Сыныптан тыс жұмыс қалалық сайыс Өркенің өссін!

Қойылым: «Ананың баламен қоштасуы»

1Ана: О, құлыным, балам, ұлым! Мені тастап, жауыздардың жазасын беруге кетіп бара жатырсың! Енді сені қашан көрем, әлде көре алмаймын ба? Не жаздым саған, қу өмір!
2Баласы: Анам! Сен мен үшін қамықпа! Әрбір секунд сайын менің қалай сені жақсы көретінімді есіңе ал. Жаман еш нәрсе ойлама. Соғыс біткен соң, жақын арада оралам! Анам! Жан анам!
3Қыз: О, сұм соғыс! Сенің бұл не істегенің? Мынау дала тыныш боп қалды. Солдат артынан солдатты алдың. Сау болыңдар, жігіттер! Қайтып оралуға тырысыңдар! Жоқ. Тығылмаңыз! Биік боп, еш оқ пен гранатты аямай жауды жеңіп оралуға тырысыңдар! Қайта оралуға тырысыңдар! Сау бол!!!

(Қыздар орамалдарын бұлғап, шығарып салады)

4Мен соғысты жек көрем
Көкем айтып отырса
Кім қасірет шекпеген.
Кім көз жасын төкпеген.
Талай өткен ғасырлар
Еш соғыссыз өтпеген
Мен соғысты жек көрем.
Адамзатты жеткізем.
Арманына жетпеген

5Өршеленіп соқты боран,
Орман шулап тартты қобыз
Қарды қуып құйындатқан
Келе жатыр жиырма сегіз
Жиырма сегіз жау тобырын
Алға адым жер бастырмады,
Сақтамаққа ел өмірін
Қорғап жатты Москваны.

6Жиырма сегіз, жиырма сегіз - бір ғалам,
Анау жаудың танктері лаулаған.
Ресей кең, Отан кең , артымызда Москва.
Шегінуге хақымыз жоқ , хақымыз жоқ бір қадам.

Бауыржан Момышұлы - қара басы
Халқының болған адам садағасы.
Бауыржан Момышұлы -қазақ деген,
Ғаламат, Ұлы елдің баламасы.

7Бауыржан Момышұлы 207 рет ұрысқа қатысқан, 5 рет қоршауда жүріп шайқасқан, 2 рет ауыр жараланған. Сонымен қатар Бауыржан Момышұлы соғыстан кейін 1946 жылы Москвадағы әскери академияны бітірген тұңғыш қазақ. 1990 жылы 11-ші желтоқсанда Бауыржан Момышұлына Совет Одағының Батыры атағы берілді.

1 Еске аламыз біз бүгін

Батырларды сағына.

Мың бір алғыс айтамын

Басымды иіп тағы да!

2Соғыс деген залалы ғой заманның,
Соғыс деген қайғысы ғой адамның.
Қара тұман құлы болған көк аспан,
Соғыс деген қарғысы ғой даламның.
70 жыл толыпты ұлы күнге,
Оңайлықпен келген жоқ осы күнде.
Мың тағзым жанын берген батырларға,
Жеткізген мына бізді осы күнге.

3Әйгілі әнші Әміре Қашаубаевтың шетелде, оның ішінде Парижде ән салған тұңғыш қазақ екенін бәріміз білеміз. Ал оның 1925 жылы Парижде өткен дүниежүзілік «ЭКСПО» көрмесіне қатысқан тұңғыш қазақ екенін жұрттың бірі білсе, бірі білмеуі мүмкін. «ЭКСПО» көрмесі кезінде қазақтың бір емес бірнеше халық әндерін орындаған.

4Жалпы ЭКСПО бастауын сонау 1851 жылы Лондоннан алып, содан бері бір жарым ғасырдан астам уақыт әлемнің Париж, Мельбурн, Чикаго, Брюссель, Нью-Йорк, Монреал сияқты атақты қалаларында өткізіліп келе жатқан дүниежүзілік көрме. Ең соңғысы, 2010 жылы Қытайдың Шанхай қаласында өткізілді. Бұл көрмеге осы заманғы ғылым мен техниканың ең озық жетістіктері мен жаңалықтары қойылады. Қазақстан «ЭКСПО-2017» көрмесіне жолдаманы айқын басымдықпен жеңіп алды. Содан бері бұл көрме 65 рет ұйымдастырылған. ТМД кеңістігінде тұңғыш рет біздің елде өткелі отырғаны - мақтаныш.

Мен де адаммын жаралған сүйек-еттен,

Арым бар, намысым бар жан тербеткен.

Қазақтың қарапайым бір ұлымын

Жанымды арым үшін құрбан еткен... Бауыржан Момышұлы

«Қадірін білмеппіз ғой тірі кезде»

Деп жылар сорлы қазақ мен өлгенде.

Ұрпақ атар 80 мен 100-дігімді

Тарихтың түкпірінен сөз келгенде. Гвардия полковнигі БМ.

Сәлем бердік сайыстың көрермені,

Қазақтың ол анық қой өнер кені.

Бүгінгі сайысқа қош келдіңіз,

Алдарыңда болашақтың өркендері!

Мен қазақпын, иесімін кең даланың,

Талай жаудан бұл даланы қорғаған.

Өзгелердің басына күн туғанда,

Жат көрместен құшақ жайып қарсы алдым.

Қазағымның кең пейіл, дархандығы,

Кіргіксіз таза көңіл, адалдығы.

Сыйдырып өз жеріне басқаларды,

Бағасы көпшілікке өте құнды.

Тілім менің - ғасырлардан аманат,

Амамнатқа адал болсын қанағат.

Ар-намысқа келтірмейік жаман ат.

Қазақ болып туылдың ба,

Ендеше өз тіліңді өзгелерге бағалат.

Нешінші жылы Қазақстан ОБСЕ-ге басшылық етті?(2010 жылы)

Кедендік одақ қандай мемлекеттер арқасында пайда болды? (Қазақстан, Ресей, Белорусь)

Әліпбиді латын қарпіне көшіру нешінші жылға жоспарланды? (2025 жыл)

Алматы маңында жасақталған 316-атқыштар дивизиясы құрамында болып, 1941 жылдың күзінен бастап соғыс аяқталғанға дейін талай қиян-кескі шайқастарға қатысты. Соғыстан кейін «Біздің отбасы», «Артымызда Москва», «Майдандағы кездесулер» сияқты кітаптары бірнеше тілдерге аударылды.

Аты аңызға айналған әйгілі батыр, есімі ел жадында мәңгі жатталып қалған даңқты қолбасшы, халқымыздың қыран мінезді айбынды перзенті, дүниеге екі келмес биік тұлға, жастардың ұлағатты ұстазы, көрнекті жазушы БМ ұлының өзіне ғана тән көп қырлы қайталанбас асыл бейнесі ұрпақтан ұрпаққа жетіп, асқарлана, ажарлана түспек.

«Алтын да, алмас та емес жарқылдаған,

Бір сый бар, аға, саған тартылмаған.

Ұрпақтар аңыз етіп айтып жүрер

Сыйдан да он есе артық даңқың маған» Мұқағали Мақатаев