Тәрбия сәгате Витаминнар – сәламәтлек дуслары

Витаминнар кеше организмына сәламәтлекне ныгытуда  һәм төрле йогышлы авыруларга каршы тора алу сәләтен күтәрүдә ярдәм итәләр. -  Кешеләрнең  сәламәт  яшәве  һәм  таза  булып  үсүе  өчен  витаминнарга  бай ,  төрле  ашамлыклар  белән  тукланырга  кирәк. Витаминнар   җитешмәгәндә    кеше  төрле  авыруларга  бик  тиз бирешә . Төрле  азык  белән тукланган  укучылар  сирәк   авырыйлар  һәм  таза - сау   булып үсәләр. Укучыларда үз сәламәтлекләренә карата җаваплы караш тәрбияләү.
Раздел Классному руководителю
Класс -
Тип Конспекты
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

Тәрбия сәгате

Тема . Витаминнар - сәламәтлек дуслары.

Максат. 1)Укучыларны витаминнар белән таныштыру ,аларның кеше тормышындагы әһәмиятен аңлату.

2) Кызыксынучанлыкны , игътибарлыкны үстерү.

3) Укучыларда үз сәламәтлекләренә карата җаваплы караш тәрбияләү.

Материал. 1) Г. С. Насыйров " Балалар иртәсе." 51-62 нче битләр.

2) Ачык дәрес газетасы , июль 2006 нчы ел.

Җиһазлау . Яшелчә рәсемнәре, А, В, С,Д витаминнары , савыт белән венегрет, кашык ,әби киемнәре, магнитафон , касета , өстәл , урындык, Ш. Галиев портреты.

План.

1. Оештыру өлеше.

2. Укытучының кичәнең темасы белән таныштыруы.

3. Укытучының кереш әңгәмәсе.

4. Ш. Галиевның "Хәрефле витаминнар" шигырен укучы сөйли.

5. А, В, С , Д витаминнары чыгышы.

6. Скетч " Венегрет".

7. "Өйрәтәләр мәктәпләрдә" җыры.

8. Йомгаклау.

Тәрбия сәгате барышы.

-Бүгенге тәрбия сәгатендә без "Витаминнар - сәламәтлек дуслары." - дигән темага сөйләшербез.

- Витаминнар кеше организмына сәламәтлекне ныгытуда һәм төрле йогышлы авыруларга каршы тора алу сәләтен күтәрүдә ярдәм итәләр. Шуңа күрә витаминнарны сәламәтлек дуслары дип атыйбыз.

- Витамин " Вита" - тереклек дигән сүзне аңлата.

- Кешеләрнең сәламәт яшәве һәм таза булып үсүе өчен витаминнарга бай , төрле ашамлыклар белән тукланырга кирәк. Андый ашамлыкларга арыш һәм бодай ипие , он һәм төрле ярмадан әзерләнгән ашлар , сөт һәм сөтле ашлар , эремчек , май һәм үсемлек мае , ит һәм балык , җиләк - җимеш һәм яшелчәләр керә. Ашамлыкларда витаминнар җитешмәгәндә кеше төрле авыруларга бик тиз бирешә . Төрле азык белән тукланган укучылар сирәк авырыйлар һәм таза - сау булып үсәләр.

-Хәзерге вакытта берничә дистә витамин билгеле. Уңай булсын өчен аларны хәрефләр белән билгелиләр.

- Балалар язучысы Шәүкәт Галиев "Витаминлы хәрефләр" исемле бик матур шигырь язган. Аны безгә Ринат белән Ләйсән сөйләп күрсәтерләр.

А дигән витамин бар, Түм-түгәрәк, вак-ваклар,

В дигән витамин бар, Әйтерсең лә борчаклар,

С дигән витамин бар, Кайсылары ап-аклар,

Д дигән витамин бар, Кайсылары ал гына,

Күп төрле витамин бар. Ә үзләре бал гына!...

-Ә хәзер сүзне витаминнарга бирик . Алар безне үзләре белән таныштырып китәрләр.

1нче укучы. А витамины җитешмәгәндә , күзләр начар күрәләр , балаларның үсүе туктала , тире өсте кибә һәм бозыла. А витамины балык , сыер маенда , кызыл борычта , кишердә, кузгалакта ,яшел суганда, помидорда, абрикоста, каймакта, сырда ,йомыркада бар.

2 нче укучы. В витаминын җыелма витамин дип йөртәләр. Ул берничә төр витаминга , мәсәлән В1 , В2 , В6 бүленә һәм төрле авыруларны: йөрәк , кан тамырлары, ашказаны , сулыш органнары , күз , тире һәм нерв авыруларын дәвалауда кулланыла. В витамины группасы арыш һәм соры икмәктә , бодай , солы һәм карабодай ярмасында ,борчак һәм фасольдә , сөт һәм эремчектә, ит һәм балыкта , йомыркада бар.

3 нче укучы. Д витамины җитешмәгәндә , балаларда рахит авыруы барлыкка килә , скелет зәгыйфьләнә. Ул бавырда , иттә, каймакта , сөттә , майда була.

4 нче укучы. С витаминын да кешеләр , яшьтән үк куллана башлыйлар, һәм ул витамин һәркемгә иң кирәкле витамин булып санала. Ул кан әйләнешен яхшырта , кешедә йогышлы авыруларны булдырмауга ярдәм итә. С витамины киптерелгән гөләф җимешендә , кара һәм кызыл карлыганда , кузгалакта , помидорда , лимонда , мандаринда , алмада , кәбестәдә , яшел борчакта , редискада һәм кишердә була.

-Укытучы : -Димәк витаминнар җиләк-җимешләрдә һәм яшелчәләрдә бик күп була.

-Укытучы : - Ә хәзер "Венегрет" дип аталган күренеш карап китәрбез.

Әби: -Балакаем , карының ачкандыр бит инде, ашап алырга кирәк.

Малай: - И , шушы әбине , бигрәкләр дә борчыла инде , минем өчен . Хәзер керәм , әбием.

(Әби керә , кулында венегрет.)

Әби: -Менә улым, ашап кара әле. Витаминнар бик күп бу ризыкта , ашап бетерсәң , үсеп тә китәрсең, сәламәт булырсың.

Малай: - Хәзер , әбием . Кулымны гына юам да , ашап карыйм. Витамины булмаса ашамыйм....( болгатып карый , борчак таба) Ә-ә , менә нинди зур витамин (каба) Тфү, тфү , борчак бит бу , витамин түгел, тагын алдагансың инде, әбием.

Әби: -Ну шушы киребеткән малайны . Витамины күренеп тормый инде аның . Һәр ризыкның үз витамины бар. А, В , С , Д витаминнары. Ашамлыкны, улым, рәнҗетергә ярамый , ризыктан өстен булмыйлар. Әйбәтләп кенә утыр да аша , аның чөгендере , суганы , кишере , барысы да витамин инде. ( китә)

Малай: - Аңламассың шушы зурларны . Витамин да витамин диләр. Бер витамин да юк монда. Менә бусы чөгендер, бусы кишер , бусы суган - фу исе , ашамыйм. ( сикергәләп йөри)

Әби-әби венегретта Бик күп , дидең , витамин Ашап карадым эчендә Витамин юк бит аның.

Әби керә: Кара син бу киребеткәнне, өстәл янында сикергәләп йөри, килешмәгәнне, утыр , тот кашыгыңны, икенче чыгуыма бер бөртеге дә калмасын, аңладыңмы?

Әби керә: Кара син бу киребеткәнне, өстәл янында сикергәләп йөри, килешмәгәнне, утыр , тот кашыгыңны, икенче чыгуыма бер бөртеге дә калмасын, аңладыңмы?

Малай: - Аңладым , әбием. ( шигырьне кабатлый -кабатлый йоклап китә. Төш күрә.)

Музыка . Бии, бии яшелчәләр керә.

Борчак. Борчакларым бигрәк матур Охшаган витаминга С витамины күп була Яшелрәк чагымда.

Чөгендер. Чөгендерем бигрәк тәмле Кан составын яхшырта. Глюкоза , витаминнар , Бар минем составымда.

Кишер. Витамины күп булмаса , Ашар идеме , куян ? Җитез , шаян булу өчен Килә дисез , көч каян?

Кәбестә. Кәбестәдә бик күп була Витаминның һәр төре . Кәбестәне әрәм итмә, Алтын кебек бөртеге.

Бәрәңге. Бәрәңге, бәрәңге Бәрәңгене күр , әле. Апельсинныкыннан да күп Витаминнар күләме.

Көнбагыш. Көнбагышның маенда Е витамины бик күп . Яшәрепләр китәрсең Төшен ашасаң бик күп.

Суган . Исем тәмсез булса да Сугандай дару сирәк . Салкын тисә , тизрәк , Суган ашарга кирәк.

Сарымсак. Грипптан котылырга Сарымсак ярдәм итә . Барлык витаминнан ул , Склад хасил итә.

Бергә. Балаларга үсү өчен Сәламәт булу кирәк. Безнең белән дус булсагыз, Үсәрсез сез тизрәк.

Малай уяна: Төшемме соң бу, өнемме? Әллә чыннан да витамин бар микән бу яшелчәләрдә . Ашап карыйм әле. Кара, кара чыннан да тәмле икән.

Әби керә: - Менә , улым булдыргансың. Ашап та бетердеңме ? Әллә берәрсе булыштымы ?

Малай: -Әйе , әбием , фәрештәләр булышты.

Әби: - Менә могҗиза . Хәзер үсәсең дә үсәсең инде. Сәламәт булырсың , алла боерса.

(Тезелеп басып , башларын ияләр.)

Укытучы : -Укучылар , сәламәт булу өчен сезне мәктәптә нәрсәләргә өйрәтәләр ?

Җыр. "Өйрәтәләр мәктәпләрдә."

1 Иртән ничек ашарга, Кичен ничек йокларга. Өйрәтәләр мәктәпләрдә мәктәпләрдә. Исәнлекнең , саулыкның Кадерләрен белергә Өйрәтәләр мәктәпләрдә мәктәпләрдә.

2.Яшелчәләр ашарга , Витаминнар җыярга. Өйрәтәләр мәктәпләрдә мәктәпләрдә. Спортны чын дус итәргә, Ялкаулыкны җиңәргә . Өйрәтәләр мәктәпләрдә мәктәпләрдә.

3. Иртә белән һәркемгә , Хәерле көн теләргә . Өйрәтәләр мәктәпләрдә мәктәпләрдә. Дус һәм тату яшәргә, Һәм сәламәт булырга. Өйрәтәләр мәктәпләрдә мәктәпләрдә.

4. Исәнлекнең , саулыкның, Кадерләрен белергә . Өйрәтәләр мәктәпләрдә мәктәпләрдә. Витаминнар җыярга , Һәм сәламәт булырга . Өйрәтәләр мәктәпләрдә мәктәпләрдә.

- Бүген без нәрсәләр турында белдек? (Витаминнар турында)

  • Организмга күбрәк витаминнар керсен өчен нәрсәләр эшләргә кирәк соң ? (Төрле азык белән тукланырга кирәк)

  • Әйе, моның өчен төрле азык белән тукланырга кирәк. Төрле азык белән тукланганда, кеше организмы җитәрлек дәрәҗәдә витаминнар белән тәэмин ителә.

  • Табигать безгә сәламәтлегебез өчен күп төрле хәзинә бүләк итә. Ул хәзинәне күрә белергә , аларны файдалана белергә өйрәтә.





© 2010-2022