Урок на 1 сентября Менің Отаным - Қазақстан

Менің Отаным - Қазақстан

Мақсаты:Отан туралы білімдерін назарға ала отырып, Отанымыз - Қазақстан Республикасы туралы не білетіндігін саралау, алған мәліметтер бойынша білімдерін бекіту.
Міндеттері:
1) Білімділік: Балалардың Отан, Қазақстан, туған жер туралы түсініктерін кеңейту.
2) Дамытушылық: Отанды сүюге, еліміздің рәміздерін қастерлеуге, туған еліне деген сүйіспеншілігін аттыру.
3) Тәрбиелік: Оқушыларды елін, жерін сүюге, байлығын қорғауға, өз елінің патриоты болуға тәрбиелеу.
Түрі: саяхат
Әдісі: топтық жұмыс, сұрақ - жауап.
Көрнекіліктері: интербелсенді тақта
Сабақтың барысы:
І. Ұйымдастыру кезеңі.

Құрметті оқушылар сендерді бүгінгі мерекелеріңмен, оқу жылының басталуымен шын жүректен құттықтаймын! Басқан қадамдарың оң болсын!

Тапсырма: «Отан» сөзінің тұсына, неге теңейтіндерін ойлап жазу.

Отан-
- Адамның туып өскен жері, туған - туысқандары, біз тұратын атамекен.
- Балалар біздің Отанымыз қалай аталады?
- Біздің - Отанымыз Қазақстан.
- Ендеше, бүгінгі тәрбие сағатымыз «Менің Отаным - Қазақстан» деп аталады.

ІІ. Негізгі бөлім.

Топтық жұмыс. Балалар суретті жинау арқылы топ құрады.
Тапсырмалар бөлімі: қиылған суреттерден тұтас бір сурет құрастыру және сол жөнінде әңгімелеп беру.

Елтаңба, ту.суреттері бөлшектелген . (Мозайка)

1.Танытып айбын өр үнін

Таң қалдырған жер жүзін
Кім айтар қазақ елінің
Егемен алған мерзімін?1991ж.16-желтоқсан.
2.Нұрын төккен арай көк
Иесі ұлы төріңнің.
Аталады қалай деп
Мемлекеті еліңнің? Қазақстан Республикасы.
3.Қол жетпей келген ең басты
Сырын ашқан ғажаптың
Кім айтады алғашқы
Ғарышкерін қазақтың?/Тоқтар Әубәкіров/
4.Халқы үшін мынау өмірдің
Татқан тұщы, ащысын
Кім айтады елімнің Мемлекеттік басшысын?/Н.Әбішұлы Назарбаев./
5.Аталды кеше дүркіреп
Болды мереке, ғажап күн.
Кім айтады қай күні
Президент күні қазақтың?1 желтоқсан.

• Қазақ хандығына- 550 жыл (видео)

Физминутка

III. Қайталау

1. Балалар сендер даярлық тобында қандай пәндерді үйрендіңдер?

2. Сауат ашу сабағын есімізге түсірейік.

• Слайдтағы сөздерді оқу

3. Математика сабағын еске түсіру.

• Слайдтағы тапсырмаларды орындау.

Тілек.

- Ал, балалар күніміз ашық болсын деп елімізге тыныштық тілеп, ортадағы күннің көзіне тілек шоғымызды қойып, күннің шуағын жинайық.
1-бала: Достық болсын.
2-бала: Бірлік болсын.
3-бала: Аспанымыз ашық болсын.
4-бала: Әрқашан күн сөнбесін.
5-бала: Бейбітшілік болсын.
6-бала: Ынтымақ болсын.
Қорытынды: Ал, балалар айтқан тілектерін қабыл болсын және де сабақтарыңды 5-ке оқып, елімізді бетке ұстар азаматтарының бірі болып өсулеріңе тілектеспін! Мерекелерің құтты болсын!

Ақшиман негізгі білім беретін мектеп

1 сынып

Каймолдина Ардана Кайырганатовна

Ақшиман 2015