- Преподавателю
- Классному руководителю
- Әдептілік белгісі тәрбие сағаты
Әдептілік белгісі тәрбие сағаты
Раздел | Классному руководителю |
Класс | - |
Тип | Другие методич. материалы |
Автор | Мухамбетова Д.Б. |
Дата | 14.10.2015 |
Формат | doc |
Изображения | Нет |
Тақырыбы: Әдептілік белгісі
Сабақтың мақсаты: Оқушыларды адамгершілікке, қарапайымдылыққа, кішіпейілділікке, әдептілікке, сүйіспеншілікке, еңбексүйгіштікке, өз халқының салт-дәстүрлерін үйрене отырып, жаман әдеттерден аулақ болуы керектігі туралы білімдерін қалыптастыру;
2) Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту, тіл байлығын, таным-белсенділігін арттыру;
3) Оқушыларды әдептілікке, сыпайылыққа тәрбиелеу.
Сабақтың барысы:
-
Ұйымдастыру кезеңі.
-
Әдептілік, адамгершілік туралы сұрақ-жауап:
-
Әдептілік дегеніміз не? Оны қалай түсінесің?
-
Әдепті бала қандай болу керек деп ойлайсың?
-
Әдепті болғың келе ме? Әдептілікті бізге кім үйретеді?
-
Әдепсіз адам қандай болады?
Демек, адам бойында жақсы-жаман қасиеттер болады екен. Міне, осындағы ақылдылықты, адалдықты, қарапайымдылықты, кішіпейілділікті, инабаттылықты, шыншылдықты ата-аналарымыз, ата-бабаларымыз, тәрбиеші-ұстаздарымыз үйретеді. Ал біз осындай жақсы қасиеттерді үйреніп, жаман мінез, әдеттерден, ұнамсыз қылықтардан аулақ болуға тырысады. Ал енді ақылды, әдепті балалар қандай болуы керек екенін біз мына өлең жолдарынан тыңдайық:
1-оқушы: Ата-ананың тілегі, адам болып өскені
Адамдықтың тірегі, адал болып өскені.
2-оқушы: Әдептілік дегенің, әрқашанда керегің.
Әсемпаздық дегенің, әуре салсаң әлегің.
3-оқушы: Спортпен айналыс, сұлулық сыйлаған.
Сол саған пайдалы іс, сауық пен кинодан!
4-оқушы: Тәртіпті бала сүйеніш,
Төбең бір көкке жетеді!
Тәртіпсіз бала күйініш,
Төмендеп басың кетеді!
Сұрақ-жауаптар:
-
Суреттер бойынша әңгімелеу.
(Адамгершілік, сыпайылық, қарым-қатынастарға бағытталған суреттер)
2. «Жалғастыр» ойыны.
а) Не істеуге болмайды? Осы сөз үлкен етіліп көрсетіледі. Мұғалім басқы сөзін айтады, оқушы ойланып жалғастыруы керек.
- Үлкендердің алдынан кесіп өтуге болмайды;
- Кішкентай баланы жылатуға болмайды;
- Құстарды атуға болмайды;
- Қыз баланы ренжітуге болмайды;
- Сабаққа кешігуге болмайды;
- Сыныпта айқайлауға болмайды; т.с.с жалғастырып айтады.
б) Не істеу керек? деп жазылып көрсетіледі.
- Үлкендерді сыйлау керек;
- Үлкендердің тілін алу керек;
- Кішілерге қамқор болу керек;
- Әдептілікті сақтау керек;
Құпия хаттарға жауап беру
(Хаттарды қатарынан қойып, 1 оқушы шығып, дауыстап оқиды. Қалғандары ойланып, жауабын айтады)
1-хат. Құрметті достар!
Менің көршімнің бір баласы бар. Өзі өтірікші, көзбе-көз өтірік айта қояды. Маған күнде келіп ойнағысы келеді. Менің онымен бірге ойнағаным дұрыс па?
2-хат. Құрметті достар!
Менің бір досым бар. Өзі мақтаншақ, ойнап жүргенде үй-ішін айтып, жаңа нәрселерін көрсетіп, кішкентайларды қалай ренжіткенін айтып ылғи мақтанады. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?
Қорытынды: Сабақты қорытындылай келе, оқушыларды адалдыққа, инабаттылыққа, шыншылдыққа үйрете отырып, адам бойындағы жақсы қасиеттерді енді ажырата аласыңдар деген ойдамын. Балалар жақсы мінез-құлықтарды әрдайым естеріңде сақтап жүрсе, нұр үстіне нұр жауар еді.