- Преподавателю
- Классному руководителю
- Как стать счастливым? на калмыцком языке
Как стать счастливым? на калмыцком языке
Раздел | Классному руководителю |
Класс | - |
Тип | Рабочие программы |
Автор | Таняева Е.Б. |
Дата | 26.12.2014 |
Формат | docx |
Изображения | Есть |
«Мадн цугтан хөвтә болхин төлә һарлавидн. Кишгтә күн болхар седхлә, өр-өвч болх, нег-негндән дөң, түшг, нөкд болх кергтә!»-гиҗ Далай Лам бичсмн.
Би Далай Ламин бичсн үгмүд йир чик,- гиҗ санҗанав.
Күн болһн эврә күслтә- эн хөвтә болх. Бидн җирһлдән хөвән хәәх. Түрүләд дотран ямаран сән, му йовдл медх зөвтәвидн. Му юм һарһх керг уга, эн му йовдл биид зовлң болҗана. Мини хөвин нуувч- чик җирһх. Маднд му ухан бәәхлә, терүг уга кехин төлә сән уха ухалх.
Би иигҗ тоолҗанав: «Өдр болһн өрүн босхларн, цевр ухана тускар ухалнав. Эндр сәәнәр тәвсн кергән күцәх.»
Нарта орчлң деер күн нег насарн җирһдг зөвтә. Эврәннь җирһлдән әрүн цаһан седкл зүүҗ, килнц һарһлго йовх кергтә. Тер хамгин деедс йилһәд бәәдг. Юмна түрүнд эк-эцкән бурхн мет тевчх, асрад хәләх, шүрүн үг келшго, һундахмн биш. Көгшдүдиг күндл- җирһл үзхч. «Бичә му йор татн, бичә килнц һарһтн!»- гиҗ хальмгуд келнә.
Кү бичә ал, бичә худл кел, бичә хулха ке, чаһр бичә у, гисн болн нань чигн зокал кү сурһмҗллһна кергт озлгдх зөвтә. Эннь әмтнә боллһна закан болх зөвтә. Энүг күн болһн медәд бәәхлә, җирһлд му йовдлмуд һаршго. Бурхн номан һартан автн. Мана бурхна ном күчр гүн ном болҗана, терүгән дасад, дорас өсҗ йовх мадн, баһчуд медх зөвтә. Буддаг умшх кергтә, Будда гисн тер кевтнь орчулхла, серсн күн болҗана. Әмтн бичә зовтха гиһәд, Будда серәд хамг әмтиг орчлңгин кесг аюлас гетлгсн бурхн болҗана.
Будда ухалад, иим сана зүүҗ, кү даҗршго, әмтә тоот әмд бәәх, түрү-зүдү улст нөкд болх. Буддан ухан-тоолвр чик,- гиҗ ухалҗанав.
Тер төләд, мадн бурхндан мөргәд му йовдл һарһшго, бурхнд зальврад, хурлд одхла сән болх.
Иигҗ сәәнәр бәәхлә, чик уха зүүһәд, хаҗһр һарһл уга, күүнд му келшго, йовхла, терүнәс даву кишг, чик хаалһ уга.
Мадн, баһчуд Буддан заасн чик зааврар бәәхлә, мана җирһл кишгтә болх!
Яһҗ хөвтә болхмб?