Методический материал Тіл құдіреті

Тілдер апталығы

Н.К. Крупская атындағы №4 ОМ

Қазақ тілі мен әдебиеті пәнінің мұғалімі

Джуматаева Перизат Майрамкуловна

Балқаш қаласы Н.К. Крупская атындағы жалпы білім беретін №4 орта мектебінде, қазақ тілі мен әдебиеті бірлестігінің ұйымдастыруымен бірқатар сыныптан тыс іс- шаралар өткізілді. ӘБ мүшелері Джуматаева П.М мен Есильбаева А.М- ның ұйымдастыруымен «Тіл құдіреті» атты сайыс өтті. Сайыстың мақсаты: оқушылардың мемлекеттік тілге деген қызығушылықтарын арттыру, үштілділікті арқау ете отырып отансүйгіштікке тәрбиелеу. Сайыс 7-8 сынып оқушылары арасында, үш тілде өтті. Аталған сайыс үш кезеңнен тұрып, М. Мақатаевтың «Үш бақытым» өлеңінен бастау алды.

І. «Өзге тілдің бәрін біл, өз тіліңді құрметте» кезеңінде, сөйлемдер түркі тілдес халықтарының тілінде беріліп, берілген сөйлем тілдерін анықтау, қазақша баламасын тауып, шағын жоба жасау тапсырылды. Бұл кезеңде оқушылардың ана тілінен басқа да тілдерге деген қызығушылықтары байқалып, шығармашылық қабілеттері айқын көрінді.

ІІ. «Білімді мыңды жығар» кезеңі блиц -турнир негізінде өтті. Бұл кезеңде оқушылар Қазақстан туралы білімдерін жан - жақты көрсете білді. Қойылған сұрақтарға толық, әрі дұрыс жауап бере алды.

ІІІ. «Air. Land» кезеңінде оқушылар аң, құстарды ағылшын тілінде атап, пәндік білімдерін жан- жақты көрсетті.

Әділ қазылар алқасының шешімімен, сайыстың үш кезеңі бойынша жоғары ұпай жинаған топ жеңімпаз атанды.