6 нчы сыйныфта Үткән заман хикәя фигыль темасына дәрес конспекты

Әлмәт шәһәре муниципаль белеем бирү учреждениесе

" Риза Фәхретдин исемендәге 1 нче гимназия"

"Үткән заман хикәя фигыль" темасына ачык дәрес план - конспекты

(6 нчы сыйныф)

Төзеде: II квалификацион

категорияле татар теле һәм

әдәбияты укытучысы

Исламова Г.Г.

2014 ел

Тема: Үткән заман хикәя фигыль.

Максат: 1. Фигыль сүз төркеме буенча алган белемнәрне ныгыту, системага салу.

2.Укучыларның белемнәрен тикшерү,балаларның танып-белү активлыгын үстерү.

3. Игътибарлылык сыйфатлары тәрбияләү.

Дәрес тибы: кабатлау.

Дәрес план- конспекты

1. Оештыру.

Хай-файв структурасы.

Укучылар белән исәнләшү.

Уңай психологик халәт тудыру.

Мин бүгенге дәресебезне күренекле татар галиме, әдип, педагог Р. Фәхретдин хәдисе белән башлыйсым килә, "... Галим яки гыйлем өйрәнүче вә яхуд гыйлемне сөюче булып йөр. Гыйлемне дошман күрүче булудан саклан, һәлак булырсың!" дигән ул. Р. Фәхретдин дәвамчылары без бит инде ул. Гыйлем өйрәнүебезне дәвам итик, укучылар.

2. Алган белемнәрне ныгыту, системага салу.

Без бүгене дәрестә фигыль буенча алган белемнәребезне гомумиләштерербез, системага салырбыз.

Әйдәгез, тик- тэк-тоу структурасы белән үткәннәрне искә төшерик. Өстәлләрегездә фигыльләр язылган карточкалар бар. Шуларны өчәр-өчәр итеп өч рәт тезегез, карточкаларны номерлап чыгыгыз, вертикаль, горизонталь, диагональ буенча туры килгән фигыльләргә бирелгән вакытта (1 мин.) аңлатма бирегез. Аннан соң 1нче номерлы укучы калган укучыларга үзенең җавабын укый, тәртип буенча бөтенесе укып чыга. 1 номерлы укучыларның җаваплары тыңланыла.

Өй эшенә сезгә Г. Тукайның "Исемдә калганнар" әсәренең 1,2 бүлекләрен укып килергә иде. Ни өчен шагыйрь беренче бүлектә - билгесез үткән заман, икенче бүлектә билгеле үткән заман фигыльләрен файдаланып язган?

Җаваплар тыңланыла.

Дәресебездә фигыль заманнарына күбрәк игътибар бирербез. Хәзер намбэ ап фикерләү алымын эшләп алыйк.Сезнең алдыгызда ясый, җырлый, уйный, укыган сөйли, уйлады, язган, бара, бии, оча, көлде, сала, китерә, кибә, җибәргән, кайткан, аңлата, сатты, курка, ага, сөрткән, яба, эшләде, кисә, ята, килгән фигыльләре бирелгән. Хәзерге заман фигыльләрне укыйсыз, ә уткән заман фигыленә очрыйсыз икән, берни дә эндәшмичә торып басасыз. Бер тапкыр тикшереп чыкканнан соң сорау бирелә. Ничә үткән заман хикәя фиг. санадыгыз? Уйларга 10 сек. вакыт бирелә. 2 номерлы укучыларның җаваплары тыңланыла.

Алдагы дәресләрдә алган белемнәребезне бер-берсенә бәйли беләбезме? Моны токин мэт фикерләү алымы ярдәмендә тикшереп карыйк. 3 номерлы укучылар А3 кәгазен алып, уртага фигыль заманнары дип язалар.

1. Бирелгән вакытта группалар фигыль заманнары турындагы белемнәрен файдаланып эшлиләр.2. Башка группа эшләрен карап фраза, идеяләрне бер- берсенә бәйлиләр.3.Үз урыннарына кайтып, нәтиҗә ясыйлар.4. Һәр команда башка командаларга үз презентациясен яклый.(2 мин. ясарга,2 мин. башка эшләрне бәяләргә, 2 мин. үз эшләрен яңадан карарга)

Үткән заман хикәя фигыль төрләрен дөрес кулланабызмы икән.Клок баддис структурасындагы партнерлар белән очрашып алыйк. Кем белән дүрттә очрашырга тиеш идегез, шуның белән очрашып, бирелгән вакытта кичә үзегезнең нишләгәнегезне һәм әниегезнең нишләгәнен иптәшегезгә сөйләгез.

Кемнең исеме озынрак сүзне шул башлый.(һәр балага 30ар сек.) Укучылар үз урыннарына утырганчы сорау бирелә. Кичә үзегезнең нәрсә эшләгәнегезне нинди заманда сөйләдегез? (билгеле үткән заманда) Ни өчен?

Әниегезнең нәрсә эшләгәнен нинди төрдә сөйләдегез? (Билгесез үт. заманда) Ни өчен?

Дәресебезгә нәтиҗә ясап, командаларга үткән заман хикәя фигыльнең моделен төзергә.

Үткән заман хикәя фигыль

Төп төрләре сораулары кушымчалар

мәгънәсе

Модельгә карап, үткән заман хикәя фигыльгә билгеләмә бирергә, аны җилкә күршегезгә әйтергә.

4 номерлы укучылар тыңланыла.

3. Йомгаклау.

Димәк, дәресебезне йомгаклап, нәтиҗә ясар вакыт җитте. Без бүген дәресебезгә нинди максат куйган идек?

• Максатыбызга ирешеү өчен ниләр эшләдек?(Заманнар искә төшерелә, алдагы дәресләрдә алган белемнәрне бер-берсенә бәйли алулары ачыклана.)

• Үткән заман хикәя фигыль турында ниләр белдек?

4. Өй эше.

Дәресебезне йомгаклап, шуны әйтәсем килә: фигыль заманнарын дөрес кулланмау сөйләм хатасы булып санала, нәтиҗәдә сочинение, изложение язганда үткән заман төрләрен бутау билгенең түбән куелуына сәбәпче була. Моны булдырмау өчен нинди чаралар кулланырга була? Дигән темага 50 самэри язарга.50 сүздән дә кимрәк булмаска тиеш, күбрәк ярый.