Табиғат-тіршілік нәрі

Сабақтың тақырыбы: Табиғат- тіршілік нәрі.

Сабақтың мақсаты: 1. Табиғаттың адам өміріндегі маңызы жайлы түсіндіру.

2. Дүниетанымын, танымдық қабілеттерін дамыту.

3. Табиғатты қорғауға, аялауға, мейірімділікке тәрбиелеу

Көрнекілігі: Суреттер, сөзжұмбақ.

Әдісі: Түсіндіру, сұрақ-жауап

Барысы:

1. Ұйымдастыру кезеңі: Оқушылардың зейіндерін сабаққа аудару.

2. Жұмбақ шешу арқылы «табиғат» сөзін анықтау.

3. Табиғатпен біргеміз.

Амансың ба, алтын күн?

Көгілдір көк аспан!

Бармысың құстарым?

Қанатты достарым!

Суларым таза ма?

Талдарым аман ба?

4. Сұрақ-жауап.

Табиғат дегенді қалай түсінеміз?

Алтынай: Табиғат- бізді қоршаған дүние: аспан мен жер, тау мен су, жан-жануарлар мен өсімдіктер әлемі.

Қарақат: Адам қашан да табиғат әсемдігіне, сұлулығына тамсанған, таңданған, қуанып, шабыт алған және қамқорлық жасаған.

Гүлсая: Жайқалсын жасыл әлем өлкемізде,

Сән түзеп, көрік берсін жер бетіне.

Нұрбек: Тамаша ғой

Бүгін сен

Табиғатқа жүгінсең.

Құлақ түріп,

Көз тігіп,

Төңірекке үңілген.

Мұхтархан: Еріп бұлттың ырғағына,

Жоқ болады бір күн ай...

Табиғат та бір кітап,

Оқи алсаң, шіркін- ай!

5. Оқушылар шығармашылығы: Өздері бейнелеп салған табиғат сұлулығын әңгімелейді.

Қорытынды: Тірек сөздер арқылы әңгімелей отырып, ойларын түйіндеу.

1. Таза су

2. Таза ауа

3. Пайдалы тағам

4. Көтеріңкі көңіл күй

5. Спорт

6. Көрнекті жер