Классный час: Презентация 1-го национального класса

Негдгч келн - улсин классин презентац

Күцлнь: күүкдин кел өргҗүллһн, сурһульчнр болсинь йөрәлһн;

ончта, эрдмтә, күслтә болтха гиҗ йөрәлһн.

Класст дарцгуд, шармуд өлгәтә.

Самбрт плакатмуд, күүкдин зургуд бәәнә.

«Учат в школе» гидг айсд күүкд орад, орман эзлнә.

Багшин үг: Күндтә сурһульчнр! Күндтә эцк-экнр! Күндтә гиичнр!

Эндр өдр йир темдгтә болҗана. Юңгад гихлә, мана бичкдүд келн-улсин классин нерән батлҗана.

Сурһуль гисн амр биш төр. Күн болһнд эн төр кергтә. Зурсан, сансан эн хаалһдан күцәх зөвтәвидн.

Җирһлтн күҗәмҗтә болтха!

Оньдин дөрвн цагт

Амр аңхун бәәҗ,

Амулң менд бәәтхә!

Күүкд хальмг айсд бииһән үзүлв.

Школын һардачд үг өглһн. (Директор школы)

1.Сурһулин олн бичкдүд

Сурсн номдан мергҗтхә!

Сурһмҗ сәәтә багшнрин

Сансн күслнь күцтхә!

2.У, сарул школын

Үүдн секәтә, белн

Уха, эрдм дасхар

Ода бидн ирүвидн.

3.Һаха сарин нег шин

Һаң халун баһрв

Һартан цецгәс бәрсн

Шуугад бичкдүд цуглрв.

4.Школ үүдән секв,

Сурһулин җил эклв.

Цуһар эрт серв.

Цецгүдәр уульнц дүүрв.

5.Будем в школе мы читать и писать, и считать

Много-много будем знать.

Сколько будет два и два?

Что такое острова?

6.Пусть зовут нас «шестилетки»

Пусть не ставят нам отметки.

Не ведем мы дневники,

Все мы - У-че - ни - ки!

«Бичх, тоолх…» - дун

7.Би бичкн бишүв

Бийдән зөв настав

Мини нерн Даян,

Школд сурхдан дуртав.

8.Багшин цәәлһвр

Би тодлнав.

Урокан дасхан

Урдаснь саннав.

9.Цуһар, күүкд,

Мадниг дахтн!

Хальмг келән

Цугтан дастн!

…дарҗңнуд келлһн

10.Наснчн күцв - гиҗ

Намрин хоңх җиңв.

Негдгч класст орхар

Эңкр, Саңҗ ирв.

11.Ээҗнр- аавнр, элгн- садн,

Эндр темдгтә өдр.

Эрдмән сәәнәр дасхув гиҗ,

Үгән таднд өгчәнәв

…тоолдгуд келлһн

12.Негдгч класст күүкд

Намрар орх болв.

Ширнь гилвксн дегтрмүд

Шин дорвадан дүрв

13.Зурһан нас күцҗ

Күүкд школд орв.

Сурһулин шин хувцн

Сәәхн ирлцҗ зокв.

14.Сентябрь сарин негн

Сарул сәәхн өдр

Багш, класс, сурһуль

Бичкн күүкд - сурһульчнр.

…Ээҗин хаша дотр. - дун

15.Сурһульч болхув,

Сурһуль дасхув.

Кергтә гисн

Кевтән белн!

16.Дегтрмүдән цеврәр хадһлнав.

Өрүн болһн эрт боснав.

Өдр дуталго школдан однав!

17.Би негдгч класст сурнав.

Сурһульдан шүлтҗ седклән тәвнәв.

Багш мадниг йир таасна,

«Билгтә күүкд» - гиҗ келнә.

18.Оньган сурһульдан тәвҗ,

Олндан туста болхув!

Өвкин кергиг цааранднь

Оньдин күцәх санатав.

Йөрәлин үг ахлачин дарук авв. (Рук.МО по НСО)

19.Хальмг келн -мини келн

Хазнас даву хазн.

Хальмг - мини келн

Хааҗ болшго нарн.

…Шавашмуд келлһн

20.Хальмг келн - мини келн

Зөөрәс даву зөөр

Хальмг келн - мини келн

Зөвәс даву зөв.

21.Мини хальмг келн -

Алтн сәәхн келн -

Мандлсн нарна герл!

Аавин - ээҗин келн.

22.Мини хальмг келн -

Мини ээҗин җирһл.

Школд келән даснав,

Шунҗ келхәр седнәв

…Эк - эцкнрт йөрәлин үг өглһн.

23.Сурһулин эклц өлзәтә болтха

Сансн санан күцтхә!

Сән медрл авхд

Багшнр нөкд болтха!

4-гч келн - улсин классин сурһульчнр бичкдүдиг йөрәлһн.