Өнеге сағаты Қош бол сүйікті, Әліппем! 1 А сынып

Өнеге сағаты. 1 «А» сыныпТақырыбы: Қош бол, сүйікті Әліппем!Мақсаты: Оқушылардың білімдерін бекіту, олардың алған білім, білік дағдыларын көрсетіліп дамыту, сөздік қорын молайту, ұқыптылыққа, жинақылыққа тәрбиелеу.Көрнекілігі: Плокат «Әліппе», «Оқусыз – білім жоқ, білімсіз күнің жоқ», «Оқу білім бұлағы, білім - өмір шырағы», « Мектеп кеші, білім – теңіз, барар жерге тез жетеміз. Адаспаймыз ұлы жолда, ұстаз берген білім қолда.»
Раздел Классному руководителю
Класс 1 класс
Тип Другие методич. материалы
Автор
Дата
Формат doc
Изображения Есть
For-Teacher.ru - все для учителя
Поделитесь с коллегами:

Атырау облысы

Құрманғазы ауданы

Шортанбай орта мектебі




Өнеге сағаты Қош бол сүйікті , Әліппем! 1 А сынып



Тақырыбы: Қош бол, сүйікті Әліппем!

Ұйымдастырған: бастауыш сыныбының мұғалімі

Қарасаева Румия Тулешовна

Сыныбы: 1 «А»







Өнеге сағаты. 1 «А» сынып

Тақырыбы: Қош бол, сүйікті Әліппем!

Мақсаты: Оқушылардың білімдерін бекіту, олардың алған білім, білік дағдыларын көрсетіліп дамыту, сөздік қорын молайту, ұқыптылыққа, жинақылыққа тәрбиелеу.

Көрнекілігі: Плокат «Әліппе», «Оқусыз - білім жоқ, білімсіз күнің жоқ», «Оқу білім бұлағы, білім - өмір шырағы», « Мектеп кеші, білім - теңіз, барар жерге тез жетеміз. Адаспаймыз ұлы жолда, ұстаз берген білім қолда.»

Мұғалім: Құрметті ұстаздар, ата - аналар, оқушылар. Кеше ғана жаңа мектептің табалдырығын имене аттаған жас бүлдіршіндер бүгін саналы оқушы болып, білім бастауы әліппені аяқтап отыр. Мұғаліммен бірге, оқушымен қоса оқыған ата - аналар еңбегіміздің жемісін көрейік.

1 оқушы: Илияс

Қайырлы күн, уа, халайық!

2 оқушы:Мансур

Армысыздар, мұғалімдер әз жандар,

Білім іздеп инемен құдық қазғандар.

Құшақ жая қарсы алайық сіздерді,

Би билеп, ән де бүгін шырқалар.

3 оқушы: Жансая

Қош келіпсіздер, ақ жаулықты аналар,

Жүздеріңнен мейірім мен нұр толар.

Алдарыңда жауқазындай құлпырған,

Біз алаңсыз балғын шақты балалар!

4 оқушы: Наргиз

Шашу, шашу шашайық,

Ақ сандықты ашайық.

Бұл мереке, бұл тойдың,

Бастаңғысын жасайық.

Сандық ашып, шашу шашылады.

Мұғалім: Өсті міне бойларың,

Өсті ақыл - ойларың.

Қуанышқа ортақпын,

Құтты болсын тойларың!

Балалар ,мен сендерге сұрақ қоюдан бастайын, сендер оған жауап 2 айтыңдаршы.

Іші толған әріпке,

Білімдегі жарық не?

Хормен: Болашаққа жол ашар-

Ол сүйікті - әліппе,

Ол сүйікті - әліппе!

Мұғалім: Олай болса, бәрімізге ең қымбат әліппені ортаға шақырайық.

Оқушылар: Әліппе! Әліппе! Әліппе!

Әліппе: Армысыздар, жас достар!

Армысыздар, ата - ана!

Болашаққа жол бастар,

Әліппең келді ортаңа

Құттықтаймын, саусыңдар ма?

Бүлдіршіндер, балғындар,

Менің атым - Әліппе,

Мені анаңдай дәріпте,

Мені оқып ер жеткен,

Ағаң, сенің әпкең де.

1 оқушы:Әлихан: Әліппе - білім анасы,

Әліппе - кітап данасы,

Әліппе бетін аштаған,

Адамның бар ма баласы?!

2 оқушы:Аружан.

Ең алғаш алғанымда Әліппені

Қызығып қарай бердім әріптерді

Мен үшін жұмбақ болып қалар ма еді,

Ұстазым оның кілтін алып берді.

3 оқушы:Илияс

Әліппе деген алтын жол

Апарар сені алысқа

Жеңіл емес, ауыр жол

Тыршысып бақ намысқа.

4 оқушы:Дильнара

Әліппем, менің Әліппем,

Сені қолға алып мен,

Есігін аштым мектептің,

Ертеңгі сәуле жарықпен 3

5 - оқушы: Ақерке

Қош бол, құтты Әліппем!

Көп нәрсені үйреттің

Таныстырып әріппен,

Тақылдатып сөйлеттің.

Көрініс: «Бір уыс мақта»

6 - оқушы: Әділет

Енді біз жаза білеміз,

Әріпті қосып әріпке.

Риза боп саған жүреміз,

Сүйікті біздің, Әліппе!

7- оқушы: Орынбасар

Әліппем, менің Әліппем!

Өмірді көріп танып мен

Қайталап айтам мың рет,

Өзіңе көп - көп рахмет,

8- оқушы: Азат

Іші толған Әліппе!

Мынау - Әйбат Әліппе!

Барлық ілім - білімнің

Әжесі - осы Әліппе!

9- оқушы: Расул

«А» деген ол - аналар ғой ардақты,

«Ә» деген ол - әкелер ғой салмақты,

«Б» деген ол - балалар ғой әдемі,

Біздің елде үшеуі де кәделі.

10 - оқушы: Аллана

Келгенде алғаш мектепке,

Білмеуші едік әріпте,

Оқимыз қазір ертекті

Үйреткен оны Әліппе

Ән : Әліппе

11 - оқушы:Аян

Әліппемен қош айтысып қаламыз,

Енді қолға басқа кітап аламыз.

Ата - ана қуанышқа ортақ бол. 4

Сауатты боп шықты,міне,балаңыз.

12 - оқушы: Айсұлтан.

Ашылды енді алдымнан,

Кең дүние есігі,

Соғылған сомдап алтыннан

Әліппе - білім бесігі.

13- оқушы: Нұрсәуле

Жақсы кітап - «Әліппе»,

Үйретеді әріпке.

Ойыншықпен қоштастым,

«Әліппемен» достастым.

«А» - дан бастап әріпті,

Түгел маған танытты.

14- оқушы. Мансур

Таныстырған 42 әріппен,

Қош бол, менің қасиетті Әліппем!

Сенің арқаң оқи, жаза білгенім

Сауатты адам қатарына кірген

Көрініс «Бес алдым»

  • Кәкен, - деді папасы, -

Сабағыңнан не алдың

Күнделікті көрсетіп

- Міне, - деді «бес» алдым

- Мынау тұрған 3 делік,

Ал мынауың екілік

«Бес» алдым сен неге

Неге айтасың өтірік

- Ой, папатай есепті

Білмеуіңді қарашы:

3 - ке қоссаң 2-ні

5 болмай ма, санашы

Би: Қыздар тобы.

Ал, енді балалар Математика пәнінен үйренген білімімізді сынайық .

«Аққала» ойыны

Жұмбақ: (логикалық есеп)

Төрт қаз ұшып барады,

Биіктен төмен қарады,

Аяқ нешеу, бас нешеу? 5

Жауабын кім табады? (8 аяқ, 4 бас)

2. Бұл санға да ол үлгі

Қар адамы кәдімгі,

Қыс түссе болды аулада,

Келтіріп тұрар сәніңді

Бір ғана соған тапсырма

Үшінші басты жапсырма

Бұл қандай сан? (8 саны)

3. Шығармақ боп кеме есеп,

Жиналғанды он есек

Үшеуі ұйықтап отырды.

Ынталысы неше есек.

4. Бесбайдың бар бес інісі,

Естайда бар екі іні

Қоссақ осыны

Қанша болар шешуі.

5. Бір - бірімен жарысқан,

Төрт аю, екі арыстан,

Екі қоян, бір түлкі

Бәрі нешеу кім білді.

Ал енді балалар қазір қай мезгіл? Қыс мезгілінде қандай мереке келе келе жатыр. «Жаңа жыл» мейрамы

Ойын: «Шыршаны безендірейік» Сандар құрамын қайтала.

Ал енді балалар: «Кім шапшаң» ойынын ойнайық. 3 шарда сөздер жазылған.

Ал енді буындардан сөз құраймыз. Ал, желпейік,желпейік,

Желпіп алып ойлайық,

Ойлап-ойлап алайық,

Тұтас бір сөз құрайық.

Әліппе: Қазақ халқы ежелден тазалыққа, кішіпейілділікке, шабыттылыққа, инабаттылыққа тәрбиелеген.

Ендеше, біздің балалар қандай ырым - тыйым сөздер біледі екен?

1 оқушы Дильнара: Ақты баспа!

2 оқушы Аружан: Керегені керме!

3 оқушы Әділет: Жағыңды тоянба!

4 оқушы Аян: Босағаға тұрма!

5 оқушы Аллана: Кісіге қарай керілме!

Би:Ұлдар тобы. 6

Мұғалім: Сыйлап үлкен ағаны,

Сәлем берген баланы

Кім дейміз?

Хормен: Әдепті екен бұл дейміз!

Ребус шешу: Қардың суреті + мақ сөзі Қармақ

Қардың суреті+лығаш сөзі Қарлығаш

Әліппе: Ал, достар, бүгін сендер енді менің жолымды әрі қарай жалғастыратын ана тілі пәнімен танысасыңдар.

Ана тілі: Туған елдің тілімін,

Ақылымен танылам.

Түсіндірер бәріне,

Ана тілі пәнімен

Ана тілім - елдігім,

Ана тілім - ерлігім

Ана тілім болмаса,

Бүтінделмес кемдігім.

Әліппе: Қазақ тілім асқарым,

Ана тілім ниетім

Сол екеуі достарым,

Достық болсын сүйетін.

Ал, мен енді сендермен қоштасамын. Қош болыңдар, балалар. Сабақты жақсы оқыңдар:

Оқушылар хормен:

Әліппемен қош айтысып қаламыз,

Енді қолға Ана тілін аламыз.

Ана - ана қуанышқа ортақ бол,

Сауатты боп шықты міне балаңыз!

Наргиз: Бүгінгі кеш әр үйдің «Той басы» деп саналар,

Балалардың есімі әуелеттерге таралар.

Нұрсәуле: Ырым етіп сондықтан ертеңгілік соңына,

Ақ тілекпен баршаға тілек айтар қонақтар

Қорытындылау: Ертеңгілігімізді аяқтай келе:

Балалардың білімі құтты болсын!

Денсаулығы әрқашан мықты болсын!

Білімдерін әрі қарай дамытатын,

Ерінбейтін еңбекқор, мықты болсын! дегім келеді

Мектеп басшылығы, ата-аналардың құттықтау сөзімен аяқталады.


© 2010-2022