Тәрбие сағаты: «XXI ғасыр - салауатты қоғам ғасыры»

^{XXIҒАСЫР -} САЛАУАТТЫ ҚОҒАМ ҒАСЫРЫ

БҚО, Теректі ауданы, Ақсуат ЖОББ мектебінің жоғары санатты тарих пәнінің мұғалімі, мектеп директорының тәрбие жұмысы жөніндегі орынбасары Ескалиева З.М

1. Кіріспе сөз.Сәлеметсіздер ме, құрметті қонақтар, ұстаздар мен оқушылар!

Біз бүкіл адамзатпен бірге үлкен тарихи кезең - XXI ғасырға аяқ басып отырмыз. Бұның маңызы ерекше. Өйткені келер ғасырда өркениетті елдер катарынан орын аламыз десек, біздің халқымыз салауатты коғамда өмір сүруі тиіс.Салауатты өмір салтын қалыптастыру максатында «XXI ғасыр - салауатты қоғам ғасыры» атты іс-шарамызды ашық деп жариялаймыз.Бүгінгі іс-шараға қатысып отырған қонақтармен таныстыру.

II. Баяндама «Темекі аяусыз жау».

Әй. «Алатау» әні.

III. 1-кезең. Әр топ өз төсбелгілерімен, ұранымен таныстырады.

1-топ. «Салауат».

Ұранымыз: «Тәні саудың - жаны сау».

Төсбелгіміз: Аспан бейнелі, көк түсті. Ортасында медициналық көмек көрсету белгісі бар, яғни адам әрқашанда өз денсаулығын сактап отыруы кажет дегенді білдіреді.

Ақ түс - ақ халатты абзал жандар.

2-топ. «Денсаулық»

Ұранымыз: «Бірінші байлық -денсаулық». Төсбелгіміз: Жасыл түсті көк шөп табиғат бейнесі, өмірде бірінші орында болғандықтаң адам бейнесін алдық. Адам тіршілік игеруші және құрушы. Сондықтан адам денсаулығын сақтау қажет.

IV. 2-кезең. «Денсаулық - зор байлық».

Зиянды әрекеттерге байланысты әр топ өз өлең шумақтарын айтады.

1-оқушы:

Уа, жараңдар, жараңдар!

Қане, оян адамдар!

Денсаулығың мыкты боп,

Спортқа жақын карандар,

СПИД-ті сен жұқтырсаң,

Есірткінің түтінін будақтатып бұқтырсаң,

Жаман жолмен бұзылсаң,

Қызық көріп кетпессің,

Армандарың алдамшы,

Мұратыңа жетпессің.

2-оқушы:

Есірткі мен арағың,

Бүкіл жұртқа жат қылар.

Туысың сенен жалығып,

Жолдасың сырт айналар.

Ағзасы улы адамдар

Әдетте көп жасамас

Жас кезінде көз жұмып,

Қырықтан да аса алмас,

Жат қылықтан аулақ бол,

Есірткі, шылым, арақтан.

Салауатты өмірге лайық,

Игі істерге талаптан.

3-оқушы:

Шылым шекпе, арақ ішпе өмірде.

Арақ деген апарады өлімге,

Шылым да дерт секілді, іліп алған ерінге,

Шылым шегіп, арақ ішсең егерде,

Өмірің сенің көз алдыңда сөнуде.

«2030-ші бағдарлама»

Өмірің түскендей-ақ жаңа арнаға.

Денсаулықты сақтауды жолға қойды,

Айырылып бұл байлықтан қапы калма.

Ән. «Жылайды жапырақ»

V. Көрініс. «Салауатты өмір салтын қалыптастыру» тақырыбындағы жарнама көрінісі. Әр топ оқушылары маскүнемдік, шылымқорлық, нашақорлык тақырыптарына байланысты жарнама көрсетеді.

1-топ: «Салауат» тобы.

«Тағдырыңның кілті сенде»

Бір топ қыз келе жатады, ортасындағы қыз: «Қыздар мен кеше ағылшын тілінен жаксы баға алдым. Осы сессиямды жақсылап тапсырып, жазғы демалыста әке-шешемді куантсам ғой, шіркін!

Екінші қыз: Қыздар, қол бұлғап шақырып, күндіз-түні қиялға батыратын армандарың бар ма?

1-қыз: Менің арманым осы университетті бітіріп, білімді маман болу.

3-қыз: Құрбым, ол арманыңа жетерсің, ол үшін жақсы оқу керек.

Сахнаның екінші жағынан бір топ балалар шығады.

- Қыздар бері келіндерші.

2-қыз: Жүріңдерші, барайықшы. Білейік не үшін шақырып тұр екен?

1-қыз: Жоқ, жүріңдер кеттік, түрлері корқынышты ғой, бармай-ақ қояйыкшы.

2-топтың ортасынан

1-жігіт: Қыздар, неге сонша үркіп тұрсыңдар, сендерді керемет көкке десең көкке, жер түбіне десең жер түбіне, қиялынды самғататын бір затпен таныстырсақ деп тұрмыз.

2-жігіт: Өздерің бір көріңдерші, бір дозасын тегін береміз! Ұнамаса маған кел.

3-жігіт: Бір рет қана көріңдерші, тегін, ақша сұрамаймыз.

Сахна ортасында жүзі жүдеу қыз отыр. Жан-жағы шашылған темекі, шприц.

1-қыз:

Кетіп барам, сеземін қулап орға,

Қате басып түсіп қалдым білмей торға,

0, тәңірім, неге сонша қиналдым?

Алға бассам құз турғандай алдым да.

Тәуелді қып өз-өзімді бекерге,

Бұғауында сол құрғырдың кетем бе?

Күресуге дәрменім жоқ, шаршадым

Әке-шешем білмейді-ау мына халімді,

Соны ойласам, мұз басқандай тәнімді.

Буырқаған жастық мына шағымда,

Ауырып барам құрт жегендей жанымды.

Арман, тілек қалдың қайда шашылып?

Су сепкендей қалды көңілім басылып,

Күш-жігерді бойға жинап тұра алсам.

Қалмас мүмкін, ой мен санам жаншылып.

Сахна сыртындағы дауыс:

Тағдырыңның кілті сенде, өзің ғана иесі.

Несібеңді ал өмірден, саған ғана тиесілі.

Бойға қуат, жанға жігер шақырсаң,

Сонда ғана қиындықты, қиындықты жеңесің.

(Қыз бойын көтеріп, алға жылжиды):

Ұмтылайын, қиындықты жеңуге,

Еш қақым жоқ жанбай жатып, сөнуге

Кірпіш болып, өз орныма қаланып,

Үміт жібін қайта жалғап, болашаққа сенуге.

2-топ:

«Денсаулық» «СПИД кұрбаны»

- Уа, жаратылыс!

Адамзатка өмір берген құдіреттің кайнар көзі!

Сен естисің бе мені? Сүт сәулелі мына бір өмірдің бар қызығын көре алмай, арманда кетіп бара жатқан, жұмыртқадай жұмыр басты пенденің зарын тыңдашы бір сәт!

(Сахнада жүзін мұң шалған адам)

Өзімнен-өзім сыр тарттым,

Ем қонбай жүрген сырқатпын.

Шіріген картоп сияқты,

Бұрышында қалған бір қаптың.

Өзімнен-өзім тістенем,

Шарабым да тұр ішпеген,

Ұйықтайын десем қорқамын,

Көрмейтін сұмдық түс көрем.

Әкесі: Ей, мына бала нағып тұр. Мұғаліміне жолықсам сабақ оқымайды, жасағаны тентектік дейді. Бұл балаға ішпегенді ішкіздім, кимегенді кигіздім, не бітіріп жүр өзі.

Анасы: Ойбай, жалғыз балада нең бар? Өскенде есі кіреді де. Жігіттің жанына бұзық балалар келеді.

- Ей, Аскар, неғып тұрсың шекпейміз бе? (2-3 жыл уақыт өтті.
Бала ауруханаға түседі. СПИД-ке шалдыққанын біледі).

Жігіт сөзі:

Бұл тірліктен не тындырдым, не көрдім ?

Құрбанымын СПИД деген кеселдің.

Ақтамай-ақ кетіп барам арманын,

Жалғыз балам деп өсірген әкемнің.

Кім кінәлі, аялаған анам ба?

Бар қажетті даярлаған қоғам ба?

Тек қана өзім кінәлімін сол үшін

Улы дерттің құрбаны мен болам да.

Жас жеткіншек!

Өздеріңе өлер кезде айтып кету борышым,

Ауырсаңдар бұл кеселмен, дәрігер де бере алмайды қол ұшын.

Құтқаратын күш жоқ, онда әлсіз тірі өліксің,

Жат әдет пен темекіге,

Есірткіге жоламаңдар сол үшін!

VI. Тригерлі суреттер

1-сурет. Адамның алдында екі түрлі жол тұр. Ұзын және қысқа неліктен олай?

2-сурет. Адам қандай сезімде тұр. Не ойлайды? Би: Татар биі.

VII. Профилактикалык минут 1-топқа: Жас өспірімдер неге темекі шегеді? 2-топқа: Темекі құрамындағы улы заттар, олардың ағзаға кері әсері кандай? Ән: «Көктем» әні.Жүргізуші: Бүгінгі кештен денсаулық жайлы көп нәрсені ұқтык. Содан қорытынды жасай білейік. VIII. Қорытынды сөз. Бүгінгі таңда, адамзат өзінің дамуында көп ілгері жылжуда. Сонымен қатар бүгінгі күні біздің планетамызда тұратын адамдардың басына 3 басты жыландай - темекі шегу, ішімдікке салыну және нашақорлық қаупі туып отыр. Біздің егеменді еліміздің өзегіне құрт түсіп, осындай дертке шалдықпау үшін жаман әдеттерге қарсы күресу парызымыз. Шығыс данасы, ғалымы Әл-Фараби «Баласын көріп, елін таны» деген екен. Қандай данышпандықпен айтылған сөз. Егер жастарымыз есірткі шырмауында жүрсе, онда қандай ел болмақпыз. «Ел болам десең - бесігіңді түзе» деген екен халқымыз. Сондықтан жас достар болашағымыз сіздерге байланысты.