Тәрбие сағаты 7 сынып

Сабақ тақырыбы : Балаға жүрек сыйлаған

Сабақ мақсаты : Оқушыларға «Өзін - өзі тану» пәнінің маңызы мен ерекше -

ліктері туралы әңгімелеу;

Дамытушылық: сөз байлығы мен сөйлеу шеберлігін, қиялға беріліп, арманның жетегінде бола білуге, өздігінше ізденуге, мәнерлеп оқу дарындылығын дамыту;

Тәрбиелік: бірін - бір құрметтеуге, үлкенді сыйлауға ,кішіге қамқор болуға, ізеттілікке, адамгершілікке тәрбиелеу.

Сабақ көрнекілігі: суреттер, фото - монтаж

Сабақ барысы :

І. Кіріспе сөз.

1992 жылы елдегі ана мен баланы әлеуметтік қорғау, балалар үйлерін қамқор-

лыққа алу, тұрмысы төмен, жетім балаларға жәрдемдесу мақсатында «Бөбек» қа-

йырымдылық қорының негізі қаланды. Қазақстанда алғашқы болып жетім бала-

ларды қорғайтын заң бастамасын С. А. Назарбаева көтерді.

1999 ж. С. А. Назарбаеваға қайырымдылық қызметі үшін «СОС - Киндердорф»

халықаралық қорының алтын медалі берілді.

2004 ж. С. А. Назарбаева Білім беру жүйесінде «Өзін - өзі тану» сабағын енгізді.

2010 жылдан бастап « Бөбек» қоры мен «Өзін - өзі тану » рухани - адамгер-

шілік білім беру жобасының авторы С. А.Назарбаеваның қолдауымен Қазақстан

Республикасының барлық мектептерінде «Өзін -өзі тану» пәні өтіле бастады.

Өз - өзіңмен, балашым,

Жаның тапсын жарасым.

Теңдесі жоқ ешкімге,

Бұл өмірде дарасың.

Желден жүйрік көңіл күй,

Есті сөзді ойға түй,

Жылуына бөлеген,

Жаным, жарық күнді сүй.

Тарихты біл, тілді сүй,

Төрт түлігің төлді сүй.

Орманды сүй, белді сүй.

Айдын шалқар көлді сүй.

Халқыңды сүй, елді сүй

Ел басқарған ерді сүй.

Қасиетті мекенің -

Туып өскен жерді сүй.

Балалар деп жарқырар күн шуағы,

Әйәй апай - халқымыздың шынары.

Жан апайдың салдырған сарайынан,

Жанымызға тарайды нұр шуағы.

Мұң мен дерттен арылтқан, ұмыттырған.

Шар болаттай шыңдаған, шынықтырған

Жұмаққа бергісіз осы Сарай

Талайлардың бақыты, үміт қуған.

1-оқушы

Өміріме өзімнің таң қаламын,

Қалмаймын деп қатардан қамданамын.

Бүгінімді өткізсем қиындықпен,

Ертеңіме үмітпен қамданамын.

2 - оқушы

Жақсылыққа жетем десең, қолыңда,

Бар жақсылық жақсы адамның жолында.

Жаман болып тумайды ешкім анадан,

Жаман адам қайдан шыққан соңында.

3- оқушы

Соны ойла да өзіңе - өзің есеп бер,

Көктем - өмір, көкөрім бәйшешектер,

Екі жол бар жағаласып жататын,

Жақсылыққа апаратын жетекке ер.

4- оқушы

Жүректен жанға жылы сөз бар ма елде,

Жүрексіз тірлік бар ма суда, жерде.

Қашан да өмір жыры - жүрек сыры,

Тілеуін сол жүректің айтам мен де.

5- оқушы

Аяулы болғандықтан асыл жүрек,

Өз орнын кеудеден кең алып бөлек,

Күмбезде берік, жылы өмір сүріп,

Өзіңді жамандықтан жүрер демеп.

6 - оқушы

Адам әр ісін шын жүрекпен, адал ниетпен , сергек сезіммен, ыстық ықыласпен

бастап, саналы түрде жақсылыққа бағыттап отырса, өзін де, өзгені де қуанышқа

бөлейді.

«Жан сұлулығы» ( көрініс )

Алтынай : Мен ең әдемі қызбын, өскенде де ең сұлу қыз боламын.

Дина: Иә, достым, сен сыныптағы ең әдемі қызсың. Мен сенің әдемілігіңе қызы-

ғамын.

Алтынай: Мына қарияның көзі көрмей ме, қолыңда таяғы бар?

Дина: Жүр, онан да көмектесіп, жолдан өткізіп жіберейік.

Алтынай: Уақыт алғанша жүре бермейміз бе?

Дина: Сізге көмектесейін бе?

Қария: Көмектесіп жіберші, мейірімді қыз. Көзім көрмейді, қартайдым. Жолдан

да өте алмай тұрғанымды қарашы

Дина:Жүріңіз.

Қария: Рахмет, қызым. Күн көзіндей сұлу екенсің.

Алтынай: Оның әдемі екенін қайдан білдіңіз? Көзім көрмейді деген жоқсыз ба ?

Қария : Бұл қыздың сұлулығы соқыр адамға да айдан анық көрінеді. Өйткені

оның сұлулығы жүректен тарайды.

7 -оқушы

Жақсы болу - өзіңнен.

Жаман болу - өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

Мен қандаймын деп ойла.

Жамандық көрсең біреуден,

Мен қандаймын деп ойла.

Мұғалім:

Қорға , жаным, сеніміңді жеруден.

Қорлық бар ма, жанбай жатып сөнуден.

Өмірдегі үлкен жеңіс әрдайым,

Басталмай ма өзіңді өзің жеңуден.

Болашағың алдында әлі бүлдіршін,

Ер жігіттің намысында бұл бір сын.

Бүгін көрсет қайратыңды, күшіңді

Ертең мүмкін кеш бола ма, кім білсін.

Қайда деме

Махаббат қайда деме - жүрегіңде,

Шапағат қайда деме- тілегіңде.

Берекем қайда деме - отбасында,

Мерекем қайда деме - көп қасында.