- Преподавателю
- Классному руководителю
- Тәрбие сағаты Табиғат - тіршілік негізі
Тәрбие сағаты Табиғат - тіршілік негізі
Раздел | Классному руководителю |
Класс | - |
Тип | Конспекты |
Автор | Камкиева А.К. |
Дата | 25.10.2014 |
Формат | doc |
Изображения | Есть |
Cынып сағаты. 6-сынып
Сабақтың тақырыбы: Табиғат-тіршілік негізі
Сабақтың мақсаты: табиғаттың адам өміріндегі маңызын түсіндіру,
оқушылардың экология туралы білімін тереңдету;
Дамытушылық мақсаты: оқушыларды экология туралы өзінше ой
түюге баулу.
Тәрбиелік мақсаты: туған өлке табиғатына деген сүйіспеншілікті
қалыптастыру
Сабақтың көрнекілігі: компьютер, интерактивті тақта, табиғат,
экология туралы слайд.
Сабақтың әдісі: сұрақ-жауап, талдау, жинақтау, ой қозғау.
Сабақтың түрі: түсініктерін тереңдету, іскерлік дағдыны жетілдіру.
Пәнаралық байланыс: әдебиет, география, биология
Күтілетін нәтиже: экологиялық проблемалардың туындауына тікелей
адамдардың қатысы барын түсінеді, табиғатқа қатысты
жат әрекеттен бойын аулақ салады.
Сабақтың барысы:
Ұйымдастыру бөлімі. Оқушыларды топқа бөліп отырғызу.
І. Қызығушылықты ояту.
Мен оның күнін сүйем , түнін сүйем.
Орман, дала ,тау, тасын , гүлін сүйем.
Бар жәндігін сүйемін қыбырлаған.
Бәрі маған Отан деп сыбырлаған.
Жаным менің кеудемді жарып шық та,
Бозторғайы бол оның шырылдаған.
М.Мақатаев
-
Балалар, өлеңнің не туралы екенін байқадыңдар?
- Отан…
- Өлеңдегі күн, түн, орман, тау, тас, гүл ұғымдарын бір сөзбен қалай
атауға болады?
- Табиғат.
Бүгінгі тәрбие сағатымыздың тақырыбы: " Табиғат-тіршілік негізі "деп аталады.
-Ал осы табиғат дегенді қалай түсінесіңдер?
(Топпен жұмыс) Әр оқушы өз дәптерлеріне жазады. Топтан бір оқушы оқиды.
(Слайд-1)
Табиғат
ІІ. Мағынаны тану.
Табиғат адам үшін жаралыпты
Бар қызық табиғаттан таралыпты,-деп ақындарымыз жырлаған.
-Иә , балалар, табиғат-күллі тіршілік атаулының қоныс-мекені, үйі.
Табиғат -асыраушымыз, қамқоршымыз. Ата-бабаларымыз сондықтан да "Жер -қазына, су-алтын, мал-байлық" деп тегін айтпаған.
(Слайд-2 ) - Қандай табиғатты көріп тұрсыңдар?
- Таза, әдемі табиғат .
- Ластанған табиғат.
Мұғалім сөзі. Табиғат-тәрбие көзі. Судың сылдырын, таудың асқақтығын, құстың шуылын естіп, көріп өспеген адам, әдемілікті түсіне алмас еді, ой-өрісі тар, қиял -сезімі қанатсыз болар еді. Бүгінде көптеген себептермен табиғи сұлулық жойылып бара жатыр. Экономикамыз бен индустриямызды өркендетеміз деп жүріп, адамдардың ойланбай жасаған іс-әрекетінің себебінен табиғатқа қастандық жасадық. Бұл мемлекетіміз үшін үлкен проблема болып отыр. Халқымыздың бүгіні мен ертеңіне қауіп төніп тұр.
"Үш бөлімді күнделік" (әр топ өздері орындайды)
Проблема қандай?
Критерий . Әсері не?
Туындайтын сұрақ
Не істеу керек?
Ағаштар азайды, су ластанды,т.б.
Ауа таза емес, денсаулық бұзылады. т.б.
- Апаттарды болдырмау үшін , табиғатты сақтап қалу үшін
мемлекетіміз қандай шаралар істеп жатыр?
(Оқушылар топпен жұмыстанады , өз ойларын айтады)
(Слайд-4 )
- 5 маусым- Қоршаған ортаны қорғаудың дүниежүзілік күні.
- "Жасыл ел" бағдарламасы
- 1889жылы "Невада-Семей"қозғалысы ұйымдастырылды.
О. Сүлейменов
- 1991 жылы сынақ полигоны жабылды.
- Табиғат байлықтарын қорғап қалу үшін қорықтар ашылды.
- 1978 жылы "Қызыл кітап" басылып шығарылды.
- Жыл сайын елімізде сенбіліктер өтеді.т.б.
ІІІ. Ой толғаныс
Шығармашылық жұмыс (деңгейлік тапсырма)
І топ
Адам- табиғатсыз өмір сүре ала ма?..
ІІ топ
Ал табиғатта барлығы бір-бірімен тығыз байланыста ма?..
ІІІ топ
Табиғат мәңгілік пе?..
- Жоқ...
- Күнделікті оқып отырған кітабымыз, киген киіміміз, ішер асымыз, тыныс алар ауамыз- бәрі табиғат сыйы.
- Табиғатта барлығы бір-бірімен тығыз байланыста болады - Су болмаса, көк өспейді. Көк жоқ жерде таза ауа да болмайды.
-Жоқ.
- Табиғат та адам секілді, туады, өседі, өледі , жоғалады, таусылады. -Оны сақтауымыз керек.
*1.«Табиғат- өз үйім» 2.мақал-мәтел, 3 . " Туған өлкем.
шағын шығарма, өлең тыйым сөз неткен көркем!"
жазу сурет салу
(оқушыларды тыңдау) . . .
* «Мен табиғат үшін, қоршаған орта үшін не істер едім? Егер…»
1.Табиғатты қорғау 2. Эколог болсам... 3.Суретші, ақын болсам...
министрі болсам...
Қорытынды: (ауызша)
Елбасымыз Н.Ә.Назарбаев: «2030-дың Қазақстаны суы мөлдір, ауасы таза, жасыл желекті елге айналады» деген болатын. Осы мақсатқа жету үшін әр қазақ өз үлесін қосу керек. Ал сендер қандай үлес қоса аласыңдар? -
Табиғат -біздің алтын бесігіміз, асыраушы анамыз. Анамызды қалай жақсы көрсек, қоршаған ортаны солай сүйе білейік. Ал біздің үлесіміз -мектебіміз бен ауылымызды таза ұстау, суымызды ластамау...
Ендеше, балалар, бүгінгі сабақтан не түйдік?
Барлығы: -Таза болса Табиғат,
Аман болар адамзат!
Камкиева Айгүл Қабылқайырқызы
Круглоозерный ОЖББМ