Пікірталас Өз құқығыңды қорғай білесің бе?

Сабақтың жоспары:

Күні: 6.02.2012 жыл

Сынып: 7 Б

Сабақ: Сынып сағаты

Мұғалім: Үсенова Тілеутай Оразбекқызы

Практикант: Торғаева Арайлым Тілеуғабылқызы

Сабақтың тақырыбы: «Өз құқығыңды қорғай білесің бе?»

Сабақтың мақсаты: Оқушылардың адам құқығы, оның ішінде бала құқығы жөнінде түсінігін кеңейту; әр бір адам өз құқығын біліп, өзгенің құқығын бұзбауға үйрету; баланың бойында еліне, халқына деген патриоттық сезімдерін ояту, елін сүйетін ұрпақ етіп тәрбиелеу.

Көрнекіліктер: плакаттар, мақал-мәтелдер.

Пән аралық байланыс: тарих, әдебиет, қоғам.

Сабақтың әдісі: пікір-талас.

Сабақтың типі: аралас

Сабақ жоспары:

1. Ұйымдастыру бөлімі (3 мин.)

2. Жаңа сабақты түсіндіру (20 мин.)

3. Бекіту бөлімі (20 мин.)

4. Жұмыс орнын жинау (2 мин.)

1. Ұйымдастыру кезеңі

Үзіліске дейін: 1. Тазалыққа көңіл бөлу;

2. Кезекші тағайындау;

3. Тақтаға тақырыпты жазу;

4. Көрнекіліктерді орналастыру;

5. Оқушылардың сабаққа дайындығын тексеру;

Үзілістен кейін: 1. Оқушылармен амандасу;

2. Жоқ оқушыларды белгілеу;

3. Жаңа сабақтың тақырыбы мен мақсатын таныстыру;

ІІ. Жаңа сабақты түсіндіру.

(Әнұран орындалады)

(Әнұран орындалып біткеннен соң, 2 топтың кез келген 2 оқушысына-1-парақтан А3 форматынан беремін, ол оқушылармақал-мәтелдерге жауап береге дейін құқық туралы ойдан сурет салады да, өздерінің салған суреттерін қорғайды. )

• Сәләматсыңдар ма балалар? Бүгінгі сынып сабағымыздың тақырыбы «Өз құқығыңды қорғай білесің бе?»

• Әрбір баланың отбасында тұрып тәрбиеленуіне құқығы бар. Отбасылық тәрбие баланы тәрбиелеудің ең тәуір түрі, сондықтан да оған басымырақ маңыз беріледі. Баланың өз ата-анасының отбасында және өзге де туысқандарымен тұруына, олармен қарым-қатынас жасауға қақысы бар. Неке бұзылған кезде бала көбінесе анасының жанында қалып, сонымен бірге тұрады. Ата-анасының ажырасуы бұдан кейін бөлек тұра бастаған әкесі мен баласының арасындаға қатынастарды тоқтатуға әсер етпеуі тиіс. Бірақ сот практикасында баланың әкесімен кездесіп тұруына анасының рұқсат бермейтіндігінің, не әкесінің баласын және оны тәрбиелеуге міндетті екендігін ұмытып келетіндігінің сансыз мысалдарын кездестіруге болады. Заң ажырасқан ата-аналарға, екі жақ та баланы тең түрде тәрбиелеуді міндеттейді. Егер олардың біреуі өз міндетін орындамаса, сот оны орындауға мәжбүрлеуге құқылы. Мысалы, сот баланың әкесімен кездесу уақытын және орнын белгілейді немесе анасының талабы бойынша әкенің бала тәрбиесімен айналысуын міндеттейді.

• Баланың өз ата-анасының тәрбиесінде болуға, мүдделері мен жан-жақты дамуының қамтамасыз етілуіне, оның адамдық қадір-қасиетін құрметтеуіне қақысы бар. Бала өз мүддесіне қатысты кез келген отбасылық мәселелерді шешкенде өз ой-пікірін еркін білдіруге құқылы. Бала 10 жасқа толғған соң, оның пікірімен де санасады. Мысалы, тегі мен атын өзгерткенде, бала асырап алғанда немесе оныңқажеттілігі болмағанда ескеріледі.

• Баланың құқықтары жөніндегі Конвенция сәйкес әрбір баланың өзінің даралығын сақтауға қақысы бар. Конвенция - дегеніміз арнаулы мәселелер жөніндегі келісім шарт. Оны даралайтын белгілер аты, тегі, әкесінің аты. Балаға есім беру ата-анасының келісімімен жасалады. Ата-анасының бала мүддесіне қайшы келетін, оған айналасындағы адамдардың күлкісін келтіретін немесе қолайсыз жағдайларға қалдыратын есім пайдалануларына болмайды.

• Егер баланың әкесі анықталмаған жағдайға, оған есім - анасының айтуымен қойылады, баланың әкесі болып жазылған адамның аты оның әкесінің аты болады, ал тегі ата анасының тегі болады.

ІІІ. Бекіту бөлімі

(Оқушылардың өздерінің көзқарастарын, өз ойларын қорытындылайды)

ІV. Жұмыс орнын жинау

(кезекшіге жұмыс орнын жинауды, нұсқау карталарды жинауды, парталарды түзетіп, тақтаны сүртуді талап етемін).