Внеклассная работа на тему

Ж. Досмухамедов атындағы педагогикалық колледжі

«Технология және бейнелеу өнері» кафедрасы

Тақырыбы: «Жаңа жылдық балмаскарад»

2а,2п,3п КШТ,1б,2б, 3б,4б КШТИЧ топтарындағы

Қортынды кеш Ж. Ж. Жонкарбаева

Орал

Қортынды кеш «Жаңа жылдық Балмаскарад»

Зал мерекеге сай безендірілген. Ортада жаңа жыл шыршасы. Музыка фонында ортаға екі жүргізуші шығады.
1-жүргізуші:Насима
-Армысыздар ардақты ағайын, Ұлағатты ұстаздар!
2- жүргізуші: Сержан
Бармысыздар, замандас, бауырлар, шабыты шәкірттер!
1-жүргізуші: Насима
Бүгін сізге жырдан алқа тағайын,
Шат күлкіге толы болсын маңайың.
Көргендер де көрмегенде арманда.
Жаңа жылың құтты болсын ағайын.
2-жүргізуші: Сержан
Зеңгір көкте жұлдыз болып жанайын,
Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.

1-жүргізуші: Насима
Бәрекелді, бәрекелді! Құрметі халайық! Бүгінгі жаңа жыл кешін барлығымыз көтеріңкі көңіл күймен, әсем ән, сәнді бимен өткізуге ат салысамыз деген үмітіміз бар.
2- жүргізуші; Сержан
Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер!
/Ортаға Жаңа жыл әнімен Айгүл мен Көркемді шақырайық!

1-жүргізуші: Насима
Құрметті жамағат "Жақсы сөз- жарым ырыс!" - деп дана қазақ айтқандай, жүрекке жылылық ұялатар алғашқы Жаңа жылдық құттықтау сөзді Жанат Жұмагерейқызына берелік

2-жүргізуші:Сержан
Армысың, аманбысың Жаңа жылың.
Жаңа жылым! О, менің Жаңа жырым!
Жылан жылы келгенде, сый ғып тартып,
Ақтарайық әнменен көңіл сырын.
1-жүргізуші: Насима
-Тыңдаңыздар, тыңдаңыздар! Өткен жылға ешкімнің өкпесі жоқ шығар, "Ескі жыл есіркесін, жаңа жыл - жарылқасын" демей ме?! Ортамызға тарихтан өтер "Ұлу" жылы келе жатқан көрнеді. Ескі жылымызды есімізге түсіріп, еңсемізді көртеріп қарсы алсақ, қалай қарайсыздар? (Ұлу келеді)
Ұлу жылы: Көркем Ассалаумагалейкум, ағайын! Армысыздар, халайық мен сіздермен бір жыл бірге болып енді міне тарих қайнауына тартқалы келдім. Биылғы жылдың берекелі,жетістігі мол,жаңалығы көп болды.Келесі жылғада мол табыс тілеймін! Студенттер сіздермен ән салып ойын ойналық (Ұлу студенттерге «Қар тастау ойынын ойнатады) Ұлу жылы:Көркем
- Ал, мен жылжиын, ағайын! Келген жылдарың құт береке сыйласын!

1-жүргізуші: Насима
Қош, өткен жыл!
Қош келдің Жаңа жыл.
2-жүргізуші: Сержан Ар бол, Жаңа жыл!
Бар бол, Жаңа жыл.
Қадамың құтты болсын, Жаңа жыл.
Бейбітшілік жылы бол, Жаңа жыл.
Құт-береке жылы бол, Жаңа жыл.
Жылан Айгерім : Сәлеметсіздер ме? Кешіккен жоқпын ба? Мен сондай асықтым, сондай жүгірдім.Кешігем деп қатты қорықтым.Менің ең жақсы қасиетім -жайлылығым.: Мен дағы бір қонақпын
Он екі жылда оралар
Үлкендерге ақ ниет
Сіздерге де ақ ниет.
Сіздерге мың рахмет.
Барлығы: Қош бол, Ұлу жылы, Қош бол!
1-жүргізуші: Насима
-Құрметті халайық, Бүгінгі Жаңа жылдық мерекемізбен құттықтап, кең байтақ Солтүстіктен Қар қызы келіп қалыпты. Ортаға шақырсақ қалай қарайсыздар? (Қарқызы келіп, сиқырлы таяқшасымен шырша шамдарын жағады. Ойындар ойнатады) 2- жүргізуші: Сержан
-Құрметті халайық! Бүгінгі Жаңа жыл кешіне сәйгүліктерін желдіріп, алтындатқан шанасымен Аяз ата мен сүйкімді Ақша қар келе жатыр деген хабар алып тұрмыз.

1-жүргізуші:Насима
Қуаныңдар, ағайын, тамсаныңдар.
Сүйінішпен маңайға жар салыңдар.
Аяз ата келеді Ақшақармен,
Қол соғып қошеметпен қарсы алыңдар!
/осы кезде музыкамен асыға күткен Аяз ата мен Ақшақар келеді./
Аяз ата:Сағынбай
Ассалаумағалейкум, Жыр кешкен ел,
Нарына нарық заман мінгескен ел.
Дәуірдің дүрмегіне үндескен ел,
Тәңірдің тылсымымен бірлескен ел.
1-жүргізуші: Насима
Ассалаумағалейкум, Ата!
Аяз ата: Сағынбай
Уағалейкумассалаум, балам!
2-жүргізуші: Сержан
Армысыз Ата! Армысың Ақша қар.
Аяз ата: Сағынбай
Бар бол, балам! Біз қай жерге келдік қарағым?
1-жүргізуші: Насима
- Республикаға танымал болған үлкен білім ордасы педагогика ғылымдарының докткры Шалқыма Хайроллақызы басқарып отырған Ж досмухамедов атындағы педагогикалық колледжінің он саусақтарынан өнер тамған,ұлттық қолөнерді бағалаған «Технология және бейнелеу өнері» кафедрасына қош келдіңіз!
Аяз ата: Сағынбай
- Бәрекелді, балам! Педагогикалық колледж қолөнерінің мекені деп естуші едім. Өнерге жақын өрендерің мұнда да бар шығар?
2-жүргізуші: Сержан
- Әрине, ата! Жаңа жылдық мерекемізбен құттықтап, өнердің өрінде жүрген не бір саңлақтар келіп қалыпты. Ортаға шақырсақ қалай қарайсыздар?

Ақшақар: Маншук Амансыздар ма,балалар, ұстаздар, ата-аналар! Өздеріңді сағынып келдік. Жаңа жылдарың құтты болсын.Жылан жылы табыс , береке, бірлік әкелсін.Тарихи жыл болсын. Мен сендермен жаңа жылды қарсы алғаныма өте қуаныштымын.Сіздер бізге өнер көрсетіп бересіңдер ме?
Жаңа жыл биімен 2а КШТ тобы
Ортаға әр топ өз өнерлерін көрсетті. 1-жүргізуші: Насима
Ал, Аяз ата , Ақша қар! Бағанадан бері алдарыңызда әдемі әзіл мен әдемілік сыйлаған әр жерден келген өнерпаздардың арасында табаны жерге тимей, шыр айнала билейтін шеберлер де бар көрінеді. Олай болса, осы азаматтардың арасынан жаңа жылдық костюм дайындаған өнерпаздар шығып, бидің құдіретін танытса дейміз.
2-жүргізуші: Сержан
Ал, Аяз ата, Ақша қар! Асығып тұрған секілдісіздер. Әрине, әлі де барар жер, басар тауларыңыз көп болғандықтан, сіздерді көп бөгемейік.
1-жүргізуші: Насима
-Иә, ата мына халқыңызға бата берер кезде келді ғой деймін.
Аяз ата: Сағынбай
Болар, болар...
Уа!!!
Мен батамды берейін,
Үстем болсын мерейің
Әрқашанда бұл елге,
Қуанышқа келейін.Жақсылық елден кетпесін,
Жамандық, келіп жетпесін.
Қызыр болсын жолдасың.
Әруақтар қолдасын!
Қара ниет дұшпаның,
Бұл жалғанда оңбасын.
Аман болсын, мал басың,
Адал болсын жолдасың.
Бейбітшілік заман болсын.
Ел іргесі аман болсын.
Осы айтқаным қабыл болып,
Батам менің тәммам болсын!
Әумин!
Жаңа жылдарың құтты болсын!!!
Барлығы бірге: Жаңа жыл құтты болсын!
Жаңа жыл әні орындалады.(Аяз ата, Ақшақарды шығарып саламыз.)

1-жүргізуші: Сержан Жаңа жылдық қортынды сөзді ақыл ойы жетілген саналы ұрпақты сезімі сергек, арманшыл дана ұрпақты тәрбиелеп жатқан білім ұясының кафедра басшысы Нұрлан Аманкелдіұлы Хамзинге береміз!

(Айлық аясында белсенділік танытқан студенттерді құттықтаулар,марпаттау рәсімі)

Кеш соңы биге жалғасты