Разработка мероприятия 8 марта

Тақырыбы: «Аналарым ардағым!»

Мақсаты: Ата-аналардың мектеппен тығыз байланысын арттыру,

оқушыларды білімге, мейірімділікке, ұстамдылыққа

тәрбиелеу, ұстазға, ата-анаға деген құрмет сезімін

арттыру.

Жүргізуші: Қайырлы күн, құрметті аналар, әжелер, ұстаздар!

Бүгінгі мереке 8 наурыз - Халықаралық әйелдер күніне

арналған «Аналарым ардағым!» атты кешімізді

ашық деп жариялаймыз.

Адамды дуниеге әкелетін, өмір сыйлайтын құдіретті ана емес пе?

Сол құдірет иесінің алдында бәріміз де бас июге тиіспіз.

Ақ сүтінен жаралған,

Ақ сүтінен нәр алған,

Анаға бас иеміз!

Туған елдің тілі деп,

Туған жердің үні деп,

Анаға бас иеміз!

Сіздерге балалық жүректен мың да бір алғыс.

Мерекелеріңіз құтты болсын!

5 Сынып «Анашым» әні.

Жүргізуші: Халықта батыр да өткен, бағлан да өткен,

Ел едік ата текті мақтан еткен.

Жеті атасын білген ер азамат деп,

Бабалар өсиет қып айтып кеткен.

Бұл пәниден жақсы да, жаман да өткен,

Жиын той болмап па еді бізде көптен.

Қол соғып ел-жұртым демеп отыр,

Сөз қозғайық аналарға ізгі ниетпен.

Дайындық тобы ұлдар биі.

Жүргізуші: Бүгінгі күн жер бетіндегі барлық аналардың қуаныш,

шаттық мерекесі.

Адамзат ең алдымен ана алдында қарыздар.

Ана қарызы алтынға бөлеуді, ақ орда салуды қаламайды,

ана баласының ер жетіп, адам болуын қалайды.

Анаға одан артық тартудың қажеті жоқ.

Адам бар ма ана сүтін татпаған,

Алуан-алуан ауыр сынды аттаған.

Адалдықты ар-намысты сақтаған,

Мен ананың сонысына мақтанам.

Қыздар тобы «Анашым» әні

Жүргізуші: Құшағына кіргенде,

Жылынамын бір демде

Не жетеді көзіңе

Мейірімді күннен де

Үн қатасың бал тілмен,

Еркелеймін әр күн мен.

Құттықтаймын анашым,

Сегізінші Наурызбен!

Өмірге ана - бұлақ, ана - пана

Өмірді өркендетер ана ғана,

Өсірген талай шешен, талай көсем,

Талай ер, талай ақын, талай дана

Ана! Ол бізідің елде ардақты адам.

1 сынып биі

Жүргізуші: Ана! Бұл сөз әрбір халықтың тілінде бар.

Барлық тілде де бұл қасиетті сөз нәзік,

мейірімді жылы естіледі.

Аналар шаңырақтың сәулеті ғой,

Ана деген баршаның дәулеті ғой!

Адамды адам еткен ақ сүтін беріп,

Жаңа өмірге сәбиін жетелеген.

4 сынып «Детство» әні

Жүргізуші: Әжелерді мейрамымен құттықтаймын,

Айтатын ән, беретін гүлім дайын.

Әжет- ай, сені жақсы көремін деп

Ақырын құлағына сыбырлаймын.

Аналарды сүйеміз,

Сөзін ойға түйеміз.

Әрқашан біз ардақтап

Әжеге бас иеміз!

Сенен өскен балалар

Бақыттылар, даналар,

Құттықтаймыз мейрамен

Құрметті әже, аналар!

2 сынып биі

Жүргізуші: Маған қымбат адам жоқ бір Анадан,

Бар жақсылық Аналардан жаралған.

Жер бетіне өмір нәрін себуші,

Аналарға борышты ғой бар адам.

«Ана» әні

Жүргізуші: Үкілі кәмшат, бүрмелі көйлек,

Тұрғандай өзі қимылсыз билеп.

Иықтан шашың төгіліп жерге,

Күмісті шашбау жарасып белге, - дегендей

Келесі кезек бишілерде.

3 сынып биі

Жүргізуші: Менің әжем сымбатты,

Әжем маған қымбатты.

Құрт пен майын жинайды,

Біздерге оны сыйлайды.

Ана сүтінен барлық адам нәр алған

Ол азығың өзіңмен бірге жаралған,

Туа салып тұңғыш татқан дәмің ол

Куш-құат боп ән бойына таралған.

Құтты болсын, ардақты анам,

Асыл анам, мерекең,

Құтты болсын теңдік алған,

Қуанышты мерекең.

Ән « Жан гүлім»

Жүргізуші: Елбасы Н.Ә. Назарбаев былай деген екен:

«Шығыс халықтарының арасында,

жалпы мұсылман әлемінде

әйел затын ерекше бағалайтын, қарындасты қатты

қадірлейтін халықтың бірі де, бірегейі де біздің қазақ»

Шығыс биі

Жүргізуші: Құрметтейік, о адамдар, аналарды,

Бізді өмірге әкелген даналарды.

Себебі ана деген асыл жан ғой,

Ойлауменен істелік әр қадамды.

Ән «Әже туралы жыр»

Жүргізуші: Бойыңа бар сұлулық жиналғандай,

Мүсінің ақ мәрмәрден құйылғандай.

Жарқ етіп шыға келген ел алдында,

Биші қыздар ғажап еді биің қандай!

8 сынып биі

Жүргізуші: Мереке келді, шаттықтың ғана тарт күйін,

Ән айтқың келсе, куаныш әнін айт бүгін.

Жасарып дүние ұмытып кетті қарттығын,

Көктеммен келген 8- наурыз бүгін!

Мен ананы шуағы толы күн деймін,

Анадан зор құдіретті білмеймін.

Анам аман-сау жанымда жүрсе егер,

Бақытым да әр кез бірге жүр деймін.

Аналар мерекесінде барлық аналарға құрмет көрсетіп,

тағзым ете отырып, кешімізді

«Ана туралы жыр» әнімен аяқтаймыз орындайды

Мейрам.

Талдауы.

Қараағаш жалпы орта білім беру мектебі бойынша «Аналарым ардағым!»

Мақсаты: Ата-аналардың мектеппен тығыз байланысын арттыру,

оқушыларды білімге, мейірімділікке, ұстамдылыққа

тәрбиелеу, ұстазға, ата-анаға деген құрмет сезімін

арттыру.