Адам құқығын сақтау – қоғамның басты мақсаты

Жамбыл облысы, Т.Рыскулов ауданы, Кулан ауылы, Ю.Гагарин атындагы негізгі мектебінің математика пані мугалімі Тулендиева Дамира Кенжебековна   Тақырыбы:    Адам құқығын сақтау – қоғамның басты мақсаты.             Мақсаты:  Жасөспірімдерді қылмысты іс-әрекеттерден бойын                              алшақ  ұстауға баулу; нашақорлықтың алдын-алу;                                                                                қоғамда оқушының өзін-өзі ұстай білуі;                                                              азаматқа тән   қасиеттерді дәріптей отырып           оқушылардың бойына сіңіру;   өз елінің қамын             ойлайтын, өз ісіне жауап  бере алатын тұлға             тәрбиелеу;             Сабақтың түрі:     пікір алмасу             Сабақтың барысы: І. Ұйымдастыру кезеңі. ІІ. Пікір алмасу.        Мұғалім:       Оқушылар, сендер дүниеге  келгеннен бастап өздерің азаматы болып есептелетін  мемлекеттің қорғауына және қамқорлығына алынасыңдар. Бұл  Конституцияда бекітілген. Конституция 1995 жылы 30 тамызда қабылданды. Конституцияда мемлекеттік құрылым қоғамымыздағы барша азаматтардың құқығы мен еркіндігі бекітілген.               Оқушы 1: «Білім таппай мақтанба» өлеңін оқиды.             Мұғалім:        Ұлы бабамыз Абай жастарды оқу-білімге шақыра отырып адамгершілік қасиеттерді игеруге меңзейді. Абай жастарды еліне, халқына  зор махаббатпен қарауды талап етеді .         Атам қазақ « Арлы бол , жарлы болма » дейді. Адамдықтың ең жоғарғы өлшемі – ар.              Оқушы 2:          Ар  соты туралы бір мысал айтайын 1945 жылы тамызда американ ұшқышы Клод Изерли әскери бұйрық бойынша Жапонияның Хиросима қаласына атом бомбасын тастайды. 100 мың адам бірден апатқа ұшырады. Адамдардың қайғы-қасіреті, өртеніп жатқан қала үстіндегі  от теңізі ұшқышты адамгершілік тұрғысынан азап шегуге мәжбүр етті. Ақыры ол өз-өзіне қол жұмсап қаза болды.               Мұғалім:          Оқушылар, «азамат » деген сөздің төңірегінде ойланып көрейікші. Менің сұрақтарыма жауап беріңдерші. 1.      Азамат деп кімді  айтар едіңдер ? 2.      Нағыз азаматтың бойында қандай қасиеттер болуы керек? 3.      Қазақ  халқының ішінде кімдерді нағыз азамат деп айтар едің? 4.       Азаматтыққа жат қылықтар қандай?          Азаматтыққа қатысты бүкіл мәселе 1992 жылы 1 наурызда күшіне енген. Сол  уақыттан бері Қазақстанның бүкіл аумағында әрекет  етіп келе жатқан «Азаматтық туралы» заңмен реттеледі.            Балалар, азаматтық туралы айтқанда бізде екі түрлі түсінік қалыптасады: 1.      Адамгершілік  туралы; 2.      Құқық туралы. Енді құқық туралы сұрайын : 1.      Балалар, сендердің  қандай құқықтарың бар. 2.      Конституция дегеніміз не? 3.      Оқуға міндет пен құқық дегнді қалай ажыратасыңдар? 4.      Конвенцияда кімдерді бала деп атайды? 5.      Отбасынан айырылған бала кімнен көмек сұрауы мүмкін? 6.      Қылмыс дегеніміз не? 7.      Қылмыс жолына түскен адам осы долдан арылу үшін не істеу керек?            Оқушы 3:       Өз өміріне және басқаның өміріне қауіп төндіретін қатігездер мен қылмыскерлер жиі кездеседі. Осы  мәселе туралы қандай пікірлерің бар?           Оқушы 4:        Наркологиялық орталықтың есебі бойынша бір нашақор жылына 13-15 адамды өзіне тартады. Жыл с айын 17-ге толмаған мыңдаған жасөспірім нашақорлық салдарынан өмірімен қоштасады. 1991 жылмен салыстырғанда нашақорлар саны 10 есе көбейіпті.      ІІІ. Қорытынды.      Иә, азамат неғұрлым білімді болған сайын соғұрлым өз Отанына көбірек пайда әкеледі. Болашақ – жастардікі. ХХІ ғасыр Қазақстан мемлекетінің гүлденуі мен өркендеу ғасыры болуы тиіс. Жеке тұлғаның, адамның рухани санасы оянады.      « Бақыт қонса басшы да, бай болу да оңай, азамат болу бақыт қонса да қиын» . Ендеше осы азамат деген ардақты атқа лайық өмір сүрейік, балалар.