Сыныптан тыс шараның жоспары: Мәңгілік елдің мәңгі өлмейтін бейнелеу өнері. Қазақтың жеті кереметі

Сыныптан тыс шара жоспары

Жұмабекова М.Т. -жоғары санатты технология пәнінің оқытушысы,

Ж.Досмұхамедов атындағы педагогикалық колледжі

Шара:

Сыныптан тыс шара

Курсы:

4

Шараның тақырыбы:

Қазақтың жеті кереметі

Шараның білімділік, тәрбиелік, дамытушылық мақсат-міндеттеріне жеткізетін құзыреттіліктер:

Ақпараттық: Еліміздің тарихындағы үздік бейнелеу өнерінің туындылары туралы ақпарат бере отырып білім қалыптастыру

Коммуникативтік: Баяндау,слайд тамшалау, фильм қарау арқылы рухани-танымдық, елжандылық, кәсіби тәрбие қалыптастыру.

Проблеманы шешу: Күнделікті өмірде елінің мұраларын қадірлей білуге дағдыландыру.

Шараның түрі:

танымдық

Шарада қолданылған әдістер :

Түсіндірмелі-иллюстративті, көрнекілік, сұрақ- жауап, ББҮ стратегиясы , ойын

ТСО:

Компьютер,ЕPSON проекторы

Оқыту құралдары:

Power Point бағдарламасы, Media Player Classic

Шараға қолданылған материалдар көзі:

Уикипедия- ашық энциклопедия, «Балалық шағымның аспаны» фильмі, режисері Рүстем Абдрәш

Шараның барысы:

Оқытушының қызметі

Студенттің қызметі

Күтілетін нәтиже

І. Ұйымдастыру бөлімі

Амандасу, түгендеу, жұмыс орындарын тексеру

Оқушылардың тақырып аясындағы білімдерін анықтау мақсатында ББҮ стратегиясын жүргізеді. Стратегияның білемін, білгім келеді деген бөлімдері ғана қамтылады.

Амандасу, жұмыс орындарын ұйымдастыру

БҮҮ стратегиясын толтырады. Қазақтың жеті кереметі туралы не білетіндері, нені білгісі келтіндерін айтады, тақтаға жазады.

ББҮ стратегиясын

Білемін

Білгім келеді

Үйре

енім

Студенттер материалды қабылдауға дайын болады

Жоспары:

ІІ. Қазақтың жеті кереметі

1-керемет: тастағы таңбалар

І. Кіріспе сөз

ІІ. Қазақтың жеті кереметі

(студенттер баяндамасы)

1-керемет - Тастағы таңбалар

2-керемет - Алтын адам

3-керемет - Киіз үй

4-керемет - Домбыра

5-керемет -Қожа Ахмет Иассауи кесенесі

6-керемет - Маңғыстау жерасты мешіті

7-керемет - Астана-Бәйтерек

ІІІ. Ойын «БӘРІН БІЛГІМ КЕЛЕДІ»

ІҮ.Қорытынды

• Академик Әлікей Марғұлан

Нұрғиса баяндайды:

Тарихшылар бейнелеу өнерінің бұл түрі арқылы еліміздің алғашқы дәуір кезеңіндегі мәдениеті мен өркениетін, таным түсінігін, дүниетанымын зерттеп, қорытындылар шығарды.

Қазақстан - петроглифтердің саны жөнінен әлемдегі ең бай жерлердің бірі. Белгілі петроглифтердің бірі Тамғалы болып саналады. Тамғалы шатқалы Алматы облысының Шу-Іле тауларының оңтүстік-шығыс бөлігінде орналасқан. Петроглифтер мерзімі - қола дәуірден түркі халқының Ұлы даланы жаулап алғанға дейінгі уақытты қамтиды, жалпы Тамғалыда 5 000-дай тасқа қашалған сурет бар.

Сонымен қатар Тамғалыдан басқа елімізде,

Беғазы-Дәндібай, «Теректі әулие» , Арпа өзені , Қапшағай, Қаратау, Қойбағар, Баянжүрек таңбалы тастарын және Ақбауыр үңгірінен табылған қырма бейнелерді айтуға болады

Академиктің көлемді ғылыми монографиялық еңбегі «Беғазы-Дәндібай мәдениетінің ескерткіштері»

• Өнердің ең көне ескерткіштері - жартасқа салынған суреттер мен тасқа қашалған сызба-нобайлар.

Ғалым: «Жартастағы суреттер қазақ халқына тән құбылыс емес, бүкіл әлеми құбылыс» екенін айта келе, петроглифтер Қазақстанның күллі мекендерінде жиі ұшыраса беретініне мән береді. Олардың баршасында дерлік жануарлардың бейнесі жиі бедерленген.

Шараның барысымен танысады.

Қазақтың жеті кереметінің біріншісі - тастағы таңбалар туралы баяндаманаы тыңдайды, слайдтан тамашалайды, түсінік қалыптасады, тарихи мәліметтер

алады.

2-керемет: Алтын Адам

3-керемет: киіз үй

4-керемет: домбыра

5-керемет: Қожа Ахмет Иассауи кесенесі

6-керемет: Маңғытау жерасты мешіті

7-кереметі

Бейбітшілік ұялаған Бәйтерек

Рүстем Абдрәштың «Балалық шағымның аспаны» фильмінен үзінді көрсетеді. Бұл үзіндіде кішкентай Нұрсұлтанның әжесінің алып бәйтеректің басына ұя салған самұрық құс туралы айтқан ертегісі тыңдалады. Бұл фильмде кішкентай Нұрсұлтан тау тастарынан өзінің қиялынан туған болашақ Астананың жобасын жасап, ортасына әжесі айтқан самұрық құстың алып жұмыртқасы бар бәйтеректі орналастырады. Осы сәт арқылы, «Бәйтерек» туралы үлкен жоба бала қиялында қалған әжесі айтқан ертегінің әсерінен туындағанын айтылады.

Жұлдыз баяндайды:

«Алтын адам» сәндік қолданбалы өнердің бір саласы - зергерлік өнердің ең үздік, ең көне үлгісі.

Алтын адам 1960 жылдардың аяқ кезінде Есік қаласына жақын жердегі обадан табылды. Ол мұнан 2500 жылдай бұрын жерленген жас жігіттің мүрдесі екен. Марқұмға кигізілген бас киімнің, етігінің қонышының сыртына алтыннан жасалған түрлі ұсақ аттың, барыстың, таутекенің, құстардың бейнелері жапсырылған. Олардың саны төрт мыңдай. Есік қорғанынан табылған олжа бүгінде әлемге әйгілі. Алматыдағы Тәуелсіздік монументіне де негіз болып отыр.

Думанбек баяндайды:

Киіз үй - көптеген ғасырлар бойы Еуразияның ұшы-қиырсыз жазирасын басқарған ежелгі халықтың көшпенді тұрмысы мен өмір салтына мейлінше қолайлы болған баспана түрі. Соңғы қола дәуірінің өзінде-ақ (б.з.д. ІІ мыңжылдық тың соңы - І мыңжылдықтың басы) Еуразия даласында доңғалақ үстіндегі алғашқы жылжымалы тұрғын жайлар пайда бола бастады.Орта ғасырларда платформаларға орнатылған, ондаған жетек малы сүйреткен орасан зор жиналмайтын киіз үй-ордалар кезіп жүрген. Арба үстіндегі тұрғын жай (күйме) - киіз үйлердің осындай салтанатты түрлері Қазақстанда ХҮІІ ғасырға дейін қолданыста болды.

Еламан баяндайды:

Қазақтың майталман күйші - композиторлары: Құрманғазы мен Динаға, Дәулеткерей мен Тәттімбетке серік болған домбыра, Біржан Сал, Ақан Сері, Жаяу Мұса, Мұхит, Мәди, Кенен Әзірбаев, Әміре Қашаубаев, Ғарифолла Құрманғалиевтердің үніне демеу болған домбыра . Домбыра - халық даналығы. Домбыра - көшпелі елдің көнекөз шежіресі, көпті көрген қарияның көкірек күйі. Тарихтың хатқа түспеген талай беттерін паш етіп, халқымыздың тарихнамасына айналады. Ол халқымыздың рухани бай мұрасын, өмір тәжірибесі мен табиғат, адам, әлем туралы білімдерін, философиялық көзқарасын бейнелеп, оларды атадан-балаға, ұрпақтан-ұрпаққа жалғастырып отырды.

Әділбет баяндайды

Орта Азия мен Қазақстандағы біздің заманымызға дейін сақталған ең зәулім күмбезді, қыштан соғылған орта ғасырлық сәулет өнерінің көрнекті ескерткіші. XII ғасырда өмір сүрген бүкіл Шығысқа аты әйгілі көне түркі ақыны, софизмді уағыздаушы Ахмет Яссауидің бейітінің басына орнатылған.

Оның көлденең өлшемі- 46,5 м, ұзындығы - 62,5 м. Мавзолей мейлінше тамаша қол өнер шығармаларының үлкен бір қоймасы іспеттес.

Құрылыс 35 залдан, 8 дәлізден, әр түрлі өтпелі баспалдақтардан, кітапхана, құдықхана, асхана және өзге бөлмелерден тұрады. Жылда 100-150 мыңнан астам адам келіп тамашалайтын Орта Азия мен Қазақстандағы туризм орталықтарының біріне айналды

Әділет баяндайды:

Бекет Ата жерасты мешіті - Оғыланды шоқысына қашалған тарихи-сәулет ескерткіші.

Көлемі үш - төрт қанат киіз үйдің көлеміндей үш бөлмеден тұрады. Бөлменің ішінде жарық кіретін шаңыраққа ұқсайтын саңылау бар. Дерекке сүйенсек, Бекет ата 1750 жылы туылып, емші, көріпкел ғана емес, физика, математика, астрономия заңдылықтарын жақсы білген ғұлама, батыр ретінде аты танылған Пайғамбар жасында дүние салады. Бекет атаның мүрдесі осы жерасты мешітіндегі бөлмелердің бірінің іргесіне қашап орналастырылған. Бұл күнде мешіт басы күні-түні әулие басына зиярат етушілерден бір арылмайды.

Студенттер фильмнен үзіндіні тамашалайды.

Аян баяндайды:

Бәйтеректің негізгі идеясы Елбасының эскиз-нобайы негізінде өмірге келді. Бұл нысан әлемдік сәулет өнерінің жоғары талаптарына толығымен жауап береді. «Бәйтеректің» биіктігі - 97 метр. «Бәйтерек» монументінің негізгі бөлшегі шардың диаметрі 22 метр, әлемдегі ең үлкен шардың ең биіке көтерілуі бойынша рекордқа ие болды . «Бәйтерек» нысаны үш бөліктен тұрады; жер асты бөлігі - ұлттың тамыр жаюы, ал одан кейінгілері - өркендеу кезеңдерінің нышандарын білдіреді. Ең жоғарғы жағында «Аялы алақан» композициясы орын тепкен. Осынау ғаламат шардың панорамалық залынан Астананың кешегі және бүгінгі сәулеті - «ескі» және «жаңа» көрінісін тамашалауға болады. «Бәйтерек» кешенінде келушілердің демалып, асықпай отырып төңірегін көруге мүмкіндік беретін дәмханасы да бар. «Бәйтерек» - қазіргі Қазақстанның нышан-символы. Ол елорданың халық көп баратын жерінің бірі..

Қазақтың жеті екінші кереметі - алтын адам туралы баяндаманы тыңдайды, слайдтан тамашалайды, түсінік қалыптасады, тарихи қызықты мәліметтер

алады.

Қазақтың жеті үшінші кереметі - киіз үй туралы баяндаманы тыңдайды, слайд және бейнебаян тамашалайды, түсінік қалыптасады, тарихи қызықты мәліметтер

алады.

Қазақтың жеті төртінші кереметі - домбыра туралы баяндаманы және домбырамен айтылған ән тамашалайды, түсінік қалыптасады, тарихи қызықты мәліметтер

алады.

Қазақтың жеті бесінші кереметі - Қожа Ахмет Иассауи кесенесі туралы баяндаманы тыңдайды, слайдтан тамашалайды, түсінік қалыптасады, тарихи қызықты мәліметтер

алады.

Қазақтың жеті алтыншы кереметі - Маңғытау жерасты мешіті туралы баяндаманы тыңдайды, слайдтан тамашалайды, түсінік қалыптасады, тарихи қызықты мәліметтер

алады.

Қазақтың жеті жетінші кереметі - бәйтерек туралы фильмнен үзінді тамашалау арқылы ұлттық тәрбиенің құндылығына құмет қалыптасады.

Баяндаманы тыңдау, слайдты тамашалау арқылы түсінік қалыптасады, тарихи қызықты мәліметтер

алады.

ІІІ. Ойын «БӘРІН БІЛГІМ КЕЛЕДІ»

1-сұрақ: мынау ненің суреті?

Дұрыс жауабы: бәйтерек

2-сұрақ:Қырма бейнеде ненің суреті бейнеленген?

Дұрыс жауабы: күн басты құдай

3-сұрақ«Байтерек» монументін жобалаған сәулетші кім?

Дұрыс жауабы: Н:Фостер

А) ою-өрнек ә)Компас б)Бәйтерек

а) Емші ә) Күн басты құдай б) Жауынгер

а) Норман Фостер ә) А.Рүстембеков

б) Н.Ә.Назарбаев

Ойын арқылы студенттердің білімі пысықталады.

ҮІ. Қорытынды

Оқушылардың тақырып аясындағы алған білімдерін анықтау мақсатында ББҮ стратегиясын жүргізеді. Стратегияның не үйрендім немес не білдім деген сұрақ қана

қамтылады.

БҮҮ стратегиясын толтырады. Қазақтың жеті кереметітуралы не білгендерін ортаға салып өз әсерлерін айтады, тақтаға жазады.

ББҮ стратегиясын

Білемін

Білгім келеді

Үйренгенім

ББҮ стратегиясы арқылы шара қорытындыланады.

Фотодерек

Сыныптан тыс шараға қатысқан студенттер

«Мәңгілік елдің мәңгі өлмейтін бейнелеу өнері.

Қазақтың жеті кереметі» сыныптан тыс тәрбиелік шарасы скриншоты

»»»

«Бәрім білгім келеді»ойынының сриншоты