Творческая работа на конкурс Ради жизни на земле

МИНИСТЕРСтВО ОБРАЗОВАНИЯ, НАУКИ И МОЛОДЁЖИ

РЕСПУБЛИКИ КРЫМ

Творческая работа

на патриотический конкурс

литературного творчества:

« Ради жизни на земле!...»

«ВАТАН СЕВГИСИ»

«ЛЮБОВЬ К РОДИНЕ»

Работу выполнила:

учащаяся 9-В класса

МБОУ « Добровская школа-

гимназия имени

Я.М. Слонимского»

Румиева Алиме Энверовна

08.05.2000г

Адрес: с. Пионерское,

ул. Забайкальская 8

тел.+79780609047

Творческий руководитель:

учитель высшей категории

Балич Ление Велиевна

Тел.+79788905710

Доброе 2015г.

Ватан севгиси - энъ мукъаддес,

энъ буюк севгидир!

Бу сене имансыз экинджи джиан дженки биткенине 70 йыл тола, яни Улу Гъалебенинъ 70 йыллыгъы къайд этиледжек. Амма бу гъалебе пек паалы фиятнен къазанылды. Советлер Бирлигинде яшагъан бутюн миллетлернинъ векиллери яш-къарт демей Ватанымызны душмандан къорчаламагъа эллеринден кельгени къадар, атта джанларыны аямай, озь иссесини къоштылар. Оларнынъ да яшамагъа акъкъы ве истеги бар эди, амма олар келеджекни тюшюнип, Ватанымызда бахтлы яшайыш девам этсин деп, къурбан кеттилер.

Къырымтатар халкъымызнынъ сайысы чокъ олмаса да, дженкнинъ биринджи куньлеринден башлап бизим огъул ве къызларымыз джебеге кеттилер. Немсе фашистлери Ана Ватанымыз Къырымны запт эткен сонъ, пек чокъ ерли эали партизан дженкине къошулып, 1944 сенесине къадар мисли корюнмез къыйынлыкълардан кечип, юртумызны баскъынджылардан азат эттилер. Бу дешетли куньлерни корьген, башындан кечирген къартана -къартбабаларымыз аля даа бомбалар сызгъырып патлагъан давушларны унуталмайлар . « Алла сизлерге ойле куньлерни косьтермесин, балаларым!» - деп, дуа этелер.

Халкъымызнынъ ондан зияде Совет Бирлигининъ къараманы унванына наиль олгъан векиллери бар, Амет Хан Султан исе Эки Дефа Къараман. Йигитлер арасында къызларымызнынъ да сайысы аз дегиль эди, олар эким ве эмширелер вазифесиде, партизан отрядларында булунып, эллеринден кельген исселерини къоштылар. Олар халкъымызнынъ гъуруры! Бу дженкте балалар биле четте къалмады, эллеринден кельгени къадар немселерге зарар кетирип, буюклерге ярдым эттилер.

Дёрт йыл девамында юртумыз немсе фашистлери аякълары астында инъледи. Аккупацияда къалгъан халкъ партизан отрядларында олгъан сою-сопуна, огъул- къызларына имкяны олгъаны къадар ярдым этип турдылар. Къырым боюнджа 33 партизан отрядларынынъ командир ве комиссарлары къырымтатарлар эдилер. Олар дагъ сокъакъ ве къобаларыны яхшы бильгенлери ичюн немселерге буюк зарар кетире эдилер. Фашистлер партизан урушыны йыллар девамында енъип оламагъан сонъ, дагълар этегинде ерлешкен 127 койни партизанларгъа ярдым эткенлеринде къабаатлап, якъалар. Бу койлернинъ эалиси эксериет къырымтатарлары эди.

Мен мектебимизде биринджи ачылгъан миллий сыныфта окъуйым, Ватанымызда дюньягъа кельдим. Ана тилимизде йыллар девамында окъумагъа акъкъымыз олмагъан бедий эсерлерни огренемиз. Эдебият дерсинде Эшреф Шеми-заденинъ «Алиме» поэмасыны огренгенде мен бу джесюр къызнынъ адыны ташыгъанымнен гъурурлангъан эдим. Эшреф Шемьи-заде поэманынъ эпилогында яш аналаргъа мураджатта булуна: «Догъулгъан къызларынъызнынъ адларыны Алиме къоюнъыз, 19 баарини ачкъан Къырым къызы джесюр Алименинъ ады унутылмасынъ». Эки йыл эвельси мен тааджипленген эдим: «Не ичюн Алименинъ япкъан къараманлыгъы девлет тарафындан мукяфатланмайып къалгъан?» Ниает акъикъат енъди! Кечкен 2014 сенесининъ биринджи сентябрь куню Россия президентининъ ферманы боюнджа Айры Денъиз бою ордусынынъ махсус азырлангъан арбий резиденты олгъан, разветкаджы Алиме Абденнановагъа «Россия Къараманы» унваны берильди. Бу хаберни эшиткен сонъ къуванчым ичиме сыгъмайып, Алиме акъкъында чокъча бильмеге истедим. Алименинъ гизли тешкиляты акъкъында белли малюматларнен таныш олдым. О, рус радист къызнен, озю яшагъан Джермай-Къачыкъ кою янында ерлешкен дагъларгъа десант тюшюриле ве бильген гизли сокъакъларнен озь коюне келип , ишанчлы адамлардан, якъын сою-сопундан гизли тешкилят тизе. Онынъ гизли тешкиляты акъкъында атта партизанлар биле бильмей экенлер. Къыскъа девир ичинде онынъ группасы арбий штабгъа топлап берген малюматлары пек джиддий олып, Ватанымызны немсе баскъынджыларындан азат этюв операциясына буюк ярдым этелер. Амма тешкилят азаларынынъ такъдири пек фаджиалы олды, оларны гестапо якъалай. Вахший соравлардан, мисли корюнмез хорлукъларгъа даяналмай эсини джойса да, Алименинъ агъызындан, сыкъылгъан тишлери арасындан бир сёз аламайлар. Онъа кучь ве чыдам Ватанына олгъан сынъырсыз севги бере эди. Къара зейтюн козьлери гестаподжыларгъа нефрет ягъдыра эди. Фашистлер бу назик къызнынъ ирадесине шашып къалалар. Къырымнынъ азат олмасына бир къач кунь къалгъанда оларны эписини Акъмесджит дживарында къуршунгъа тизелер. Оларнынъ джесети Мирное къасабасында, эвельки Красное коюнинъ къардашлыкъ мезарында комюльген.

2014 сенесининъ декабрь 13 куню, Кефе-Керич ёлунда, Ленин районынынъ Дёртголь кою янында янъы абиде комплекси тикленильди.Бу абиде Алиме Абденнанова ве онынъ гизли тешкиляты азаларынынъ адларыны эбедийлештирди. Ниает акъикъат енъди, къараманлар озь шерефлерине наиль олдулар! Оларнынъ Ана Юртумызгъа олгъан сынъырсыз севгиси, бизлерге, осип келеяткъан яш несильге ватанперверлик рухунда тербиеленмемизге юксек нумуне ола биле.

Мен «Ляле» телеканалында яш мухбир олып чалышам. Къысмет олса Алименинъ сойларынен корюшип телерепортаж япмагъа ниетим бар. Олар Акъмесджитнинъ Белое къасабасында яшайлар.

Къысмет олса баарьде гульдестелер алып, сыныфдашларымнен Алименинъ абидесини зиярет этип, тиз чёкип, баш эгип, сюкюнет дакъкъасынен хатыраларыны анъмагъа истейимиз.