Ұланбыз Отанды қорғайтын (9 класс)

Раздел Классному руководителю
Класс 9 класс
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Армысыздар ұстаздар және оқушылар! Мектебіміздің 7-8 сыныптары арасындағы «Ұланбыз Отанды қорғайтын» атты әскери-патриоттық сайысқа қош келдіңіздер!

Әскери-патриоттық сайыстың мақсаты: өскелең ұрпақты адамгершілік рухы мен елге, жерге ,Отанды сүюге деген сүйіспеншіліктерін арттыру

Әділ-қазылар алқасы :

Сайысқа қатысушы топтар:

  1. Қыран

  2. Ұлан

  3. Жігер

  4. Талап

  5. Мақсат

Шарттары :

  1. Эмблема, форма, команданың аты, ұраны, газеті

  2. Командирдің баяндауы

  3. Бір қатарлы саптан екі қатарлы сапқа тұру(оңға, солға, артқа бұрыл бұйрықтарын орындау)

  4. Саптағы ән

  5. Сұрақ - жауап

  6. Соғыс туралы көрініс(3 мин)

І шарты Эмблема, форма, команданың аты, ұраны, газеті

ІІ шарты Командирдің баяндауы

ІІІ шарты Бір қатарлы саптан екі қатарлы сапқа тұру(оңға, солға, артқа бұрыл бұйрықтарын орындау

Елімізде тәуелсіздік туы желбірегелі 20жыл уақыт болды.Содан бері халықтың береке-бірлігін ойластырып, рухын көтеру және ел еңсесін әлеуметтік тұрғыдан тіктеу ісінде қыруар шаруа атқарылды. Мемлекетіміздің тарихының түпсіз тереңдігін, жер байлығының баға жетпес молдығын, халықтың бейбітшілік сүйгіштігі мен еңбекқорлығын және білімін, білігін дүние жүзі мойындады. Мұның бәрі елдігіміздің ең басты белгілерінің бірі - мемлекеттік шекарамыздың мығым болуына қызмет етуде.

IV шарты Саптағы ән

V шарты Сұрақ - жауап

Сұрақтар:
1. «Қазақстан Республикасын қорғау - оның әрбір азаматының қасиетті парызы мен міндеті» деп қандай құжатта атап көрсетілген.(Еліміздің ата заңы - Конституцияда)
2. Қазақтарда офицерді қалай атаған? (Сардар)
3. Армия мен флотта жауынгерлердің ұрыстағы және әскери қызмет атқару кезіндегі тарихи тұрғыда қалыптасқан және ұрпақтан ұрпаққа беріліп отыратын қағидалары, салттары мен құқық нормалары.(Жауынгерлік дәстүрлер)
4. Ұлы Отан соғысы жылдарында қанша қазақ Кеңес Одағы Батыры атағын алды? (100)
5. Қазақстан Республикасы Президентінің 1992 жылғы 25-тамыздағы Жарлығымен бекітілген маңызы зор әскери құжат. (Әскери ант)
6. Қазақстан Республикасының Қарулы Күштерін басқаратын орталық мемлекеттік орган. (Қазақстан Республикасының Қорғаныс министрлігі)
7. Рейхстагқа Жеңіс туын алғашқы болып қадаған қазақ халқының даңқты ұлы (Рақымжан Қошқарбаев)
8. Ұлы Отан соғысының басталған күні (22 маусым 1941жыл)
9. Капитаннан кіші, лейтенанттан үлкен әскери атақ. (аға лейтенант)
10. ЖҰМ деп қандай әскери техника аталады? (Жаяу әскер ұрыс машинасы БТР)
11. Атақты Панфилов гвардиялық дивизиясында рота, батальон, полк, кейін дивизия командирі кызметін атқарған ержүрек қолбасшы, жазушы, Кеңес одағының батыры, Қазақстанның Халық Қаһарманы (Бауыржан Момышұлы)
12. Қазақстан Республикасының Қарулы Күштерінің бас қолбасшысы кім? (Президент Н.Ә.Назарбаев)
13. Оңтүстік әскери өңірлігі қолбасшылығының штабы қай қалада орналасқан? (Тараз)
14. Адыммен қозғалыс қандай болады. (саптық және жорықтық болады)
15. Кәсіпқой сержанттарды дайындайтын оқу орны (кадет корпусы)

16. Суық қару түрлерін атаңыз.(Қылыш, семсер, найза, пышақ, айбалта, қанжар).
17. Тәуліктік кезекші кімдерден тағайындалады?(Қатардағы сарбаздардан)
18. 1942 жылы Ленинград блокадасында қалған отандастарына жігер, қайрат беруге арнап жазылған «Ленинградтық өренім» өлеңінің авторы кім?(Жамбыл)
19. Ұлы Отан соғысы неше күнге созылды? (1418күн)
20. Қазақстан Республикасы қарулы күштері қашан құрылды? (7 мамыр 1992 жыл)

Ананы баласынан, ағаны бауырынан айырып, мыңдаған боздақтарды жер жастандырып, бөтен елдің топырағын бұйыртқан зұлмат соғыстың өлшемі адам өмірімен, тағдырымен бағаланып, өте қымбатқа түскен жеңістің аяқталғанына 70 жыл. Бүгінгі жастардың болашағы, бақыты үшін, қан төккен әскер мен апалардың даңқы еш уақытта өшпейді! Олардың рухына біздер тізе бүгіп, бас иеміз!

VI шарты Соғыс туралы көрініс(3 мин)

Сайысымызды қорытындылау үшін сөз әділ - қазылар алқасын беріледі.



© 2010-2022