Зиянды заттардан аулақ болайық!

Тәрбие сағатының тақырыбы: «Зиянды заттардан аулақ болайық!»

Мақсаты: оқушыларды салауатты өмір салтына, толеранттылыққ тәрбиелеу,

Еліміздің болашағы яғни жас ұрпақты ішімдік, темекі, есірткі сияқты қоғамның кері әсер ететін құбылыстарынан нақты мәліметтер бере отырып, олардан бойын аулақтату.

Көрнекілігі: темекі, ішімдік, есірткінің зияны туралы жазылған кітаптар, слайдтар

Әдісі: сұрақ-жауап, жағдаяттар шешу, постер қорғау

Сабақтың барысы:

І. Ұйымдастыру бөлімі. Оқушылармен амандасу, түгелдеу.

ІІ. Тренинг.

«Өзіңе ұнамды және ұнамсыз қасиеттерің» Тренингтің шарты бойынша оқушылар шеңбер жасап тұрады, қолын шапалақтап өзінің бір ұнамды қасиетін айтады, кейін бір ұнамсыз қасиетін айтады.( Мысалы: Арай- ашық мінездімін, бірақ жалқаумын. т.с.с)

ІІІ. Суреттер арқылы оқушыларды үш топқа бөлу. Суреттердің ішінде тәтті тағамдар, гүлдің суреттері, жан-жануардың суреті және зиянды заттардың суреттері.

Оқушылар суреттерді таңдау барысында зиянды заттардан алшақтап, оны таңдамауға тырысады.

ІҮ. Әңгімелесу айдары

-Балалар, неліктен зиянды заттардың суреттерін таңдамадық?

-Себебі, ол денсаулыққа зиянды заттар.

-Адам өміріне зиян келтіретін тағы қандай зиянды заттарды білесіңдер?

-Есірткі, ішімдік. т.б.

-Жарайсыңдар, балалар, ендеше бүгінгі біздің тәрбие сағатымыз осы тақырып аясында болмақ. Тәрбие сағатымыздың тақырыбы «Зиянды заттардан аулақ болайық»

Ү. Топтық жұмыс.

Үш топ берілген тақырыптар бойынша постер қорғайды. Өз ойларын айтады.

І топ- Ішімдіктің зияны

ІІ топ- Шылым шегудің зияны

ІІІ топ - Есірткінің зияны

(Дайындалу уақыты: 7 минут, қорғау уақыты: 3минут)

Ү. Жаңа ақпарат

«Темекі тартқаның, өзіңді құртқаның»

Халық даналығы

Темекі және оның адам денсаулығына тигізер әсері.

Никотин

Стирол

Мышяк

Смола

Радиоактивті поллоний

Синиль қышқылы

Құрамы

Бетке әжім ерте түседі

Тыныс алу органдары ауруы

Сезім мүшелері бұзылады

Ас қорыту органдары бұзылады

Жүрек аурулары

Жүйке аурулары

Рак

Зақымданады

Темекі- денсаулыққа зиянды

Қауіпсіз темекі болмайды

Темекі-удай шығын

Дәйектемелер

(Интербелсенді тақтадан темекінің зияны туралы бейнебаян, көрсетіледі)

«Маскүнемдік-өз еркіңмен ақылдан алжасу деген сөз»

Сенека

Ішімдік және оның зиянды салдары.

Алкоголь-күллі әлемге таралған ертеден келе жатқан есірткі.

Ішімдік тудыратын аурулар

(Интербелсенді тақтадан ішімдіктің зияны туралы бейнебаян көрсетіледі)

Ішімдікке тәуелді болудың салдарынан:

- Спирттік ішімдікке тәуелді адамның өмір жасы әдеттегіден 15-20жылға

қысқарады;

- Шамадан тыс ішу-қылмыстық әрекетке әкеп соғады;

- Маскүнем ата-аналардың балаларының 44-60%-ның ақыл-есі кем болады;

- Адам миының жұмысын бұзып, есте сақтау қабілетін нашарлайды;

- Әлеуметтік, отбасылық проблемалар туындайды;

- Маскүнемдердің 5%-ы адам кейпінен айырылып, тұрақты мекен-жайы

жоқтар мен қаңғыбастар қатарына қосылады.

Жаман әдеттерді ертең жеңуден, бүгін жеңу оңай

Конфуций

Қоршаған айналаны қабылдау

Есірткі адам психикасын өзгертетін құрал

Сезім

Сана

Іс-әрекет

Көп таралған есірткі түрлері: апиын, гашиш, анаша, экстази. Есірткі заттарын тұтыну заңмен реттеледі.

(Интербелсенді тақтадан нашақорлықтың зияны туралы қысқаша бейнебаян көрсетіледі.)

ҮІ. Тарихи деректер

Зиянды заттарға қарсы күрес мақсатында ерте замандарда мынандай қатаң жазалаулар болған:

-Түркияда шылымқорлардың құлағын, мұрнын кескен;

-Англия королі темекі тартуға, елге әкеліп өсіруге мүлдем тиым салған;

-Италияда папа Урбан темекі шегушілерді шіркеуден қуып шыққан;

-І Петр тұсында ішкіштер мойнына 17 футтық медаль кигізген;

-Грек елінде ішкіштерге қайнап тұрған шарап ішкізген.

-Ал Қазақстанда қандай шаралар жүргізіліп жатыр?

(Оқушылардың жауабын тыңдау)

ҮІІ. Жағдаяттар шешу «Сен қайтер едің, Жас ұлан?»

1. Бала кезден бірге өскен досың өсе келе темекі тартуға үйір болды, кей кездері сені де шегуге шақырып, темекі ұсынады, ал сен тартқың келмейді, сенің әрекетің?

2. Дос болып жүрген қызыңмен паркте қыдырып жүрдіңдер, шөлдеген қыз сыра алып берші деп өтініш жасады, ондай күтпеген сен қалай әрекет етер едің?

Қорытынды:

Зиянды заттар

Денсаулықты жою, әлеуметтік жағдайдың төмендеуі, адам ретінде бет бейнесін жоғалту, болашаққа сенімсіздік, достарын, туыстарын жоғалту, қылмыс, түрме, өлім.

Ішімдік

Есірткі

Темекі

Салауатты өмір салты

Дұрыс тамақтану

Спортпен шұғылдану

Таза ауа

Денің сау, қоршаған ортамен қарыс-қатынас жақсы, болашаққа сенімділік, әлеуметтік жағдайы жоғары, өз-өзіне сенімді

Оқушыларға арналған жаднама:

-Ар-намысыңды биік ұста. Өз тағдырың өз қолыңда!

-Өзіңе сен! Өзіне сенген адам ғана өзгелердің теріс әсеріне бағынбай, өзін сақтай алады.

-Денсаулығың мықты болсын, спортпен айналыс.

-Сен ел үшін керексің, өйткені сен- болашақсың.

-Жас жеткіншек, сен өзіңді- өзің құметтеуге тиіссің!

- Жаман әрекеттерден әрқашанда аулақ бол!

ҮІІІ. Түйін.

Бүгінгі сабақтан алған әсерім. Оқушыларды тыңдау.

Біз зиянды заттарға «ЖОҚ!» деп айтуға қорықпаймыз. (Хормен)

Батыс Қазақстан облысы

Теректі ауданы Сарыөмір ауылы

Хамза Есенжанов атындағы ЖОББМ

Мусагалиева Анаргуль Айдыновна