Тәрбие сағаты Арақ ардан бездірер

Мақсаты: Оқушыларды жаман әдеттерден сақтандыру, ішімдіктің жас организмге зиянды, әр -түрлі жөтел, асқазан тері аурулары осы алкогольдің әсерінен екенін түсіндіру; жас бүлдіршіндерді мектеп партасынан-ақ жаман әдеттерден аулақ болып, өскен ортадан тек қана жақсы әдеттерді бойына сіңіруге баулу; қоғамның ілгерлі дамуына кері әсерін тигізіп, жас ұрпақтың санасы мен өмірің уландыратын ауыр кеселдің бірі - маскүнемдік, араққұмарлық екенін ұғындыру.

Барысы:

1-оқушы: Ішімдік адам баласына еш абырой әпермейді. Маскүнемдіктің негізгі және бастапқы белгілерінің бірі - мас болу үшін спирт ішімдіктерін барған сайын көп мөлшерде қажетсіну, оған қайта-қайта аңсары ауып, құмарту. Ал алкоголизмнің соңғы сатысында ішімдікті аз ішсе де адам тез мас болады. Орталық жүйке жүйесі зақымданып, соматоневрологиялық аурулар және психикалық ауытқушылық құбылыс дами бастайды.

2-оқушы: Арақты үнемі ішу адамгершілікке де үлкен зиян. Отбасында ұрыс-керіс, жанжалдар, балаларды оқытып-тәрбиелеудің бірқалыпты жағдайлардың болмауы сияқты арақ ішу әсерін тигізеді. Маскүнемдердің 20 % кезінде арақты өздерінің ата-аналарымен бірге отырып ішкендер. Көптеген құқық бұзушылық та осы арақ ішуге байланысты. Ұрлық пен тонаушылықтың 80 % мас болған жағдайда жасалынады. Өз денсаулығына да әсер етеді.

Баяндама: «Арақ ардан бездірер».

3-оқушы: Ішімдік - қосындыларды ашытудан алынатын, күллі әлемге таралған ертеден келе жатқан есірткі. Біздің қоғамда алкоголь қалыпты өмірдің бір бөлігі сияқты. Алкоголь қанға араласады, одан әрі миға шабады екен. Алкоголь адам ағзасы үшін улы. Егер адам шамадан тыс ішсе, гастрит, жүрек ауруы, дәрумен жетіспеушілік және бауыр циррозы, белсіздікке ұшырайды, ауруларды жұқтырудың 10 оқиғасының 9-ы мас күйде болады. Егер алкоголь қан құрамында 0,1 - 1,15 пайызы болса, машина жүргізу аса қауіпті. 0,2 пайызы болса, түсініксіз сөз, қисалаңдап жүру байқалады. 0,4 пайызы - ес-түстен айырылуға әкеледі. 0,6-0,7 пайызы болса - адам өледі. Ішімдік адам баласына еш абырой әпермейді.

Әділбек: Әй,адамзат неге жүрсің серіксіз?

Тоқта!Тоқта!

Мені көрсе ішіп алар адамдар бар шыдамай,

Ішу үшін бұл өмірде сылтаулар көп мынадай:

Табысы мен атақ-даңқы,қолы жеткен мансабы,

Себепсіз құр ішу мақсат ауып кетсе аңсары.

Осы арқылы мен алдымен адамдарды жаулаймын,

Ақырында уақыт өте әлемді де қармаймын.

Серікжан: Тамырына құрт түсті де тектінің

Шерлі ғасыр шерменде боп,шекті мұң

Арақ сасып,шарап мүңкіп,сыра аңқып

Заман дерті санамызға септі уын.

Гүлден: Ішімдікті дастарханның сәні ғып

Аяқ асты тапталды ғой ар-үміт.

Жуып-шайдық ісі ғой деп ақаңның

Жатқандарды ақыл-естен жаңылтып.

Темірлан: Арақ алмап, сыра жалмап жер үстін

Күйін кештік күлде қалған кебістің.

Қоғамымның жүрегі айнып,лоқсиды

Неге ішемін? Неге ішесің? Неге іштің?

Тлеген: Тоңсаң мені іш,жылынасың,

Қайғырғанда іш, пәлеге ұрынасың!

Ұялшақсың ба іш, батыл боласың!

15 тәулік айықтырғышқа қонасың!

Жанжігіт: Ішсең қисандап жүресің,

Ретсіз ыржаңдап күлесін,

Ар-ұяттан айырыласын,

Оны өзің де білесің!

Біле тұра ішесің,

Өз кебініңді өзің пішесің.

Ұрлықты да жасайсың,

Түрмеге де түсесің.

Еркеблан: Мен болдым ғой жексұрын да, жауыз да,

Арақ өзі құйылмайды ауызға!

Әділеттін айтындаршы, ағайын,

Кім кінәлі, арақ па әлде ауыз ба?

Тәрбие сабағымызды қорытындылай келе сөз кезегін мектебіміздің медбикесіне береміз.

.