: оқытты ұстаз анамыз

Өсті білім санамыз.

Білгіш ер боп өсетін

Біз бақытты баламыз

Бойымызда бұла күш,

Еркін өскен ұланбыз.

Оқу,білім үйреткен.

Ұстаздарға мың алғыс

Нұрбол: өшірмейік балалар

Ұстаздар жаққан шырақты

Бәрін бірін білейік

Оқи берсең кітапты

2-жүргізуші:Қош келіпсіз ақ жаулықты аналар,

Жүздеріңнен мейірім мен нұр тамар,

Алдарыңда жауқазындай құлпырған,

Біз алаңсыз шаттыққа толы балалар.

• «Бастауышпен қоштасу» әні хор

• Ата аналармен ойын.

• «Ақсиса әнімен» Еділ

• «Латын биімен» Айгөлек тобы

• «Жаса Қазақстан» Әділ мен Еділ

• «Қара жорға»

Әділ: « ұстаздық еткен жалықпас үйретуден балаға» деп Абай атамыз айтқандай.ұстазымыз білім нәрімен сусындатып көп нәрсені үйретті.Сондықтан да алғашқы ұстазымызға айтар алғысымыз шексіз.

Ұстаз сөзі:

Мектеп директорының сөзі :

Оқу ісінің меңгерушісінің сөзі: