Оқушыдан сабақ сұраудың негізгі әдіс-тәсілдері

Астана қаласы №63 орта мектептің

қазақ тілі мен әдебиет пәні мұғалімі Бигожина Б.О.

коучинг жоспары

Тақырып

Оқушыдан сабақ сұраудың негізгі әдіс-тәсілдері

Сілтеме

Мұғалімге арналған нұсқаулық

Жалпы мақсаты

Оқытудың белсенді әдіс- тәсілдерін тиімді пайдалану жолдарын және сыни тұрғыдан ойлау жобасының стратегияларын көрсету,оларды қолдануды үйрету

Қатысушыларды ұжымдық сыйластық, бір-біріне сенім арту, бірлесіп жұмыс жасауға баулу.

Күтілетін нәтиже

-шеберлік сыныпта пайдаланылған белсенді әдістерді өз тәжірибелеріне тиімді енгізе алады;

-сынып тәжірибесінде сыни тұрғыдан ойлау жобасының білім алудағы маңыздылығын жақсы түсінеді.

-қатысушылар ұжымдық сыйластық, бір-біріне сенім артып, бірлесіп жұмыс жасайды.

Түйінді идея

Өмір талабына сай білімге ұмтылу, шығармашылықпен жұмыс жасауға тарту, өзін-өзі дамыту.

Ресурстар:

маркерлер, жіп, плакаттар, тақырып бойынша қажетті мәтіндер, жеке сөздер, қазақ әліпбиі, бейнежазба, слайд, үлестірмелі қағаздар

Коучинг сессияның өту барысы

Коучинг сессияның өтілу кезеңдері

Коучтің іс-әрекеті

Мұғалімнің іс-әрекеті

Амандасу

Коуч коучингтің тақырыбы мен мақсатын таныстырады

Жағымды ахуал туғызады

Топқа бөліну

Алдарыңызда жатқан хатқалтаны алып, ішін оқыңыздар. Ашық хатта тілек сөздер жазылған.

Байлық дегенді қалай түсінесіздер? Байлықтың қандай түрлері бар? Сіз үшін байлық деген не? Сіздің байлығыңызға не кіреді?

Қатысушылар байлықтың түріне байланысты топтасады.

денсаулық, бақыт, табыс, махаббат, сәттілік, бірлік.

Осы сөздерді естігенде ойыңызға бірінші кезекте не келді? Қатысушылар сұрақтарға жауап береді.

Сергіту сәті

Тренинг (2 мин) «Мен басқаның көзімен». Шеңберде тұрып мұғалімдер қасындағы мұғалімге бір жағымды мінезін айтады.

Дәл осылай тізбектесіп, барлық коучинг қатысушылары өз-өзін таныстырады

Бейнефильм көру

«Алпамыс» мультфильмінен үзінді тамашалайды

Бұл қандай мультфильм деп ойлайсыз? Бұл қай жыр бойынша түсірілген?

1. Алпамыс батырды суреттеңіз /Үзінді беру. Алпамыс бейнесімен танысып, оны суреттейді./

2. Алпамыс пен Қобыландыны салыстырыңыз ./Венн диаграммасы /

3. «ХХІ ғасыр Алпамысы» .

Қатысушы топ мүшелері постер жасап,өз жұмысын қорғайды.

(Әр топқа смайлик таратылады)

Ой шақыру

«Білім себетін» толтыру.

Сабақ сұраудың қандай әдіс-тәсілдерін қолданасыз?

«Сын тұрғысынан ойлауға үйретудің» қандай әдістерін білесіздер?

Осы әдістердің күнделікті сабақта қолданудың тиімді жақтары бар ма ?

Топ ішінде берілген сұрақтар төңірегінде талқылау жүргізіп, түйінді сөздерді стикерге, А 4 парағына жазады. Осыларды себетке салады. Топ мүшелері бір-бірін қайталамауы керек. (Смайлик арқылы бағалау)

Теория

Сабақта сұрау әдісін қолданудың бірнеше әдіс- тәсілдері бар.

Жаңа технологиялық тәсілдер, сұрау жүргізу, тікелей сұрақ- жауап,жаттығу әдісі,СТО әдісі,пресс-конференция,телеграф,бәрі керісінше әдісі және т.б.

Жеке тапсырма

3 топқа жеке тапсырмалар беріледі

1- топ. «Түйінді сөздер» әдісі ұсынылады. Берілген сөздер мен сөз тіркестерінен әңгіме құрастыру.

2-топ .«Әліпби-әңгіме» әдісі . Қазақ тілінің әліпбиі ұсынылады, тыңдаушылар әр әріптен басталатын сөздерден әңгіме құрастырады

3-топ. «Тізбектелген суреттер» әдісі.

Тыңдаушылар берілген сөздер мен сөз тіркестерінен әңгіме құрастырады.Аңыз әңгімеден алынған сөздерден топ өзінің әңгімесін ұсынады. Аңыз әңгіменің түпнұсқасы оқылып, топтың әңгімесімен салыстырылады.

Әліпбидегі әр әріптен тұратын сөздерден әңгіме құрастырып , топ атынан әңгіме ұсынады.

Қатысушылар берілген суреттер топтамасымен танысып, жіпке іле отырып, тізбек бойынша әңгіме құрастырады

(Смайлик арқылы бағалау)

Сергіту сәті

Аю отыр партада

Екі қолы қалтада

Апай сабақ сұраса

Ұйықтап қапты масқара

өлеңін үш түрлі әуенге салып орындау

1-топ халық әуені

2-топ опера

3-топ эстрадалық әуен

• (барлықтары қатысады: оркестр,ансамбль құрады)

Кері байланыс

Жеделхат түрінде берілген кері байланыс парағын толтырады.

Топта жұмыс жасау сізге ұнады ма?

Қиыншылық тудырған сәт болды ма?

Осы әдістерді сабақта қалай пайдалануға болады?

Қорытынды

«Соңғы сөзді мен айтайын... »

Қатысушылар өздерін қалай сезінгендерін және сабақ жөнінде өз ойларын айтады.

- Оқушы ретінде - ойлау қызметінің қандай түрлерін пайдаландыңыз, не жаттағанын;

• - мұғалім ретінде - коучтың іс-әрекеттері қандай болды, пайдаланылған стратегиялар бойынша, оларды пайдалануда қандай сұрақтар туындады

Рефлексия

Бүгінгі біздің көңіл-күйіміз қандай? (смайликтарға белгілеу)

«Екі жұлдыз, бір тілек»

Топ мүшелері бір-бірінің жасаған жұмыстары бойынша екі сәтті кезеңді және бір ұсыныс - тілегін жазады.

Астана қаласы

№63 мектеп-гимназия

Коучинг тақырыбы:

Оқушыдан сабақ сұраудың негізгі әдіс-тәсілдері

Өткізген :

қазақ тілі мен әдебиет пәні мұғалімі

Бигожина Б.О.

2016 ж.