Mən müəllim olmağıma sevinirəm

Azərbaycan dili

ŞÜURLU OXU bacarığının inkişaf etdirilməsi üzrə material.

Ad______________ Tarix____________ Sinif 3 "A" Nəticə__________

OXUYAN KОĞUŞ

Palıdın kötüyündə balaca bir koğuş yaranmışdı. Hərdən quşlar gizlənqaç oynayanda bu koğuşda gizlənə bilirdilər. Hər səhər külək əsməyə başlayanda koğuş oxuyurdu. Оnun oxumağı çoban tütəyinin həzin musiqisinə oxşayırdı. Əslində palıd ağacı da elə buna görə yarpaqlarını belə həvəslə tərpədir, ləzzətlə rəqs edirdi. -Bəxtəvərin kefinə bax, - deyə ətrafdakı ağaclar onun paxıllığını çəkirdilər. Camaat küləkdən başını gizlətməyə yer tapmır, amma bu, oynayır. Bir dəfə koğuş o qədər gözəl oxudu ki, hətta buludlar da bu məlahətli səsə yığışdılar. Buludlar o qədər sıxlaşdı ki, paxıllıqdan ağacların bir neçəsinin yarpaqları quruyub töküldü. Buludlar bu gözəl nəğməyə hədiyyə olaraq çoxlu inci bağışladılar koğuşa. Yağış damlaları bircə göz qırpımında koğuşu doldurdu. Amma heyf ki, pis bir iş oldu. Koğuşun ağzı inci damlaları ilə dolan kimi o səsini kəsdi. Nə qədər əlləşdisə daha oxuya bilmədi.

Suallara cavab verin:

1.Koğuş harada yaranmışdı?_____________________________________________________________

2.Koğuşun oxuması nəyə bənzəyirdi?_______________________________________________________

3. Koğuş nə zaman oxuyurdu?_____________________________________________________________

4.Başqa ağacların koğuşa münasibəti. ______________________________________________________

5. Koğuşdan nə üçün istifadə edirdilər? _____________________________________________________

6.Buludları bir yerə yığan nə oldu?_________________________________________________________

7.Ağacların yarpaqları niyə töküldü?________________________________________________________

8.Koğuşa nə hədiyyə etdilər?______________________________________________________________

9.Buludlara xoş gələn nə oldu?_____________________________________________________________

10. Koğuş neçə müddətə doldu?____________________________________________________________

11. Koğuşu susduran nə oldu?_____________________________________________________________

12. Səncə, koğuş hədiyyəsindən razı qalıb sevindimi? Səbəbini izah et. ____________________________________________________________________________________________________________________________________________________________________________

SƏBƏB

NƏTİCƏ

Ağacların yarpaqları töküldü

Koğuş çox gözəl oxudu

Quşlar koğuşda gizlənirdilər

Buludlar bir yerə yığışdılar

Palıd yarpaqları rəqs edirdi