Тақырыбы: Қош келдің, Наурыз Сабақтың мақсаты: 1) Мәтіннің мазмұнын түсіндіріп, мазмұндай білуге жаттықтыру. Мәтінді бөліктерге бөле білуге жаттықтыру. 2) Түсініп оқу, ойын толық жеткізе алу дағдыларын қалыптастыру. Сөздік қорын дамыту 3) Сұраққа т

Күні: 19.02.2015

Сыныбы: 3

Пәні: Әдебиеттік оқу

Тақырыбы: Қош келдің, Наурыз

Сабақтың мақсаты:

1) Мәтіннің мазмұнын түсіндіріп, мазмұндай білуге жаттықтыру.

Мәтінді бөліктерге бөле білуге жаттықтыру.

2) Түсініп оқу,ойын толық жеткізе алу дағдыларын қалыптастыру. Сөздік қорын дамыту

3) Сұраққа толық жауап беруге,сөз мағынасын толық меңгеруге баулу.

Сабақтың типі: аралас

Сабақтың түрі: дәстүрлі

Сабақтың әдісі: түсіндіру, әңгімелесу, көрнекілік, талдау-жинақтау,дәптермен жұмыс,оқулықпен жұмыс,сөздік жұмыс,шығармашылық жұмыс

Көрнекіліктер: М. Дулатов суреті, мазмұнды суреттер

Кезеңдері

Өту барысы

I.Ұйымдастыру кезеңі

Психологиялық дайындық

II.Үй тапсырмасын тексеру

Қызығушылығын ояту

Ребус шешу

III.Жаңа сабақ

Оқулықпен жұмыс

Сөздік жұмысы

Дәптермен жұмыс

Сергіту сәті

Көрнекілікпен жұмыс

IV.Бекіту кезеңі

Шығармашылық жұмыс

V.Қорытынды

VI.Бағалау

VII.Үйге тапсырма

Сәлеметсіңдер ме, балалар. Сабағымызды мына өлең жолдарынан бастайық. Мен айтамын,сендер менің соңымнан қайталайсыңдар.

Қуан шаттан алақай,

Қуанышты күн бүгін.

Күліп шықты күн бүгін ,

Қайырлы күн, балалар!

-Жарайсыңдар!

Оқушылар кім үй тапсырмасына дайындалып келді? Үйге «Көктем» өлеңі берілді.

1.Өлеңді жатқа айту.

2.Ішінара сұрау.

3.Қосымша мәлімет.

-Өлеңнің авторы кім?

-Көктемде қандай құбылыстар болады?

-Осы өлеңде не туралы айтылған?

-Жарайсыңдар, оқушылар. Үй тапсырмасына жақсы дайындалып келіпсіңдер.

Оқушылар тақтада ребус берілген. Осы ребусты шеше отырып, бүгінгі сабағымыздың тақырыбын біле аламыз.

-Иә дұрыс таптыңдар. «Қош келдің, Наурыз».

Балалар бүгін бізде жаңа тақырып «Қош келдің, Наурыз» деп аталады.

Ал балалар, мәтінмен таныспас бұрын авторын біліп алайық. Бұл мәтіннің авторы М. Дулатов.

Оқушылар бәріміз кітабымыздың 165 бетін ашамыз. «Қош келдің, Наурыз!» деген мәтін берілген.

1. Мұғалімнің оқуы

2. Тізбектеп оқу.

3. Мәтінді талдау

-Мәтінде не туралы айтылған?

-Наурыз қандай мереке?

-Наурызды кімдер тойлатады?

-Наурыз мерекесін қалай қарсы алады?

-Наурыз мерекесінде қандай тағамдар дайындалады?

-Өте жақсы.

Осы мәтінде қандай түсініксіз сөздер кездесті?

Байлаулы-байланысты.

Деуге сыяды-деуге болады.

Тіршіліктің арқауы-тіршіліктің негізі.

Шаруа кенеледі-мал тойынады.

-Жарайсыңдар.

Оқушылар дәптерімізді ашып, бүгінгі күнді, тақырыпты жазамыз. Осы берілген сөздерді көшіріп жазамыз.

-Өте жақсы.

Оқушылар шаршаған болармыз, орнымыздан тұрып бір сергіп алайық.

Еркiн ұста денеңдi,
Тарсылдатпай едендi
Орнымыздан тұрып ап
Жүгiрейiк бiр уақ.
Бiр, екi, үш, бiр, екi, үш.
Аяқты алға созайық
Тiк көтерiп, қозғайық.
Тым сылбыр да болмайық
Алға қарай озбайық.
Бiр, екi, үшi, бiр, екi, үш.

-Жарайсыңдар. Отырыңдар.

-Оқушылар осы суретте не бейнеленген?

Осы суретке қарап, «Наурыз» деген тақырыпқа әңгіме құрастыр. Қалаған суретіңді сал.

-Өте жақсы.

• Мәтінге сүйеніп, «Наурыз-ұлттық мейрам» деген тақырыпта топ алдында сөйлеуге дайындал. Ол үшін:

1. Жоспар құр.

2. Іштей не сөйлейтініңді сол жоспарға сәйкес ретте.

3. Сөйлейтін сөзіңді есіңе сақта.

4. Түсінікті тілмен, әдемі қимылмен ойыңды толық жеткізуге тырыс.

-Жарайсыңдар.

-Бүгін қандай тақырыппен таныстық?

-Мәтінде не туралы айтылған?

-Наурыз қандай мереке?

-Наурызды кімдер тойлатады?

-Наурыз мерекесін қалай қарсы алады?

-Наурыз мерекесінде қандай тағамдар дайындалады?

Бүгінгі сабаққа қатысқан балаларды мадақтау. Жұлдызшалар тарату.

Күнделіктеріңді ашып, үй тапсырмасын жазып алыңдар.

165- бет мазмұндау.

Осымен сабағымыз аяқталды. Сау болыңдар.