Өзiн-өзi тану сабағының жоспары

Өзiн-өзi тану сабағының жоспары

Мектеп: №54 негізгі мектебі

Мерзiм: 25.06.2015жыл № 25-сабақ

Тақырып:Өмір,қымбатсың маған!

Мұғалiм: Абишева Зулфия Өтесінқызы

Класс: 7 «А» Оқушылар саны:14

Құндылық: Қиянат жасамау

Қасиеттер: Шыншылдық,қарапайымдылық,адалдық.

Сабақ мақсаты: Өмірдің қымбаттылығын қиянат жасамау құндылығы арқылы ұғындыру

Міндеттері:

- Шындықтың мәнін түсіндіру;

- қасиеттенрді дамыту;

- Адалдыққа тәрбиелеу;

Ресурстар: (оқулық, жұмыс дәптері, аудиожазба, бейнеклип, өлеңнің сөзі) «Хрустальная грусть» әуені

Сабақ барысы:

1.Ұйымдастыру кезеңi.5Т

2. Тыныштық сәтi.

«Күннің нұры»

Ыңғайланып отырып, денелеріңізді тік ұстаңыздар. Аяқ-қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіңіз, күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет!

Үй тапсырмасын тексеру.

25-сабақ сөзі: Т.Молдағалиевтікі, әні: Ә.Бейсеуовтікі

Өмір жыры өлеңін жаттап келу.

• Ойынға жеңілмеуіндегі мәні неде?

• Неге емтиханға бағалап жүр?

• Өмір несімен дәлелдеп тұр?

• Адал өмір сүру дегенді қалай түсінесің?

• Шынайылықты қалай көре аламыз?

• Еңбек етудегі шынайылықты көре аласың ба?

Ескерту:примечание

Баяу әуен қойылады

1. Дәйексөз.

Жүрегі таза адам

Қиянатқа бармайды

Ш.Құдайбердіұлы

Дәйек сөзді дәптерлеріңізге жазып алыңыздар.

2 рет ұлдарға 2 рет қыздарға барлығы 1 рет айтып шығады

2. Әңгiмелеу Мұғалімнің сыйы

Ерназар Ыбырай Алтынсарин

(мұғалім шығармашылығымен өзгертілген)

Ерназар жеті жасар күнінде ел көшіп, көп балалар: біреу тайына, біреу атына мінгенде бір бала қызыға қарап тұрды. Сонда Ерназар аттан түсіп жаяу әкесіне барып:
- Мен атқа мінгенде, ер-тоқымымен маған бір жорға тай атап едіңіз, сол тайымды біреуге бергім келді. Әкесі:
- Кімге бересің? - деді.
Бала жаяу жүрген әлгі досын көрсетті. Бұған әкесі де түсініп:
- Тайыңды кімге берсең де ерік өзіңде,- деді.
Сонан соң Ерназар қуанып, тайды ерттетіп, манағы балаға әкеп беріп, қасына ертіп алды да, шауып кеп, көп балаға қосылды. Сол уакытта бір аксақал жақсы кісі қонақ болып жатыр екен, Ерназардың әлгі мырзалығын көріп, разы болып:
- Ей, құдайым, бұл балаға ұзақ жас бер, мал мен бас бер.- деп бата беріпті.

Сұрақтар

• Жеті жастағы Ерназар әкесіне қандай ұсыныс жасады?

• Әкесінің жауабы қандай болды?

• Ерназарға қонақ кісі қандай ризашылық білдірді?

• Сендердің жақсылық жасаған кездерің болды ма?

• Әрбір адам жақсылық жасай ала ма?

• Өз бойымыздан жақсы қасиеттерді таба аламыз ба?

3.Шығармашылық жұмыс. Топтық жұмыс

Түстермен топқа бөлу

«Жақсы адамдар» деген тақырыпта жоба қорғау.

4. Топпен ән айту.

Өмір - өзен (Заман тобы)

1. Асып тасып, төгіледі

Алқынып ұшатын көніл ай.

Өзгерместей көрінетін,

Баянсыз бес күндік өмір ай.

Тасқын болып, тасып тұрған

Жастық шақ алдады аңдамай.

Әлде неге асықтырған

Желігі басылмас жалған - ай.

Қ-сы:

Өмір өзен ағады, әттең.

Өкініштің алауы,

Жанымды өртеп барады.

Өмір өзен ағады, әттең.

Менің жаным жаралы,

Кай жагада калады.

2.Дүниеге алданады

Қолагай көзіміз тоймаған.

Бірақ соның бар ма мәні -

Деп оңаша үнсіз ойланам.

Өткізермін өмірімді

Сағатты оздырып сағатка.

Жүректегі сенің сеніміңді

Сөндіре көрмеші, Жаратқан.

Қ-сы.

5. Үй тапсырмасы.

Дәптердегі 25 - сабақ, 47- беттегі 1 - тапсырма.

26 - сабақ. 125-бет Өмір, қымбатсың маған! Мәтінін оқып келу

6. Соңғы қорытынды минуты.

Енді көзімізді жұмып осы сабақта айтылған барлық жақсы ойларды, жақсы тілектерді жақындарымызға, достарымызға сыйлайық, әрқашанда шындықты айтайық.

Көздеріңізді ақырын аша қойыңыздар. Сабақ аяқталды. Сау болыңыздар!