Первое мая - праздник единства народов Казахстана

«Серебрянка №4 қазақ орта мектебі» ММ

1-МАМЫР - ҚАЗАҚСТАН РЕСПУБЛИКАСЫ ХАЛЫҚТАРЫНЫҢ БІРЛІГІ КҮНІ

Әзірлеген: орыс тілі мұғалімі

Рахметкалиева Гульнара

Махуметкановнаның

жетекшілігімен

10-сынып оқушысы

Доланбаева Гульнур

Серебрянск қаласы

1 мамыр - Қазақстан Республикасы Халықтарының Бірлігі Күні

Жүргізуші:

Бірінші мамыр бүгін

«Мереке келді» деп,

Көк аспан айдыны

Ашылды мөлдіреп.

Құлпырды, жайнады,

Жас құрақ балауса.

Гүлдер де маңдағы,

Желбірер жалауша.

- Армысыздар жиналған қауым, құрметті ұстаздар, оқушылар! Бүгін біз бүкіләлемдік мереке халықаралық ынтымақ күні, Қазақстан халықтарының бірлігі күні қарсаңында жиналып отырмыз. Сіздерді осы мерекемен құттықтап, өмірлеріңізге зор денсаулық, шаттық, күлкі, мол бақыт тілейміз.

Ей, достым, кел бізге,

Орын бар бәрімізге!

Сұраққа жауап бер дағы,

Тамашала тағы-тағы!

- Мен сіздерге жұмбақ жасырайын. Ол жұмбақтар Қазақстан халықтары жөнінде.

«Біздің Отан - кең байтақ ,

Көп ұлттың мекені.

Біз құшақты кең жайсақ,

Әлем сыйып кетеді!» - дей келе, біздің елімізде қанша ұлт өкілдері тұрады деп сұрамақшымын.(130-дан астам) Елімізде осыншама ұлт өкілдері тұрғанда, олардың ұлттық ән-билерін көрмеу айып болар. Ендеше мен жұмбақтарымды жасырайын, сіздер тауып көріңіздер.

1. Бұл көшпенді халықтың даңқты тарихы бар.Оның өкілдері өздерінің бостандығын бәрінен жоғары бағалаған. Бөтен жерге көз алартқан жоқ , бірақ өз жерін де ешкімге бермеген. Бұл халық үшін ДАЛА-АНА, АСПАН-ӘКЕ болған. Бұл халық әнші мен сазгерге бай.

Домбырасыз сән қайда?

Домбырасыз ән қайда?

Ән мен күй бар өмірде,

От та лаулап жанбай ма?!

Яғни бұл қай халық? (Қазақтар)

Шұнан Айдардың орындауында күй.

2. Веселый праздник первомайский,

Во все селенья заглянул.

Веселый день, шумливый, долгий,

Проходит через всю страну!

У нас сегодня каждый весел!

И праздник мирного труда.

Под звуки музыки и песен,

Вошел в родные города!

- Қазақстанда тұратын бұл халық өкілдері үшін НАН - байлықтың символы, АЮ - күш пен әділдіктің символы, ал ҚАЙЫҢ - ОТАННЫҢ кейіпі болып табылады. Ол жайында шығарылған әннің көптігі сндай, оларды бір мерекеде айтып тауыса алмайсың. (Орыстар)

Ләйлә мен Индираның орындауында орыс биі.

3. Шаттық үнді мамыр жыры,

Аралайды жер шарын.

Көкте балқып мамыр күні,

Аялайды ел таңын.

- Бұл халықтың тұрмысы мен ән және аспапты музыка ерте заманнан тығыз байланысты. Біз сіздерге бұл халықтың биін тамашалауға ұсынамыз.

Бұлбұл өзбек биін сіздерге тарту етеді.

4. Аспан асты құлпырып,

Жасыл желек жамыла.

Таудан бұлақ бұлқынып,

Сырласады мамырға!

- Орта Азияда ежелден тұратын бұл дихан халықтың өмірінде саз бен би зор орын алады. Ең әйгілі музыкалық халықтық шығармашылығы «12 мұқамға» біріктірілген.

Аида ұйғыр биімен.

5. Бұл халық қазіргі кезде техникалық жағынан қарқынды дамыған, халқы жағынан, жер көлемі жағынан әлемге әйгілі мемлекет. Бұл халық біздің оңтүстік-шығыстағы көршіміз.

Гүлмира қытай биімен.

6. Біздің халық ежелден бері шығыс халқы деп аталады. Шығыс елдерінің салт-дәстүрлері, әдет-ғұрпы, тілдері бір-біріне жақын келеді.

Мадина. Шығыс биі.

7. Міне, біз біраз ұлттардың билерін тамашаладық , ендігі концерттіміздің жалғасында Назерке, Сындар, Жайнардың орындауында акробатикалық номер.

8. Құлақтан кіріп, бойды алар,

Әсем ән мен тәтті күй.

Көңілге түрлі ой салар,

Әнді сүйсең менше сүй ! - деп Абай атамыз айтқандай, ендігі кезекті әнге береміз.

Қаныбек Мадинаның орындауында «Ән мен әнші»

9. Отанымның төрінде ,

Сарыарқаның өрінде.

Ту ұстаған астанам,

Әсем қалам, бас қалам!

Сараның орындауында «Астана» әні.

10. Жалын «Достар» әнімен.

11. Қазақстан дейтін менің бар елім,

Жатыр алып жарты дүние әлемін.

Бұл даланы анам жаспен суарған,

Бұл далада атам қолға ту алған,

Бұл далада жылап келіп уанғам,

Бұл даланы алғаш көріп қуанғам,

Бұл далада өскен жанда жоқ арман!

Хор «Атамекен»

Хор «Вместе целая страна»

- Міне, осылай әнді әнге, биді биге ұластырып, біз бәріміз ҚР Халықтарының Бірлігі Күні атты тамаша мереке өткіздік! Бұл біздің еліміздегі ең басты мейрамдардың бірі! Халықтар достығы-баға жетпес байлық ! Бұл жайында көптеген мақалдардың болуы тегін емес. Сондықтан «Кең пішілген киім тозбайды,

Тұтаса білген халық қиналмайды» - деген халық даналығына құлақ аса жүрген дұрыс!

Бір ата, бір ананың түлегіміз,

Бір болсын қайда жүрсек тілегіміз.

«Бірлік бар да тірлік бар» - деген бабам,

«БІРЛІК» деп бірге соқсын жүрегіміз !

- Осымен мерекелік концертіміз аяқталды. Қошеметтеріңізге мың алғыс! Келесі кездескенше, достар! Мереке құтты болсын!