Шын дос - асыл қазына дөңгелек үстел 6 сынып

Сабақтың тақырыбы: Шын дос - асыл қазына
Сабақтың мақсаты: Адамның бойында болатын достық сезім қасиеттері де қастерлі сезім екендігіне көз жеткізу. Достық сезімді бойларына сіңіріп, оған басшылық жасай білуге тәрбиелеу, досқа деген адалдық, шексіз ықылас сезімдерін бағалай білуге және адал достықты жалған достықтан айыра білуге тәрбиелеу.
Көрнекілігі: интерактивті тақта
Сабақтың барысы:

1.ТРЕНИНГ «Шаттық сыйла!» - Балалар, бәріміз шаттық шеңберіне жиналайық. Енді бір-бірімізге бүгінгі күніміздің тамаша өтуіне арнап жақсы тілектер айтайық. (Оқушылар достарына арнап бір-біріне бүгінгі күннің көңілді өтуіне арнаған тілектерін айтады).

Кіріспе сөз.

Қайырлы күн! Оқушылар! Бүгінгі «Шын дос-асыл қазына» атты дөңгелек столымызға қош келдіңіздер!

Достық - адамдардың бір-бірін жаны қалап, шын жақын көріп, қалтқысыз сеніп, тілектес, мұраттас болуы. Дос дегеніміз екі адамның бір - біріне деген қарым - қатынасы.
Дос деген қиналғанда жанынан табылатын, көмектесетін жанашыр жан.

«Достық» туралы нақты ой айтқан философ А.Шопенгауэр өзінің «Өмірлік данышпандықтың афоризмдері» деген еңбегінде: «Нағыз шынайы достық адамдардың бір-бірімен терең, таза және адал қарым-қатынасын қажет етеді. Бұл дегеніміз - досыңыздың қайғысы мен қуанышына ортақтаса білу деген сөз. Осының бәрі адамның табиғи өзімшілдік, өркөкіректік қасиеттерін жояды» депті.

«Достық - өмір үшін ең қажетті нәрсе, өйткені ешкім ешқашанда барлық басқа игілікке түгел ие бола тұрса да, дос - жарансыз өмірді қаламақ емес» деп Аристотель атамыз айтқандай бүгінгі сабағымызды жалпы дос туралы талқылайтын боламыз.

2.Оқушыларға тақырыпты ашу сұрақтары:

1)"Дос деген кім?".

2)Досың бар ма? Ол қандай?

3)Достық жасқа байланысты ма?

4)Досыңды неге теңер едің?

3.Достық туралы мақал - мәтелдердің мағынасын ашу:

1. Дос - ажарың, жолдас - базарың.

2. Дос досқа жалынса, достың көңілі алынады

3. Дос жылатып айтады, Дұшпан күлдіріп айтады

4. Күлме досыңа, келер басыңа

5. Досыңа өтірік айтпа, Дұшпаныңа сырыңды айтпа

6. Аз қайғыны ас басады, Көп қайғыны дос басады

4.«ДОСТЫҚ» сөзіне сөз құрастыру

Д - дүниедегі
О - озық ойлы
С - сабырлы
Т - тұрақты
Ы - ыстық
Қ - қарым - қатынас.

5.«Пікір алысу»
1. Дос пен жолдастың айырмашылығы.
2. Үш адам нағыз дос бола ала ма?
3. Нағыз дос қандай болуы тиіс?
4. Нағыз дос қандай жағдайда сыналады?
6. «Менің пікірім» айдарында сұрақтар беріледі. Оқушылар өз ойын қағаз бетіне түсіреді.

1. Дос сөзін қалай түсінесің?

2.Достық дегеніміз не?

3.Шын дос қандай болуы керек?

4.Жалған достық дегенді қалай түсінесің?

7.Жаттығу «Өзіңді білгің келсе» сурет салу.

Ақ бетке күн, тау, үй, ағаш ,қапшық, жол, сақина, гүл, жылан салады.

Нәтижесінде салған суретке қарап, оқушының мінезі айтылады.

8.Хор «Достарым» әні орындалады

9.«Тәтті жемістер» тренингі Берілген түрлі түсті жемістерге достарына арналған тілектерін жазып, плакатқа жапсыру ұсынылады. .

10. Қорытынды: Адам бойындағы жақсы қасиеттер, адамгершілік нормалары, әлемнің татулығы бәрі де осы достықтан бастау алады. Сол бастау сіздердің бойларыңызға қаланды деп сенемін. Достығымыз әрқашан берік болсын! Келгендеріңізге көп - көп рахмет!