- Преподавателю
- Классному руководителю
- Дені саудың - тәні сау сынып сағаты
Дені саудың - тәні сау сынып сағаты
Раздел | Классному руководителю |
Класс | - |
Тип | Другие методич. материалы |
Автор | Аманбаева Ж.О. |
Дата | 07.07.2014 |
Формат | docx |
Изображения | Есть |
6 және 8 сыныптарға денсаулыққа байланысты сынып сағаты өткізілді. Сабаққа Балалар белсене қатысты . Өздеріне көптеген пайдалы мәліметтер алды. Ең алдымен балалар үйлерінде дайындап келген шағын эсселерін автор орындығында оқып берді. Шаттық шеңберіне балалар шағын топтарға бөлінді.
Сабақтың тақырыбы: Жаны саудың - тәні сау
Мақсаты:
а)Жас ұрпаққа адам денсаулығының қымбаттылығын, өмір сүру үшін қажеттілігін, бағалы байлық екенін түсіндіру.
ә)Қимыл-әрекетке жаттықтыру, еңбек етуге, жерін қорғауға қажетті күш қуатын молайту.
б)Дұрыс тамақтанудың денсаулық үшін маңыздылығын түсіндіру.
в)тазалық және жеке бас гигиенасын, мәдени дағдыларын қалыптастыру.
Дамытушылығы:Сын тұрғысынан ойлау, шығармашылық қабілеттерін дамыту.
Тәрбиелілік: Оқушыны денесін шыңдауда шымыр да шапшаң, ұқыпты да жинақы, таза да әдемі болуға тәрбиелеу.
Сабақтың міндеттері:
а)Жас ұрпақ дұрыс өсіп жетілу үшін денсаулығын күтуді үйрету.
ә)Күнделікті қимыл-қозғалысын дамыту арқылы қуатын молайту.
б)Дене жаттығуларын жасауға дағдыландыру, сенімділікке үйрету.
в)Салауатты өмір салтын сақтап өмір сүруге дағдыландыру.
Барысы:
1.Психологиялық дайындық.
Оқушыларды шаттық шеңбері арқылы шағын топтарға бөлу.
Ой толғаныс.
Балалар үйлерінде дайындап келген «Салауатты өмір» туралы эсселерін автор орындығында оқиды.
Оқушыларды төрт шағын топқа бөліп жеке тапсырмадан беру.
І топ «Табиғи күш» тобы
- Сендер қандай қажеттілік туралы сыр шертесіндер, олар қандай күштер?
- Күн, таза ауа, судың денсаулыққа тигізетін пайдасы қандай?
- Өз достарыңа табиғи күшті қорғауға қандай ұсыныстар айтар едіндер?
- Ата-бабамыз табиғи күш куаттарының қадірін түсініп, әдемі де әсерлі сөз мәйектерімен жеткізе білген. Сол аталы асыл сөздерден мысал келтіріндер.
ІІ топ «Ептілер мен күштілер» тобы.
-Денені шынықтырудың маңызы қандай? Шынықтырудың түрлерін ата.
- Өзің сүйіп орындайтын спорттық ойындар мен жаттығулар түрлері? (оқушы
өзінің күнделікті айналысатын жаттығуларын көрсетеді)
-Ертеде балаларды қалай шынықтырған? Неге? Ұлттық ойындар оның пайдасы?
-Соңғы кезде шыққан спорттың түрлерін ата. Оның мақстаы қандай?
ІІІ-топ «Шипалы тағамдар» тобы.
- Дұрыс тамақтану жолдары қандай?
-«Батпайтын ас - жеген кісінің өзін жейді» деген нақыл сөздің мағынасын түсіндір.
-Тағамның түрлерінің адам денсаулығына пайдасы мен зиянды жақтарын салыстырып көрсет (сүт пен сыра, алма мен конфет, шипалы су мен тәтті сусындар).
- (Топ мүшелері «Қолтырауынның тіс ауруы» атты көрініс көрсетеді).
IV топ «Әдемілер» тобы.
- Жеке бас тазалығы деген не? Өз ойың.
- «Тазалық - саулық негізі,
- Саулық - байлық негізі»
- деген мақалдың мағынасын түсіндір. Өзің білетін, оқыған мақал-мәтелдерді айт.
- Таза жүретін баланы не деп атайды?
- Оның достары нелер?
- Тазалықты сүймейтін баланы не деп атайды?
- Оған оқыған шығармаларыңнан қандай мысалдар келтіресіңдер?
- Ана тілі пәнінен денсаулық, тазалық туралы кімнің ақыл-кеңесін жаттадындар?
- Оны санамалап айтып бер.
Ұжымдық жұмыс
Әр шағын топ өздерінің ойларын флипчартқа түсіреді, өз тақырыптарына байланысты шағын көрініс көрсетеді.
Ой тұжырымы.
- Біз бүгін қандай тақырыпта ой қозғадық?
- Нені ойға тоқып, жадымызда сақтауға тиіспіз?
- Сендер қандай азамат болып өсулерің керек? (оқушылар жауаптары тындалады және сарапшылар қай топтың көбірек жауап бергенін ескеріп, қорытындылайды).
Мұғалімдердің қорытынды сөзі.
Шығыста:
Сау дене, азат ақыл, адал көңіл -
Үшеуімен бақытты болады өмір
- деген нақыл сөз бар екен. Сол айтқандай дені сау, құрыш білекті, батыл жүректі, салауатты өмір салтын орнықтыруға дайын ұрпақ болып өсіндер.
Ел басы Н.Ә.Назарбаев «2001-2005 жылдар аралығында дене тәрбиесі, спорт түрлерін дамыту» туралы Заңға қол қойды. Бұл- үкіметіміздің ұрпақ денсаулығын нығайтуға қатты көңіл бөліп отырғандығының айғағы.