Интеллектуальная игра по казахскому языку Ең тапқыр кім?

Тақырыбы: «Ең тапқыр кім?»

Мақсаты: балалардың қазақ тілі мен қазақ әдебиеті пәндері бойынша білімдерін жинақтай отыра, тексеру, мемлекеттік тілге деген құрметтерін арттыру, жолдастық қарым-қатынасқа баулу.

Барысы:

ҚР мемлекеттік әнұраны орындау.

Жүргізуші: Ең бірінші бақытым - Халқым менің,
Ал екінші бақытым - Тілім менің,
Бақытым бар үшінші - Отан деген,
Үш бірдей бақытым бар алақанда,
(Мені мұндай бақытты жаратар ма?!)
Үш күн нұрын төгеді аспанымнан,
Атырау, Алтай, Арқа, Алатауға!!!- деп Мұқағали атамыз айтқандай, шынымен осы үш бақыт барда, біздерден асқан бақытты жан жоқ шығар деп, бүгінгі «Ең тапқыр кім?» атты ойынымызды бастаймыз.

Жүргізуші: ортамызға 2 топты шақырамыз. (музыка күй орындалады)

Топтар орындарына отырған соң, сайыстың шартымен таныстырылады.

Жүргізуші: - Балалар, бүгінгі біздің сайысымыз 7 кезеңнен тұрады:

1. Таныстыру - бұл кезеңде топтар өздерін таныстырып өтеді;

2. «Жорға» - әр топқа 10 сұрақтан беріледі, аз уақыт ішінде тез әрі дұрыс жауап беруге тиіс;

3. «Айтыс» - топ капитандары бір-біріне жұмбақтар жасырады.

4. «Мақал-мәтелдер» - топтарға мақалдардың 1 жолы беріледі, олар жалғастырып, оны орыс тіліне аударулары тиіс.

5. «Қазақшаңыз қалай?» - балаларға қатемен жазылған сөздер беріледі, олар сол қателерді табулары тиіс.

6. Үй тапсырмасы. (өз өнерлері ортаға салу)

7. Қорытынды. Әділ-қазыларға сөз.

Жүргізуші: - Құрметті қонақтар, достар! Сайысымызды бастамас бұрын әділ-қазылар алқасына сайлап алайық!

1 кезең «Таныстыру»

Балалар өз топтарынының аттарын теріп жинап, өз топтарының аттарын айтады, девиздерімен таныстырады және әр топ мүшесі өзін қысқаша таныстырып өтеді.

1-топтың аты - «Қарлығаштар»

2-топтың аты - «Қырандар»

Жүргізуші: - Құрметті топтар, сайысымызды бастайық! Бірінші кезеңде әр топқа 10 сұрақтан беріледі, жауабын кім біледі, қолдарын көтеріп айтады.

2 кезең «Жорға»

«Қарлығаштар» тобына сұрақтар:

1. Қазақ тілінде неше әріп бар? (42)

2. Зат есім дегеніміз не?

3. Халық ауыз әдебиетінің түрлерін ата. (ертегілер, эпостық, лиро-эпостық, айтыс, аңыз, тарихи жырлар, мақал-мәтілдер, жұмбақтар, жаңылпаштар)

4. Қазақтың ұлттық тағамдары неден жасалады? (ет, сүт, ұн)

5. Мемлекеттік рәміздерді ата. (әнұран, елтаңба, ту)

6. Қазақтың бас ақыны кім? (Абай)

7. Сан есім дегеніміз не? Түрлері қандай.

8. Қазақ тілінде неше септік бар? (7)

9. «Герб» сөзінің аудармасын айт. (елтаңба)

10. Қазақта неше жүз болғанын ата. (Ұлы, орта, кіші)

«Қырандар» тобына сұрақтар:

1. Қазақ тіліне тән дыбыстарды ата. (ә,ө,і,ү,ұ,ы,ң,ғ,қ)

2. Қазақтың ұлттық киімдерін ата.

3. Сын есім дегеніміз не?

4. Ертегілердің түрлерін ата.

5. «Гимн» сөзінің аудармасы.

6. Сұраулық шылауларды ата.

7. Буын дегеніміз не? Түрлері қандай.

8. Мақал-мәтелдердің тақырыптарын ата.

9. Ілік септігінің сұрақтары қандай?

10. Елордасы Атанамызда қандай ғимараттар бар?

3 кезең «Айтыс»

Жүргізуші: - Бұл кезеңде балалар, топ басшылары үйде дайындап әкелген жұмбақтарын бір-біріне жасырады. Жауаптарының дұрыс-бұрыстығын әділ-қазылар алқасы шешеді.

4 тур «Мақал-мәтелдер» - Бұл кезеңде топтар өздеріне берілген мақалдарды жалғастырып, оларды орыс тіліне аударулары тиіс.

5 тур «Қазақшаңыз қалай?»

Берілген сөздерден жіберілген қатені тауып, балалар, түзетулері тиіс.

6 тур «Үй тапсырмасы»

Үй тапсырмасына дайындаған өнерлерін ортаға салады, олардың бағасын әділ-қазылар алқасы береді.

Подведение итогов, награждение.

Исполнение песни «Жасыл жайлау» все участники.