Тәрбие сағаты: Менің Отаным - Қазақстан

Раздел Классному руководителю
Класс 2 класс
Тип Другие методич. материалы
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

Тәрбие сағатының тақырыбы: Менің Отаным - Қазақстан
Мақсаты:

Білімділік: Балаларға Қазақстан Республикасы туралы білім беру. Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;
Дамытушылық: Балалардың ойларын жүйелі түрде жеткізе білуі, тіл байлығын ,сөзді байланыстырып сөйлеу қабілеттерін дамыту,

Тәрбиелік: Оқушыларды ұлтжандылыққа, атамекенін көздің қарашығындай сақтай білуге, туған елін, жерін сүюге, патриоттық сезімге тәрбиелеу.

Түрі: Тәрбие сағаты

Әдісі: сұрақ - жауап, әңгімелеу, түсіндірмелі, көрнекілік

Көрнекіліктері: Елбасы суреті, Қазақстан Республикасының рәміздері, авторларының суреттері, қанатты сөздер, гүлдер, слайд, отан туралы мақал-мәтелдер.

Сабақтың барысы.

І. Ұйымдастыру кезеңі

Психологиялық дайындық (өзін - өзі тану пәнімен байланыстыру)

1. «Шаттық » шеңбер:
Бір шаңырақ астында,
Қазақстанда тұрамыз.
Бірге сайран құрамыз,
Бір үйде біз тұрамыз.
Құт, береке - шаңырақ,
Орын алған ол төрде.
Билігім өз қолымда-
Еркіндігім - Елімнің!

Ой қозғау. Шашылған әріптерден сөз құрау.

Қ А З А Қ С Т А Н (Қазақстан туралы өз ойларын айту)

Мұғалім: Біздің Отанымыз - Қазақстан. Мемлекетіміз тәуелсіздік алғалы Қазақстан Республикасының жетістіктері өсуде. Осынау жылдарда елдігімізді танытып, еңсемізді көтерген қаншама ұлы оқиғалар бар. Қазақстан Республикасы 1991 жылы16 желтоқсанда өзінің тәуелсіздігін жариялап, дербес мемлекет болды. Осы өткен жолдарымызға қарасаақ, әр жылдың өз шежіресі, сыры, тарихы, қасиеті бар. Қазақстанды мекендеген барлық халықтардың ұлттық мәдинетін көркейтіп, бірлігі мен ынтымағын жарастырып отырған ұлы елміз. Осыған орай «Менің Отаным-Қазақстан!» атты тәрбие сағатымызды бастаймыз.
Конституция - біздің мемлекетіміздің негізгі заңы. Бұл - Қазақстан азаматтарының қоғамда өмір сүру ережелері. Тәуелсіз Қазақстанның негізгі Конституциясы 1993 жылы 28 қаңтарда, ал жаңа Конститутциясы 1995 жылы 30 тамызда қабылданды.

  1. Өзіндік жұмыс.

  • Өз құқығыңды білесің бе?

Жағдаяттарды шешу арқылы пікірлесу.

Үш оқушы келе жатыр. Олардың біреуі:

  • Бүгін демалыс қой, қалай демаламыз? Ішім пысты, бірдене жасайықшы.

Екіншісі:

  • Биік жанатын алау жасайықшы.

Үшіншісі:

  • Таптым, таптым бәрің ауыздарыңды ашып қаласыңдар, мына үлкен ағашқа от тигізсек үлкен алау болады. От тигізейік, - деп жүгіре жөнеледі.

Қалған 2 оқушы мұндай қызығыңның керегі жоқ деп оны әрең тоқтатады.

Сұрақ: - Қандай жағымсыз әдеттер байқадыңдар?

- Жақсы қасиеттер байқалды ма?

- Бұл заң бұзушылыққа жата ма?

Оқушы пікірін тыңдау.

Түйінді ой: Балалар 24-бапты білгенімен, 38-бапты білмейді екен.

1. Ата Заңымыздың 24-бабында «Әркім тынығу құқығы бар» делінген.

2. Ата Заңымыздың 38-бабында «Қазақстан Республикамыздың азаматтары табиғатты сақтауға міндетті» делінген.

- Сонымен қатар ҚР Конститутциясы 34-бап, 2-бөлімінде «Әркім Республиканың мемлекеттік нышандарын құрметтеуге міндетті» делінген.

ӘНҰРАН (Қазақстан Респуликасының мемлекеттік әнұраны орындалады).

-Балалар ,сендер қандай ән орындадыңдар?

-Қазақстан Республикасының әнұранын орындадық.

Дұрыс айтасыңдар,балалар .Әрбір республиканың өз ерекшелігін білдіретін әнұраны,туы,елтаңбасы болады. Біз оны рәміздер деп атаймыз.

- ҚР мемлекеттік нышандарын атайық?

- ҚР мемлекеттік туының авторы - суретші Ш.Ниязбеков.

- ҚР мемлекеттік елтаңбаның авторы - Жандарбек Мәлібеков, Шота Уәлиханов.

- Кез келген мемлекеттің рәміздерінің ең маңыздысы - Әнұран. Сөзін жазған: Н.Ә.Назарбаев, Жұмекен Нәжмединов. Әнін жазған: Ш.Қалдаяқов.

Осы рәміздер туралы жеке-жеке түсінік беріп өтейін.

- Мынау - біздің туымыз. Тудың түсі аспанның түсіне ұқсайды.Көк аспандай көгілдір,ортасында күн,астында бүркіт ұшып келе жатыр.

- Мынау-елтаңбамыз.Елтаңбада шаңырақ, күн сәулесі,бес бұрышты жұлдыз, «Қазақстан » деген жазу бар.

- Балалар,біздің Отанымыздың астанасы қай қала ?

- Астана қаласы

- Ел бөбегі бүлдіршін жас баламыз,

Астанамыз Астана -бас қаламыз.

- Балалар, үлкен мерекелерде туымыз көтеріліп,әнұранымыз орындалады.Рәміздерімізді үлкен де,кіші құрметтеп жоғары ұстауы тиіс.Ал әнұранды біз білеміз.Сендер елтаңба мен туды әрқашан қастерлеуге тиіссіңдер.Қазақстан республкасының рәміздері туралы кім тақпақ біледі?

Қуаныш:

Көк туымыз бетінде,

Қыран бүркіт қанатты.

Сол қырандай еркіндеп,

Біз өсеміз талапты.

Камила:

Айнымайды аспаннан,

Біздің тудың бояуы.

Оны халық қашанда,

Биікке іліп қояды.

Аделя:

Елтаңбасы елімнің ,

Қандай әйбат әдемі

Тұнығындай көңілдің ,

Ортада аспан әлемі

Нұржан:

Құт береке шаңырақ,

Орын алған ол төрден.

Қанатты қос арғымақ,

Екі жақтан көмкерген.

- Мұғалім: Жарайсыңдар, балалар. Біз Қазақстанда тұрамыз,демек, Отанымыз -Қазақстан.халқымызда « Отан отбасынан басталады» деген мақал бар.Сендер үлкен болып өскенде Отанымызды қорғайтын азамат боласыңдар.Отан деген не? Қалай түсінесіңдер?
1-оқушы:Амира: Отан дегеніміз- адамның туып- өскен жері, туған- туысқандарымен, жақындарымен, бірге тұратын атамекен. Қазақ елінде тұратын адамдардың Отаны - ҚР - сы.
2-Оқушы: Әділ: Біздің Отанымыз-ҚР-ның жері өте кең. Жерінде тау да, жазық та, ойпат та, қарат та кездеседі.

3-оқушы: Анеля: Үлкен-үлкен көлдер, өзендер бар. Республикамыз өсімдікке, жануарларға , қазба байлыққа бай.
4-оқушы: Мөлдір: Отаным менің кең- байтақ, әрі бай. Онда әр түрлі халықтар тұрады. Олар бір-бірімен тату, дос.

5-оқушы: Амира: Қазақ халқы ешуақытта соғыс тілемейді бейбітшілік үшін күреседі.

Мариям: Отан деген менің үйім,туған жерім.

Тагир: Менің жүрегім Отан деп соғады.

Санжар:

Азаматқа лайық ,

Отанымның ұлымын.

Отанымды қорғайтын,

Азаматтың бірімін.

Отан деген -Атамекен,

Отан деген-туған жер.

Отан -ана,отан -үлкен,

Қазақстан - туған ел.

-Балалар ,Қазақстан Республикасының ел басшысы кім?

-Нұрсұлтан Назарбаев атамыз

Елбасымыз туралы кім тақпақ біледі ?

Нұрхаят :

Шықты тарап ой данадан,

Бер қарады жұлдыз беті,

Өзі қалап сайлап алған,

Елімнің бар президенті.

- Балалар,өте жақсы.Егеменді елдің басты белгісі-тіл.қазақ тілі мемлекеттік тіл болып саналады. Қазақ тілі -біздің ана тіліміз.

Ансат:

Тілім барда мақтанам,

Тілім менің аппақ ән

Бірлігім бүгінгі,

Ана тілім сақтаған.

- Балалар,сендер отан туралы жан - жақты білетіндеріңді көрсеттіңдер.Енді сендер Отан туралы мақал - мәтел айтайық.

Отан -оттанда ыстық.

Отан -елдің анасы,

Ел - ердің анасы.

Туған елдей ел болмас,

Туған жердей жер болмас.

- Міне , балалар , өміріміздің жалғасы ,еліміздің қорғаны, тірегі болыңдар.

Абай атамыз айтқандай «Сенде бір кірпіш дүниеге,кетігін тапта ,бар қалан»деп ,бүгінгі бүлдіршін балаларымыз қоғамымызға кірпіш болып қалана берсін деген тілекпен тәрбие сағатымызды аяқтаймыз.


© 2010-2022