Тәрбие сағаты Әжелер сайысы

Тақырыбы: «Асыл әжем!» сайысы.
Мақсаты: Жас ұрпақты ата - баба дәстүрімен тәрбиелеу. Әже тәрбиесін үлгі ету. Әжелер айтқаны асыл екенін, әрі олардың өнегесін күнделікті өмірде пайдалану. Әжелер өнегесінің ерекшелігін ашу. Баланы кішіпейілділікке, қарт адамдарды құрметтеуге үйрету.

Сайыстың жүру тәртібі;
1. Ұйымдастыру. Мұғалімнің кіріспе сөзі.
2. Әже мен немерені таныстыру
3. Әділ қазылар алқасын таныстыру
4. Сайыстың шарттарымен таныстыру
5. Сайысты қорытындылау.

1-жүргізуші:
Армысыздар құрметті қонақтар, Әжелер, аналар, сүйкімді қыздар ,көктемнің алғашқы мерекесі 8 - наурыз мерекесі құтты болсын!
Адам баласы үшін ең аяулы,ең ардақты,қадірлі тұлға-ана.Бала дүниеге келгеннен бастап өзінің жылы алақаны,жылы жүзі,ыстық құшағы ,мейірім толы көзқарасы арқылы барлық сүйіспеншілік , мейірімділік махаббатын бере білген аналар үшін жер дүниені мекендеген адамзат қауымы бір күнді мейрам етіп белгілеген,ол 8-наурыз мерекесі.Осы мереке күніне орай ардақты да асыл әжелеріміздің өнерін үлгі етуге арналған «Асыл әжем!» атты сайысымызды бастауға рұқсат етіңіздер.
2-жүргізуші:
Әже деген көп шығар
Әжемдей менің жоқ шығар
Мейірімді ол кісі
Қандай ғажап күлкісі - дей отырып ортамызға сайысқа қатысушы әжелеріміз бен немерелерін ду - қол шапалақпен ортамызға шақырайық!
1.Бүкіл саналы ғұмырын еліміздің болашағы-жас ұрпақтың білімі мен тәрбиесіне ,рухани дүниесінің баюына арнаған сүйікті әже Есенкөбекова Гүлсағия мен немересі Шапағатова Лашын.
2.Шәкіртінің жанына нұр құйып,елжанды тұлға тәрбиелеуде өзіндік із салып келе жатқан дана ұстаз,аяулы әже Әбетова Шолпан мен немересі Төлегенқызы Жадыра.
3. Ұстаздық ұлағатты ұлы жолды ешнәрсеге айырбастамай,бар ғұмырын білім саласына арнаған,өз ісінің шебері дара ұстаз ,мейірімді әже Арапаева Рахима мен немересі Абдуллаева Әсел.
1-Жүргізуші:
Кім жеңеді сайыста үміт алда,
Қобалжу бар жүректе күдік барда
Әділ - қазы алқасы атыңды ақта
Жүректерге арман мен бақыт жолда.- деп әділ - қазы алқасымен таныстырамын.
1. Жанашева Дина- Ардагер ұстаз,аяулы әже .
3. Метептің тәрбие ісінің меңгерушісі Қопашова амангүл апай.
4. Бекова Күлән.-сүйікті ұстаз,мейірбан әже .
2-жүргізуші:
Енді сайысымыздың шартымен танысайық
1. Таныстыру

2. «Сыр сандық» сұрақ-жауап сайысы.
3. «Ас -адамның арқауы»
4. «Айналайын,ақ әжем»(берілген тапсырмалар бойынша көрініс)
5. Салт - дәстүрден көрініс. Бесікке салу немесе тұсау кесу.,ит көйлек тастау
6. «Кім тапқыр»

1-Жүргізуші: Әжем менің аялаған
Құшағынан сая табам
Қанша жақсы болса-дағы
Сендей әже қайда маған?деп бүгінгі сайысымыды бастаймыз.

1 - Кезең Сайыстың алғашқы кезеңі «Таныстыру».
Оқушылардың өнерін тамашалап отырыңыздар.Шүкірбаев Досбол Ф.Оңғарсынова «Анамен сырласу»поэмасынан үзінді.
2-жүргізуші:
2- кезең Сұрақ-жауап сайысы «Сыр сандық» . Әр әжеге 1 - билеттен беріледі, 1 - билетте 3 сұрақтан жазылған.
Сұрақтар; 1 - билет
1. «Байғазы» дегеніміз не?.
2. Үш арсызды ата.
3. Ұйқасын тап: Өзінше ноян, қорқақ кім?....
2 - Билет
1. «Ерулік»деген не?
2. Бес дұшпан
3. Ұйқасын тап: Үні ғажап дүлдүл, бақта сайрар....
3 - билет
1. «Сәлемдеме»деген не?
2. Төрт қонақ
3. Ұйқасын тап: Тұмсығымен шымшып, құрт тереді....
Немерлері сыр сандық сұрақтарына жауап береді.
Тыйым сөздерді айтыңдар.
«Көрімдік» деген не?
«Сүйінші» деген не?
1-ж.үргізуші:
3- кезең «Ас-адамның арқауы» өз қалауың бойынша мерекелік салат дайындау,атын қойып,түсіндіру.
Аманқос Самат «Анаға хат»
Бақытов Әлібек «Ананың анасы»шығармасынан үзінді
2.-жүргізуші:
4 - кезең «Салтым-асыл қазынам» Ұлттық салт - дәстүрден көрініс.

Анам мені тербетіп,
Өсіп кеттім ержетіп
Сол бесігім үйімде
Сақтаулы тұр төрімде.- деп бесікке салу рәсімін Рахима әжеміз жасайды.

Жолың болсын деселік
Жолыңа нұр төселік
Жарылқасын алдыңнан
Тұсауыңды кеселік.- деп тұсау кесу рәсімі жасалады.Тұсау кесу рәсімін жасау Шолпан әжемізге беріледі.

Әлпештеген баласын,
Ана - бақыт ана жыр,
Әркім сүйіп өзінің
Мақтан етер анасын.- деп «Ит көйлек тастау»рәсімін Гүлсағия әжеміз таныстырады.
Самешов Жасұлан
Арыстанов Айдар
1-жүргізуші:
5- кезең «Айналайын ақ әжем»Берілген тапсырмалар бойыгша шағын көрініс дайындау.
1.Немереңіз сабаққа барайын деп дайындалып жатыр.Сіздің іс-әрекетіңіз.
2.Немереңіздің ұйқысы келер емес,қалай ұйықтатасыз?.
3.Немереңіздің достары келіп тұр,ойнағысы келеді.Сіздің іс-әрекетіңіз.
2-жүргізуші:

6- кезең. «Кім тапқыр?»Әжелеріміз бір әріпті таңдап,сұраққа сол әріптен басталатын сөзбен жауап береді

Әжелерге берілетін сұрақтар
1.Немереңізді қалай еркелетесіз?
2.немереңіздің мінезі қандай?
3.Сізге қандай сыйлық береді?
4.Немереңізге қандай тамақ әзірлейсіз?
5.Қандай бала сүйкімді?
6.Немереңіз болашақта кім болады?
7.Қалай жазалайсыз?
8.Мақтаншақ болса қайтесіз?
9. Бойында қандай кемшілігі бар?
10. Үнемі айтатын ақылыңыз
.Барғанаев Жолдыбай
Қуантқанов Әлішер «Қазақ тілі» әнін орындайды.
«Асыл әжем» хор
1-жүргізуші:
Мен өзіңмен қайда жүрсем біргемін
Күн нұрындай жадырай бір күлгенің
Асыл сөзің жүрегімде жүр менің
Қандай бақыт ортамызда жүргенің.,деп -сайысты қорытындылау үшін сөзді әділқазылар алқасына береміз
2-жүргізуші:
Сіздерменен жадырайды өңіміз
Сіздерменен жарасады сәніміз
Аяулы әжем,асыл әжем,дана әжем
Сіздерге кеп бас иеді бар әлем!-деп бүгінгі халықаралық әйелдер мерекесіне арналған кешімізді аяқтаймыз.Әжелерімізге ұзақ ғұмыр,отбасыңызға амандық,шаңырағыңызға береке,бірлік тілейміз!