Урок самопознания на тему Отбасы жарастығы

Өзiн-өзi тану сабағының жоспары

Мектеп: Талшық орта мектебі Мерзiмі 16.02.15 ж Сабақ № 11

Тақырып: Отбасы жарастығы

Құндылық: сүйіспеншілік

Қасиеттер:кешірімді болу, риясыз қызмет ету, жанашырлық ету

Мұғалім: Каирова А.Ш. Сынып: 5 «А» Оқушылар саны: 24

Мақсаты:
Оқушылардың бойында сүйіспеншілік құндылығының мәнін кешірімді болу, риясыз қызмет ету, жанашырлық ету қасиеттері арқылы ашу, өмірлік құндылықтарды бағалай білуді үйрету

Міндеттері:

1. Оқушыларға кешірімді болу, риясыз қызмет ету, жанашырлық қасиеттерін ұғындыру;
2. Оқушылардың бойында кешірімді болу, риясыз қызмет ету, жанашырлық ету қасиеттерін дамыту;
3. Оқушылардың бойында өз отбасына деген сүйіспеншілігін, мақтаныш сезімдерін, кешірімді болу, риясыз қызмет ету, жанашырлық ету қасиеттеріне тәрбиелеу.

Ресурстар:(құралдар, мәлiметтер)инт.тақта,ватмандар,коллаж жасайтын түрлі түсті қағаздар, маркер, скотч,қайшы,дәптер парақтары

Сабақ барысы:

1.Ұйымдастыру кезеңi. Тыныштық сәтi. /5мин/

«Мұхит астына саяхат»

Көзімізді жұмамыз,терең тыныс аламыз.

Бүгін су астына саяхат жасаймыз. Көз алдыңызға мұхит жағасын елестетіңіз. Толқынның бір -бірімен алысқан шолпылына, шағаланың даусына құлақ түріңіз. Жалаң аяғыңыздың астындағы құмды сезініңіз. Мұхиттың ортасындағы қара нүктеге сіздің көзіңіз түсті. Ол нүктенің жақындап келгенде кит екенін білдіңіз. Ол сізді мұхит астына саяхат жасауға алып кетуге келді. Ақырын киттің арқасына отырып, мұхиттың астына саяхатқа кеттіңіз. Киттің арқасында отырып, өзіңізді жайлы және қауіпсіздікте сезіну, су түбіне саяхат жасау қандай тамаша! Айналаңызға назар аударыңыз: кемпірқосақ секілді бір-бірінен өткен әдемі, түрлі түсті балықтар көздің жауын алады. Мұхиттың түбіне терең жүзе отырып, айналаңыз қалай өзгергенін байқайсыз, әдемі су өсімдіктері су түбінде қалқиды. Қараңыз қандай үлкен балықтар, ал енді келесі жаққа қараңыз, қандай үлкен сегізаяқ, ол сізге күлімсіреп қарайды, жүзі жылы. Су астында қандай қызықты әлем! Сездіңіз бе, мұнда қандай тыныштық?! Өзіңізді толық тыныштықта сезініңіз.

Ал қазір жоғарыға өзіміздің әлемге кетуге дайындалыңыз. Айналаңызды есте сақтардай тағы қарап шығыңыз. Айналаңыздағы су асты әдемі гүлдерге және бойыңыздағы тыңыштықты сезініңіз. Бұл тыныштық сізге таза аудай әсер етеді.

Кит сізді келген жолыңызбен су бетіне шығарады. Киттен түсіп, сізге жақсы саяхат жасатқаны үшін оған алғысыңызды айтып, ол алыстап кеткенше көзбен шығарып салыңыз.

Өзіңіз сыныпқа қайтып оралып, орындығыңызға отырасыз. Су түбінен алып келген тыныштықты жүрегіңізде, бойыңызда сақтап, көзімізді ашамыз. Рахмет.

Тыныштық сәтінен қандай әсер алдыңыз?

Сабақ барысын талдау:

2.Үй тапсырмасын тексеру: сабақ №10, 40 бет, М.Қуанышбеков «Сен бақытты ұлансың» мәнерлеп оқуды тексеру

3. Жағымды ой-пікір.Дәйексөзді талдау. /2-3 мин/

Ұяда не көрсең , ұшқанда соны ілесің.

Халық мақалы.

3.1.Хормен оқыту.

3.2. Мұғалім мағынасын ашу.Мақалдың мағынасын қалай түсінесіңдер?

3.3.Дәптерге жазғызу.

4.Мұғалімнің сыйлығы /12 мин/

Видеоматериал «Ана монологы»

Сұрақтар:

1. Монологтың мәні неде?

2.Отбасы жарастығы дегенді қалай түсінесіңдер?

3. Аялау, қадірлеу деген сөздерді қалай түсінесіңдер?

4.Қолында сиқырлы таяқша болса, аналарыңызға не сыйлар едіңіз?

5.Шығармашылық жұмыс, топтық жұмыс. /14-15мин/

Сынып оқушыларының 4 топқа бөлемін. Балаларға 4 түсті гулдер таратылады: раушан гүлі, бөлме гүлі, түймедақ гүлі, бәйшешек.

Тапсырма:

*берілген түрлі түсті қағаз, желім, қайшы арқылы «Біздің шаңырақ» тақырыбына коллаж жасау.

*қорғау

* мұғалім дайындаған плакатқа шаңырағын жапсыру

*қортынды: НЕ байқадыңдар?

6.Топпен ән айту. Ән «Ана туралы жыр» (слайд және әннің минусовкасы)/3-4 мин/

«Ана туралы жыр»
1.Әлемнің жарығын сыйладың сен маған
Даланың әр гүлін жинадың сен маған
Сен бердің құстардың қанатын самғаған
Балалық қоштарың өзіңе арнаған

Қайырмасы:
Әлдилеп, аялап өсірген жемісің
Самал жел саябақ құшағың мен үшін
Есейіп кетсем де, мен саған сәбимін
Көңіліңді көктемдей көзіңнен танимын

2.Өтеуге борышын анашым жан сырым
Іздедім сен үшін әлемнің асылын
Әлемнің байлығын сыйлар ем кеш мені
Сыйлар ем ай - күнін қолыма түспеді

7.Үй тапсырмасы. Сабақ №12 /1 мин/

«Адам өмірінде ең қымбатты - отбасы» тақырыбына эссе жазу.

8.Тыныштық сәті. /музыка/ 3 мин

Әр балаға «Не сыйласам екен, саған ...» атты открытка таратылады, әуен ойнатылады, тілектерінді білдіріп Көгершін жәшігіне салыңыздар!!

Сабақ аяқталды. Көріскенше күн жақсы!