Спортивное мероприятие Зов джунглей на марийском языке

Чодыра ÿжеш.

Конкурсын цельже: йоча-влакым спорт деке шÿмандаш.

Участник-влак: 2-3 классыште тунемше-влак.

Оформлений: чодыра да янлык-влак сÿрет

Спортивный инвертарь-влак: мече, обруч,

Корзинка ден пÿгыльмö-шамыч

Рюкзак да походыш каяшлан кÿлшö ÿзгар-влак

Эртарыме вер - спортивный зал.

Залым чодыра сынлан келыштарыме: пырдыжыште чодыралан келшыше сÿрет-влакым сакалыме, пушенге-влакын макетыштым шогалтыме, модыш янлык - влакым келыштарен шындылме. Кайык муро йÿкан кассетым колтымо.

Ведущий зал покшек лектеш. Уна-влак дене саламлалтеш да участник-влакым ончык эрташ ÿжеш. Команде-влак строитлалтыт.

Ведущий: Поро кече йоча-влак, ача-ава-влак, туныктышо да уна-влак! Ме таче тышке погынен улына «Чодыра ÿжеш» модышым эртарен колташ. Те чыланат паледа «Зов джунглей» передачым. Вот мемнан модышнат тиде негызеш чоналтын. Но Марий Элыштына джунглий уке, а уло чодыра. Сандене мемнан ÿчашымашна маналтеш «Чодыра ÿжеш» "

Йоча- влак, а те приключенийым йöратеда мо?

Йоча-влак: Йöратена!

Ведущий: Ну, тугеже тÿналына веле. А кö пала: походыш каяшлан мом налман? Йоча-влак: Рюкзакым!

Ведущий: Чын. Походыш каяшлан рюкзакым погыман . Сандене мемнан икымше конкурсна тыгак маналтеш «Рюкзакым пого»

1-ше конкурс «Рюкзакым пого»

Обруч кöргыштö компас, карте, бинт, спичка коробка, кандыра, консерве, сотовый телефон, кружка, товар кият. Кажне участник рюкзак дене обруч деке куржеш да эн кÿлешан ик предметым рюкзакыш пышта. Вара мöнгеш куржеш да вес участниклан пуа. Сеныше командылан судья пÿгыльмым пуа.

Ведущий: Чодыраште чылан паледа тура корно уке. Мардеж дене пушенгат корным петырен камвозеш. Тудын йымач лекташ але ÿмбачше вончаш логалеш. Кокымшо конкурсна маналтеш «Чодыра корно». Кö тиде корным каен кертеш, тудо сеныше лиеш.

2-шо конкурс «Чодыра корно»

Тиде конкурсышто тÿрлö заданийым ыштылаш кÿлеш: кувырок, ик тенгыл гоч тöршташ, весыж гыч нушкын лекташ, мечым корзинкаш шуаш да мöнгеш куржаш. Эстафетым вес участниклан передаватла. Мечым корзинкаш логалтымылан дополнительный очко пуалтеш.

Ведущий: Чодыраште шуко понго да емыж шочеш. Ме кызыт понгым погаш тÿналына. Но погаш тÿналына пычкемыш йÿдым.

3-шо конкурс «Понгым погена»

Конкурсышто капитан -влак ÿчашат. Шинчаштым петырыме. Тиде конкурсым кок тÿрлын эртараш лиеш. Икымше йöн: кö писынрак чыла понгым поген пытара.

А вес йöнжö: 1 минутышто кудо капитаже шукырак понгым пога. Сенышылан адак пÿгыльмö пуалтеш.

Ведущий: Понго да емыж деч посна чодыраште эше пеш шуко насекомый-влак илат. Вес конкурснам ме нунылан пöлеклена. Нылымше эстафета маналтеш «Шудышырчык».

4-ше конкурс «Шудышырчык»

Кок йола тöрштыл каяш да мöнгешла писын куржын толаш.

Ведущий:Мемнан ончылнына кугу куп почылт шинче. Тиде куп гоч мыланна вес серыш вончаш кÿлеш.

5-ше конкурс «Куп»

Зал мучко «мöдывуй-влакым» шындылме. Кажне участник черет дене тиде «мöдывуй-влак» дене тöрштыл кайышаш. Пале гыч кö лектеш, тудлан штрафной очко логал кертеш.

6-шо конкурс «Ур гай писе улына»

Тиде конкурсышто ик участникше мечым обруч кöргыш намиен пышта, а весыже налын толшаш.

7-ше конкурс «Весела эстафета»

Куд йоча кажне команде гыч участвоватла. Кажныжлан тÿрлö заданий пуалтеш.

Икымше- вÿдан тарелка дене куржеш. Кокымшо- шенгекла куржеш. Кумшо- скакалке дене тöрштыл куржеш. Нылымше - мечым вÿден кая. Визымше- вуйышко книгам пыштен кая. Кудымшо- обручым пöрдыктен куржеш.

Конкурс «Канатым шупшмаш»

Кок командыжге зал покшек лектыт да канатым шупшаш тÿналыт.

Конкурс «Туштым туштем - палыза»

Ведущий: Мемнан пытартыш конкурсна «Мозаика». Тиде конкурсышто тудо команде сенышыш лектеш, кудо эн первый пÿчкедыме сÿретым поген шукта да могай тиде янлык пален налеш.

Конкурсым иктешлымаш.

Жюри конкурсым иктешла, сеныш палемда да грамотым вручатла.