Сөз таптарын қайталау 4 - сынып

Сабақтың тақырыбы: Сөз таптарын қайталау 4 - сынып

Сабақтың мақсаты :

Білімділік : Сөз таптарынан алған білімдерін нығайту, есте сақтау қабілетін қалыптастыру, шапшаңдыққа үйрету.

Дамытушылық: Сабаққа қызығушылығын ойын арқылы, сөздік қорларын дамыту. Сауатты, көркем, таза жазуға қалыптастыру.

Тәрбиелік: Оқушыларды еңбексүйгіштікке, әдептілікке,достыққа, имандылыққа. Ана тілін құрметтеуге, тіл тазалығын сақтауға, мәдениетті сөйлеуге тәрбиелеу.

Сабақтың түрі: Қайталау

Сабақтың әдіс-тәсілдері: Сұрақ - жауап, түсіндіру, жаттығу.

Сабақтың көрнекілігі: Тақырыптық кесте, үлестірмелі қағаздар, интерактивті тақта

Сабақтың барысы:

Ұйымдастыру кезең

Үй тапсырмасын сұрау

Психологиялық кезең

Қайырлы күн достым,

Қайырлы күн болсын.

Сәрсенбінің күні,

Сәттілікке толсын.

Біздің алар бағамыз,

Кілең бестік болсын.

Жаңа сабақ: Сөз таптарын қайталау

Зат есім заттың атын білдіреді. Зат есімнің сұрақтары кім? не?кімдер? нелер? Жалқы есім, жалпы есім. Дара және күрделі, негізгі, туынды болып бөлінеді.

Етістік заттың іс-әрекетін, қимылын білдіреді. Етістіктің сұрақтары не істеді? не қылды? қайтті? деген сұрақтарға жауап береді. Етістік болымды және болымсыз, дара,күрделі, негізгі және туынды.

Сын есім заттың сынын, көлемін, дәмін, сапасын білдіреді. Сын есімнің сұрақтары қандай? қай? деген сұрақтарға жауап береді. Сын есім негізгі және туынды, дара, күрделі болып бөлінеді.

Сан есім заттың санын білдіреді. Сан есімнің сұрақтары қанша? неше? нешінші? деген сұрақтарға жауап береді. Сан есім есептік және реттік, дара, күрделі болып бөлінеді.

1- жаттығу Сурет арқылы сөз таптарын жазу.

Зат есім: Асқар, гүл, машина, ойыншық.

Етістік: жүгірді, секірді, күлді, ойнады.

Сын есім: қызыл, ащы, биік, сары ала.

Сан есім: он, жиырма бес, отыз, алпыс алты.

3- жаттығу Зат есімге қимылды білдіретін сөздер тауып жаз.

Бала жүреді, секіреді, күледі, сөйлейді. Құс ұшады, қонады, шиқылдайды, жұмыртқалайды. Қар ериді, жауады, борайды, жапалақтайды. Ағаш өседі, отырғызады, құлайды,көктейді.

4- жаттығу Сын есімдерді байланысып тұрған зат есіммен бірге теріп жаз.

Сақау бәтеңке

Бөтен үйдің босағасына жеткен су жаңа бәтеңке жан-жағына тосырқай қарады. Ұсқынсыз аяқкиімдер табалдырықтан төр үйге қарай шашылып жатыр. Табаны сөгіліп, тістері ырсиып кеткен салпы ауыз етік, құныс бәтеңке, мыжырайған пима. Ескі - құсқы аяқкиім-дерді бұрын көрмеген жаңа бәтеңке таңғалды...

Тапсырма : "Кім жылдам?" сан есімі бар мақал-мәтел жазу.

Тапсырма : Үлестірмелі қағаз тарату

Өздік жұмыс

Сұраққа жауап жаз.

1. Отбасыңда қанша адам бар ?

2. Сен неше жастасың ?

3. Сенің туған күнің қашан ?

4. Сен нешінші сыныпта оқисың ?

5. Сен нешінші үйде тұрасың ?

6. Сенің үйің неше қабаттан тұрады ?

7. Сен нешінші қабатта тұрасың ?

Қорытынды :

Не білдім ?

Не білем?

Не білгім келеді?

Үй тапсырмасы : 2- жаттығу

Бағалау