Тәрбийә саати: Қазақстан йоли-2050: Бир мәхсәт, бир мәнпийәт, бир келәчәк намлиқ Президент мәктүби -келәчәккә йол!

Тәрбийә саатиниң мавзуси : «Қазақстан йоли - 2050: "Бир мәхсәт, бир мәнпийәт, бир келәчәк» намлиқ Президент мәктүби -келәчәккә йол!»

Тәрбийә саатиниң мәхсити: Оқуғучиларни Вәтәнни сөйүшкә, бирликкә, әл тарихини билишкә,елимизниң мәмликәтлик рәмизлирини һөрмәтләш вә қәдирләшкә, Вәтинимизниң байлиғини сақлашқа, елимизниң өрлишигә билимлик әвлат болушиға тәрбийәләш

Тәрбийә саатиниң көрнәкликлири: Қазақ елиниң сүрәтлири, Қазақстан Жумһурийитиниң рәмизлири: туғи, Гимни,Герби,Н.Назарбаевниң сүрити,қанатлиқ сөзләр,Қазақстан тоғрисида шеирлар.

Тәрбийә саатиниң бериши

-Қазақстан тоғрисида немә билимиз?

(Оқуғучиларниң жаваплири)

Мән Қазақстанда туримән.Мән Қазақстанда билим еливатимән.Мән елим билән махтинимән вә пәхирлинимән.Мениң елимниң көклинип, гүллинишини халаймән.

Ой қозғаш:

-Биз қандақ мәмликәттә туримиз?

-Қазақстан

-ҚЖ-ниңПрезидентиниң бу жилқи хәлиққә йоллиған мәктүби қандақ атилиду вә бу мәктүптә немә дейилгән?

Қиммәтлик оқуғучилар, мана биз елимиз билән пәхирлинимиз.Бу әркинлик оңайлиқ билән қолға кәлгини йоқ. Бизниң мәмликитимиз әркинликкә йетиш үчүн қанчилик қийин-қистақ пәйтлирини баштин кәчүрди. Қазақ ели миңлиған тарихқа егә мәмликәт. Қаақстан мустәқиллик алди.

- 17 январь күни бизниң Президентимиз «:Қазақстан йоли - 2050: "Бир мәхсәт, бир мәнпийәт, бир келәчәк» намлиқ мәктүбини йоллиди

Елимизниң Президенти бир жил бурун 2050-жилғичә болған тәрәққиятиниң йеңи сәясий программисини елан қилған еди. Асасий мәхсәт - Қазақстанниң әң тәрәққий әткән оттуз дөләтниң қатариға қошулуши. У - «Мәңгүлүк Қазақстан» лайиһиси, елимиз тарихидики биз қәдәм ташлайдиған йеңи дәвирниң йеңи қияпити.

Қазақ ели өткән жигирмә икки жилда наһайити нурғун ишларни әмәлгә ашурди. Бүгүнки күндә биз үлгилик тәрәққиятниң өзигә хас моделини шәкилләндүрдуқ. Һәрбир вәтәндишимизниң жүригигә елимизға дегән чәксиз мәғрурлиниш сезимини орнаттуқ. Қазақстанлиқлар әтики күнигә, елимизниң келәчигигә ишәнч билән қарайду. Хәлиқниң 97 пайизи иҗтимаий әһвалниң турақлиғини һәм униң һәр жили яхшилинип келиватқанлиғини қәйт қилиду.

Президентимиз өз сөзидә тәкитләп ейтқандәк, бүгүнму Вәтинимизниң утуқлири - һәрбир гражданниң миллий иптихари. Пәқәт күчлүк, қувәтлик дөләтләрла узақ муддәткә молҗаланған планлар, турақлиқ ихтисадий өсүш билән шуғуллиниду. «Қазақстан-2050» Стратегияси - барлиқ саһани өз ичигә алидиған вә өсүшни тәминләйдиған йеңилиниш йоли. У - дөләтчилигимиз билән бирлигимиз, әрлигимиз билән әмгигимиз синилидиған, синалған һалда чиниқидиған чоң емтиһан. Стратегияни сөзсиз орунлап, емтиһандин утуқлуқ өтүш - ортақ пәриз, абройлуқ вәзипә!

ХХІ әсирниң Қазақстани - талантлиқ, әмгәксөйгүч, толерантлиқ хәлиқниң бари-йоқи икки он жиллиқта «нольдин» башлап қурған дөлити. Бу - бизниң һәммимиз пәхирлинип тилға алидиған умумий утуғимиз! Бу - бизниң чәксиз сөйидиған улуқ пәрзәндимиз.

Биз, қазақстанлиқларниң, әл келәчигиниң тутқисини мәккәм тутуши үчүн «Қазақтан-2050» Стратегиясини қобул қилдуқ. Бүгүнму нурғунлиған утуққа йәткән дөләтләр - Хитай, Малайзия, Түркия узақ муддәтлик план бойичә ишләватиду. ХХІ әсирдә стратегиялик планлаш әң муһим қаидә болуп һесаплиниду. Әгәр мәмликәт өз йөнилиши билән баридиған җайини билмисә, униңға һечқандақ шамал ярдәмгә келәлмәйду. 2050 Стратегияси йоруқ чирақ охшаш асасий мәхситимизни йоқатмай, гражданлиримизниң күндиликтики тирикчилигиниң мәсилилирини һәл қилишқа мүмкинчилик яритиду. Бу бизниң 30 - 50 жилда әмәс, һәр жили хәлиқ турмушини яхшилайдиғанлиғимизни билдүриду.

«Стратегия - күндин-күнгә, жилдин-жилға елимизни, қазақстанлиқларниң өмрини парлақ қилидиған ениқ әмәлий ишлар программиси. Бирақ базар ихтисади шараитида асмандин нәп күтмәй, нәтиҗидарлиқ әмгәк қилишниң керәклигини һәрким чүшиниши лазим. Дөләтниң вәзиписи - шуниңға толуқ шараит яритиш. Дунияниң тәрәққий әткән әллири арисидики Вәтинимизниң пәқәт мунасип Келәчигила қазақстанлиқларни мәңгү бириктүридиғанлиғиға ишинимән»-, деди Президент

Назарбаев тәрәққий әткән 30 дөләт қатариға кириш планини тәвсийә қилди. Президент тапшурмиси бойичә Һөкүмәт ениқ концепция лайиһисини ишләп чиқти. Мошу Мәктүптики тапшурмилар инавәткә елинип ишләнгәндин кейин ениқ бәкитилидиған бу һөҗҗәтни, умумән алғанда, қоллап-қувәтлиди. Көплигән тәхминләр бойичә, алдики 15 - 17 жил Қазақстанниң кәң даирилик йүксилиниши үчүн «мүмкинчиликләр көзи» болмақ. Бу басқучта ташқи муһитниң қолайлиқлиғи, ресурсларға, энергиягә, озуқ-түлүккә еһтияҗниң өсүши, индустриаллиқ инқилапниң пишип-йетилиши сақлиниду. Биз бу басқучни пайдилинишни билишимиз керәк.

Биз 2050-жилниң мәхситигә қарап мурәккәп аләмшумул риқабәтчилик шараитида илгириләймиз. Алдимиздики он жиллиқларда һазирниң өзидә болуватқан ховуп-хәтәрләр, дуниявий нәрқ билән дуния сәяситидики тәхмин қилип болмайдиған әһваллар, йеңи боһранлар аз учрашмайду. ХХІ әсирдә «оңайла бесип өтүш» дегән болмайду.

Әсирниң оттурисиму йеқинлап қалди. Дунияниң тәрәққий әткән дөләтлири мошуниңға мунасивәтлик ениқ стратегияләрни тәйярлаватиду. ХХІ әсирниң оттуриси мурәккәп болидиғанлиғи ениқ, әнди дуниявий оттузлуқ топиниң тәркивигә киридиған үмүткарларниң сани чәкләнгән болиду. «тәрәққий әткән дөләт» чүшәнчисиниң вақитқа мувапиқ өзгирип туридиған категория екәнлигини бирнәччә қетим ейтилди. Тәрәққий әткән дөләтләрдә хәлиқниң тамамән йеңи өмүр сүпити пәйда болмақта.

Бүгүнму тәрәққий етиватқанлиқниң чоң көрсәткүчлирини Ихтисадий һәмкарлиқ вә тәрәққият тәшкилатиға (ИҺТТ) әза дөләтләр көрситиватиду. Униңға дуниявий ички умуммәһсулатниң 60 пайиздин ошуғини йетиштүридиған 34 дөләт кириду. ИҺТТқа киришкә йәнә алтә дөләт - Бразилия, Хитай, Һиндстан, Индонезия, Россия вә Җәнубий Африка Җумһурийити үмүткар болуватиду. Тәшкилатқа әза барлиқ дөләтләр чоңқур йүксилиниш басқучидин өтти, инвестицияниң, әмгәк үнүминиң, кичик вә оттура тиҗарәтни тәрәққий әткүзүшниң, хәлиқ турмуши стандартлириниң алий көрсәткүчлиригә егә болуватиду. Әлвәттә, ИҺТТ дөләтлириниң келәчәк узақ муддәтлик сүръити инавәткә елинғандики индикаторлири - йәр йүзидики тәрәққий әткән 30 дөләтниң қатариға кириш йолидики бизниң базилиқ йөнилишимиз мошу.

Президент Қазақстанда ИҺТТниң бирқатар қаидилири билән стандартлирини җарий қилиш вәзиписини қойди. Улар концепция лайиһисидә өз ипадисини тапқан.

Ихтисатта ички умуммәһсулатниң һәр жилдики өсүмини 4 пайиздин кам қилмаслиқ мәхсәт қилинмақта. Инвестиция көләмини һазирқи 18 пайиздин пүткүл ички умуммәһсулат көләминиң 30 пайизиғичә көпәйтиш керәк. Ихтисатниң илмий тәминләш моделини җарий қилиш Қазақстанниң экспорт йөнилишидики хам әшиялиқ әмәс мәһсулатниң үлүшини 70 пайизға ашуруш мәхситини көздә тутиду.

Ихтисатниң алий технологиялик йеңи саһалирини қуруш илим-пәнни мәбләғ билән тәминләшни ички умуммәһсулатниң 3 пайиздин кам әмәс дәриҗисигичә ашурушни тәләп қилиду. Ички умуммәһсулатниң энергия истимал қилиш көләмини икки һәссигә азайтиш әһмийәтлик. Кичик вә оттура тиҗарәт 2050-жилғичә Қазақстанниң ички умуммәһсулатиниң һазирқи 20 пайизи орниға кам дегәндә 50 пайизини ишләп чиқиридиған болиду. Әмгәк үнүмдарлиғини бәш һәссигә - һазирқи 24,5 миңдин 126 миң долларға ашуруш керәк.

Иҗтимаий саһани тәрәққий әткүзүшниң 2050-жилғичә болған асасий йөнилишлири ениқ индикативлиқ рәқәмләрдә көрситилгән. Биз ички умуммәһсулат көләмини җан бешиға чаққанда 4,5 һәссә - 13 миң доллардин 60 миң долларғичә ашурушумиз керәк. Қазақстан хәлиқ қурулумида оттура тәбәқә үлүши бесим әлгә айлиниду. Урбанизацияниң дуниявий җәрияниға мувапиқ шәһәр турғунлириниң үлүши барлиқ хәлиқниң һазирқи 55 пайизидин 75 пайиз дәриҗисигичә өсиду. Қазақстанниң шәһәрлири билән аһалилиқ пунктлирини сүпәтлик йоллар билән транспортниң барлиқ түриниң чапсан маршрутлири бағлаштуриду.

Сағлам һаят тәризиниңшәкиллиниши, медицининиң тәрәққияти қазақстанлиқларниң һаят кәчүрүш узақлиғини 80 яшқичә ашуриду. Қазақстан медицинилиқ туризмниң йетәкчи евразиялик мәркәзлириниң биригә айлиниду. Илғар вә риқабәткә қабил миллий билим бериш системисини қуруш аяқлишиду.

Қазақстан дунияда адәмләр үчүн бехәтәр вә һаят кәчүрүш үчүн қолайлиқ дөләтниң биригә айлиниши керәк. Течлиқ билән турақлиқ, адил сот вә һоқуқ тәртиви дегинимиз - тәрәққий әткән дөләтниң асаси.

Қазақстанниң дуниядики әң тәрәққий әткән 30 дөләтниң қатариға кириш концепциясидә келәчәктики ишларниң узақ муддәтлик әвзәлликлири бәлгүләнгән.

қоюлди.

Шуниң билән 2050-жилғичә болған жиллар йәттә бәш жиллиққа бөлүниду. Уларниң һәр қайсиси бир мәхсәт - тәрәққий әткән 30 дөләтниң қатариға киришниң мәсилисини һәл қилиду.

Иккинчи вә униңдин кейинки бәш жиллиқларда мобильлиқ, мультимедиялиқ, нано вә космослуқ технологияләр, робот техникиси, генлиқ инжиниринглиқ саһалирини, келәчәк энергиясини издәш билән уларни тепишниң асасини салған тоғра. Дөләт ишиниң асасий қисми Қазақстан бизнесини, шуниң ичидә кичик вә оттура тиҗарәтни тәрәққий әткүзүшкә мүмкинқәдәр қолайлиқ шараит яритиш болиду. Йеқин келәчәктики 10 - 15 жилда илим-пән көп тәләп қилинидиған ихтисадий базис һасил қилиш керәк, униңсиз биз дунияниң тәрәққий әткән дөләтлири қатариға кирәлмәймиз. Буни тәрәққий әткән илим-пән арқилиқ һәл қилишқа болиду.

Қазақстан гөш вә сүт мәһсулатлирини экспорт қилидиған региондики чоң дөләткә айлиниши керәк. Деханчилиқта суни көп тәләп қилидиған мәһсулдарлиғи төвән зираәтләрниң көләмини қисқартиш, уларни йәл-йемиш, майлиқ вә озуқлуқ мәһсулатлар билән алмаштуруш йолиға чүшүшүмиз керәк. Агрохимикатларни теҗәмлик истимал қилишниң, шор йәрләрдә топини нольлуқ қайта ишләштин башлап, заманивий технологияләр билән өзгиму инновацияләрни қоллинишни кәңәйтишниң комплекслиқ чарилири һаҗәт.

«Йешил» ихтисатқа көчүш бойичә қобул қилинған концепциягә мувапиқ, 2030-жилғичә етизлиқларниң 15 пайизи суни ихтисат қилиш технологиялиригә көчирилидиған болиду. Биз аграрлиқ илим-пәнни тәрәққий әткүзүп, тәҗрибилик аграрлиқ-инновациялик кластерларни тәшкил қилишимиз һаҗәт. Вақит көчидин қалмай, тәбиий озуқ-түлүк йетиштүрүш билән биллә қурғақчилиққа төзүмлүк

Әң алди билән, бизниң жүклиримизни тошуш үчүн Бажхана иттипақи даирисини толуқ пайдилиниш тоғрилиқ сөз болуватиду. «Ғәрбий Астанадики Дуниявий ЭКСПО-2017 көргәзмисигә тәйярлиқни келәчәкниң энергиясини издәш вә ясаш бойичә илғар дуниявий тәҗрибини үгиниш вә җарий қилиш мәркәзлирини қуруш үчүн пайдилиниш керәк. Мутәхәссисләр топи Назарбаев Университетиниң қоллап-қувәтлиши билән бу ишқа киришиши керәк. Биз җәмийәтлик транспортни йеқилғуниң экологиялик таза түрлиригә көчиришкә, электромобильларни җарий қилишқа вә улар үчүн һаҗәт инфрақурулумни қелиплаштурушқа шараит яритишимиз һаҗәт. Елимиз бензинни, дизель йеқилғусини, авиация керосинини көп йетиштүрүшни һаҗәт қиливатиду. Йеңи нефтьни қайта ишләш заводлирини селиш һаҗәт.

Шуниң билән биллә ядролуқ энергетикини тәрәққий әткүзүшниң келәчигини ядимиздин чиқармаслиғимиз лазим. Дунияниң йеқин аридики тәрәққиятида әрзән атом энергиясигә болған еһтияҗ өсиду. Қазақстан - уран йетиштүрүшниң дуниядики карван беши. Биз АЭС йеқилғуси үчүн өзимизниң санаитимизни тәрәққий әткүзүп, атом станциясини селишимиз керәк.

Бизниң келәчәккә барар йолумиз қазақстанлиқларниң ихтидарини ачидиған йеңи мүмкинчиликләрни яритишқа бағлиқ. ХХІ әсирдики тәрәққий әткән дөләт дегинимиз - паалийәтчан, билимлик вә саламәтлиги мустәһкәм гражданлар. Буниң үчүн биз немә қилишимиз керәк?

Биринчидин, барлиқ тәрәққий әткән әлләрниң сүпәтлик бирпүтүн билим бериш системиси бар. Миллий билим беришниң барлиқ басқучлириниң сүпитини яхшилаш үчүн бизни чоң ишлар күтүватиду. 2020-жилғичә Қазақстандики 3 - 6 яш арилиғидики балиларни мәктәпкичә болған билим билән 100 пайиз тәминләш мәхсәт қилинмақта. Шуңлашқа уларға заманивий программилар билән оқутуш методикилирини, билимлик мутәхәссисләрни тәвсийә қилиш әһмийәтлик. Оттура билим системисида умумий билим беридиған мәктәпләрни Назарбаев әқлий мәктәплиридикидәк оқутуш дәриҗисигә йәткүзүш керәк. Мәктәп учумкарлири қазақ, рус вә инглиз тиллирини билиши лазим. Уларни оқутуш нәтиҗиси оқуғучиларниң тәнқидий ойлаш, иҗадий издиниш билән әхбаратни чоңқур тәһлил қилиш мәшиқлирини өзләштүрүш болушқа тегиш.

Йеқин аридики үч жил ичидә, 2017-жилғичә орун йәтмәсликни йоқитип, һаҗәт йәрләрдә елимиздики барлиқ мәктәпләрни икки сменилиқ оқутушқа көчириш һаҗәт. Һөкүмәт билән һакимлар мошу вәзипини орунлаш үчүн бюджет мәблиғиниң бөлүнүшини қараштурғини тоғра. Йеқин аридики икки, үч жилда дуальлиқ, техникилиқ вә кәспий билим беришниң илмий системисиниң асасини қелиплаштуруш лазим. Келәчәктә яшларниң техникилиқ билим елишини дөләт тәрипидин капаләтләндүрүшкә көчүшни қараштуруш керәк. Һөкүмәткә 2014-жилниң 1-июниғичә мошу мәсилә бойичә ениқ тәклипләрни тәвсийә қилишни тапшуримән.

Иккинчидин, саламәтлик саһасидики муһим әвзәллик- дәсләпки медицинилиқ-санитарлиқ ярдәм көрситишни тәрәққий әткүзүш. Мәҗбурий медицинилиқ ғәмсизләндүрүшни җарий қилиш мәсилилирини тәтқиқ қилған тоғра. Дөләтниң, ишбәргүчиләрниң вә хадимларниң саламәтлик үчүн умумҗавапкәрчилиги - медицинилиқ хизмәтниң барлиқ системисиниң асасий қаидиси. Спорт билән шуғуллиниш, дурус тамақлинишни билиш, системилиқ профилактикилиқ тәкшүрүлүш - ағриқниң алдини елишниң асаси.

Дунияниң тәрәққий әткән 30 дөлитиниң қатариға кириш интилишимизни биз икки басқучта әмәлгә ашурушимиз керәк.

Биринчи басқуч ХХІ әсирдики «Мүмкинчиликләр көзини» пайдилинип, йеңилиниш сүръити һаҗәт болған 2030-жилғичә басқучни өз ичигә алиду. Қазақстан мошу вақит ичидә тәрәққий әткән әлләрниң өткән йүз жиллиқтики индустриаллиқ тәрәққият басқучида атқурған ишлирини әмәлгә ашуруши керәк. Буни әмәлгә ашурушқа убдан болиду. Җәнубий Корея, Сингапур мошундақ йолдин өтти.

Бу басқучта биз ихтисадимизниң әнъәнивий саһалириниң тәрәққий етишини тәминләп, қувәтлик индустриаллиқ санаәт секторини қуримиз.

Иккинчи басқучта 2030 - 2050-жиллар арилиғида елимизниң илмий тәминләнгән вә йешил ихтисат қаидилиригә асасланған турақлиқ тәрәққиятини тәминлишимиз һаҗәт. Биз қувәтлик қайта ишләш санаитини қелиплаштуримиз. Әнъәнивий саһаларда жуқури қайта ишләнгән мәһсулатлар чиқиришқа көчүш әмәлгә ашурулуп, илмий тәминләнгән ихтисатниң базиси сүпитидә инжиниринглиқ хизмәтләр тәрәққий етиду.

Биз, қазақстанлиқлар - бир хәлиқ!

Биз үчүн ортақ тәғдир - бу бизниң Мәңгүлүк Әл, мувапиқ һәм улуқ Қазақстан!

Мәңгүлүк әл - умумқазақстанлиқ ортақ чаңриғимизниң миллий ғайиси. Әҗдатлиримизниң армини.

Мустәқил тәрәққиятимизниң 22 жилида барлиқ қазақстанлиқларни бирләштүридиған, дөләт келәчигиниң һулини салған асасий қәдрийәтләр дунияға кәлди.

Улар асмандин чүшмиди. Бу қәдрийәтләр - вақит синиғидин өткән Қазақстанлиқ йол тәҗрибиси.

Биринчидин, бу - Қазақстанниң мустәқиллиги вә Астанаси.

Иккинчидин, бу - җәмийитимиздики миллий бирлик, течлиқ вә разимәнлик.

Үчинчидин, бу - зайирлиқ җәмийәт вә алий мәнавият.

Төртинчидин, бу - индустрияләштүрүш билән инновацияләргә асасланған ихтисадий тәрәққият.

Бәшинчидин, бу - Умумға Ортақ Әмгәк Җәмийити.

Алтинчидин бу - тарихниң, мәдәнийәт билән тилниң умумийлиғи.

Йәттинчидин, бу - елимизниң миллий бехәтәрлиги вә пүткүл дуниявий, регионаллиқ мәсилиләрни һәл қилишқа дуниявий турғидин қатнишиши.

Мошу қәдрийәтләр нәтиҗисидә биз һәрдайим ғалибийәткә йәттуқ, елимизни мустәһкәмлидуқ, улуқ утуқлиримизни ашурдуқ.

Йеңи Қазақстанлиқ Вәтәнпәрвәрликниң ғайивий асаси мошу дөләтчиликтә, умуммиллий қәдрийәтләрдә ятиду.

Президент Мәмурийитигә, Һөкүмәткә, Қазақтан хәлқи Ассамблеясигә «Қазақстан-2050» умуммиллий һәрикити билән бирлишип «Мәңгүлүк Әл» Вәтәнпәрвәрлик актини тәйярлап, қобул қилишни уюштурушни тапшуримән.

Биз өз хәлқимизниң мәнпийити йолида улуқ мәхсәтләрни алдимизға қойимиз, шуңлашқа мән барлиқ сәясий партияләрни, җәмийәтлик тәшкилатларни, барлиқ қазақстанлиқларни 2050 Стратегиясиниң асасий мәхситигә йетиш бойичә ишқа паал қатнишиши керәк.

Президент яшлиримизға «Бу Стратегия силәргә беғишланған.

Уни әмәлгә ашуридиғанму, йемишини көридиғанму силәр. Өз иш орунлириңларда олтирип, мошу ишқа һәрбириңлар қатнишиңлар. Бепәрва болмаңлар» -дәп ейтти.

Дөлитимизниң келәчигини барлиқ хәлиқ билән биллә ясаңлар!

Мәңгүлүк Әл - әҗдатлиримизниң миң жиллардин бери келиватқан есил армини.

Бу арман - дуния дөләтлири билән тәң мунасивәт орнитип, дуния хәритисидин оюп туруп орун алидиған Мустәқил Дөләт атилиш еди.

Бу арман - турмуши паравән, түтүни түз чиққан, әвлади әтики күнигә ишәнчә билән қарайдиған бәхитлик Әл болуш еди.

Биз арманларни һәқиқәткә айландурдуқ. Мәңгүлүк Әлниң һулини қурдуқ.

Мән җәмийәттә «Қазақ елиниң миллий ғайиси қандақ болуши керәк?» дегән соал пат-пат муһакимигә чүшүватқинини көрүватимән. Биз үчүн келәчигимизгә мәшъәл болидиған, милләтни бирләштүрүп, улуқ мәхсәтләргә йетәкләйдиған ғайә бар. У - Мәңгүлүк Әл ғайиси.

Мустәқиллик билән биллә хәлқимиз Мәңгүлүк Арманлириға қол йәткүзди.

Биз елимизниң жүриги, мустәқиллигимизниң тириги - Мәңгүлүк Пайтәхтимизни турғуздуқ.

Қазақниң Мәңгүлүк Һаяти әвлатниң Мәңгүлүк Келәчигини паравән қилишқа беғишлиниду.

Әндики әвлат - Мәңгүлүк Қазақниң Пәрзәнди. Демәк, Қазақ Елиниң Миллий Ғайиси - Мәңгүлүк Әл.

Мән Мәңгүлүк Әл чүшәнчисини миллитимизниң улуқ йоли - «Қазақстан -2050» Стратегиясиниң түп қозиғи қилип алдим.

Мустәқилликкә қол йәткүзгәндин көрә, уни тутуп қелиш қийин.

Бу - дуния кәңлигидә һаят кәчүргән талай хәлиқниң бешидин өткән тарихий һәқиқәт. Өзара чүшәнмәслик билән тәрәп-тәрәпкә тартқан берикәтсизлик талай әлниң тәғдирини күмпәйкүм қилған. Тирикчилик қийинчилиқлириға бәрдашлиқ берәлмәй йәр йүзидин милләт сүпитидә йоқилип кәткән әлләр көпләп санилиду.

Биз өзгиниң хаталиғидин, тарихниң савақлиридин үгинишимиз лазим. У савақларниң түгүни пәқәт бирла - Мәңгүлүк Әл болуш бизниң өз қолумизда. Буниң үчүн өзимизни дайим қамчилап, дайим алға интилишимиз керәк.

Байлиғимизму, бәхтимизму болған Мәңгүлүк Мустәқиллигимизни көзниң қаричуғидәк сақлашни билишимиз керәк.

«Қазақстан-2050» - Мәңгүлүк Әлгә башлайдиған әң абройлуқ, әң мәртивилик йол. Мошу йолдин чәтнимәйли.

Һәрбир күнимиз мәйрәм, һәрбир ишимиз бәрикәтлик болсун!

Тәрәққиятимиз сүръәтлик, келәчигимиз парлақ болсун!

Ярқин ишлар билән пүткүл дунияни һәйран қалдуруп, Яшавәрсун Дөләтчилигимиз Мәңгүлүк!

Нахша: Елім менің.( тиңшилиду)

Тил ,мустәқиллик, Вәтән тоғрисида мақал-тәмсилләр, шеирлар оқулиду

Йәкүнләш

Мәктүп тоғрисида немини чүшәндиң?

-Мошу ейтилған сөзләргә немини қошқан болардиңлар?

«Оюн»

«Мән Президент болсам хәлқимгә мәктүбим»

Оқуғучиларға өз ойлирини ейтқузуш

Нахша: « Көк тудың желбірегені. (тиңшилиду)

Мән 21-әсир Қазақстанниң «алтун әсири » болидиғиниға ишинимән.

Бу әркинлик,турақтилиқ билән гүллинишниң әсири болиду.

Қазақстан хәлқи тарихниң егиси атилишиға лайиқ.

Биз көзлигән мәхситимизгә миннәтлик түрдә йетимиз.

Арман қилған азатлиғимиз билән әркинлигимиз утуқлуқ болсун

Мәңгүлүк әл болуш йолидики улуқ ишлиримиз йеңи дәвиримизгә йол ачсун!- дегән әлбашчимизниң ахирқи сөзлири билән сөзүмни тамамлимақчимән. Дәрисни тиңшап қатнашқиниңларға рәхмәт!