Классный час на тему Бірінші байлық - денсаулық

Тәрбие сағатының тақырыбы: Бірінші байлық - денсаулық

Мақсаты:

Білімділігі:Салауатты өмір салтын сақтау,оқушылардың өнер мен денсаулық, туберкулез, педикулез, ЖРИА аурулары туралы түсінік беру. Денсаулықтың негізі гигиена, қимыл, спорт, дұрыс тамақтану, таза ауада жүру екенін оқушыларға ұғындыру.

Дамытушылығы: Ойларын дамыту, өздігінен шешім шығара білу, өз ойларын жеткізуде тіл байлықтарын толықтыру.

Тәрбиелігі:Өзін-өзі күте білуге, тазалыққа, ұқыптылыққа тәрбиелеу, әдемілікті, сұлулықты сезіне білуге баулу.

Әдісі: ойын, сөзжұмбақ шешу, мақал-мәтел айту, сұрақ-жауап, топтық жұмыс.

Көрнекілігі: Сурет-плакаттар

Тәрбие сағатының барысы:

1.Ұйымдастыру кезеңі:

а) Амандасу

ә) Психологиялық тренинг

Қол шапалақтау (аплодисменты).

Топ шеңбер құрып тұрады да, әр қайсысы қатты дауыстап өз аттарын атап, бір-бірлеріне қол шапалақтап отырады.

(Мысалы: 1."Амина" қалғандары қол шапалақтайды )

б) Топқа бөлу (2 топқа бөлу)

Бүгінгі сабақтың тақырыбын анықтау үшін сөзжұмбақ шешейік. Жауабы денсаулық

Халқымыз бір-бірімен амандасқанда «Мал-жан аман ба?», «Денің сау ма?», «Аман-есен жүрсің бе?» деп, алдымен денсаулыққа үлкен мән берген. «Бірінші байлық - денсаулық» деп тегін айтпаған.

Бүгінгі «Бірінші байлық - денсаулық» атты тәрбие сағатына қош келдіңіздер.

Ендеше ойын сабағымызды бастауға рұқсат етіңіздер.

Көптің жүзін білгенше,

Бірдің атын біл.

1. Таныстыру. Әр топ өздерін таныстырып өтеді.

2. «Бірінші байлық -денсаулық » сұрақ жауап кезеңі.

3. Мәтінмен жұмыс

4. Жағдаятты шешу.

5. Мақал-мәтел айту

6. Өлеңді аяқта

1.Денсаулық дегенді қалай түсінесіңдер?

Денсаулық дегеніміз- адам өміріндегі ең үлкен байлықтың бірі, денсаулықтың арқасында адам еңбек етіп,жетістікке жетеді және жақсы өмір сүреді.Денсаулықты сақтап, оны нығайтуға әрбір адамның өзіңе ғана байланысты.

2.Денсаулықты сақтау үшін қандай ережелерді орындау керек?

Жеке бас гигенасын сақтау, күн тәртібін орындау. Дене шынықтырумен шұғылдану, дұрыс тамақтану, организмді шыңдау, белсенді, қайырымды және ақжарқын болу.

3. Денсаулыққа не зиян келтіреді?

Күн тәртібін бұзу, жеке бас гигенасын сақтамау, аз қозғалу, жағымсыз әдеттерге әуес болу.

3. Мәтінмен жұмыс

І топ. Туберкулез, Тұмау аурулары туралы түсінік

ІІ топ. Педикулез, Қызылша аурулары туралы түсінік

4. Ситуациялық жағдайлардан шығу.

1- жағдаят:

Арман мен Жандос кеше сабақтан кейін « Денсаулық» жайлы ой бөлісті. Арман анасынан естіген әңгімесі бойынша « Денсаулықты сатып алуға болады» деді Ал Жандос бұл ойға келіспеді. Ол

« Денсаулықты ақшаға сатып ала алмаймыз» деді.

-Сендер не деп айтқан болар едіңдер?

2-жағдаят:

Самат таңертең сабаққа асығыс тамақтанып шықты. Анасы баласының бұл ісіне кейіп:

- Денсаулығыңды бұзасын ғой, отырып дұрыс тамақ ішсең қайтер еді? - деді. Самат анасына:

- Тамақтанбаудың денсаулыққа әсері қанша деп жүре тыңдады.

- Қалай ойлайсыңдар Саматтың айтқаны дұрыс па? Сендер қалай тамақтанар едіңдер?

5. Мақал-мәтел

Денсаулық туралы мақал-мәтел айту. Топтар кезектесе айтады.

6. Өлеңді аяқтау

І топ

Әуелгі байлық - ДЕНСАУЛЫҚ,

Екінші байлық - еркіндік,

Үшінші байлық - тіл байлық,

Төртінші байлық - қайрат-күш

Бесінші байлық - ақ жаулық,

Алтыншы байлық - балаңыз,

Жетінші байлық - жүз саулық.

ІІ топ

Бірінші емші - күн сәулесі,

Екінші емші - таза ауа,

Үшінші емші - таза су,

Төртінші емші - табиғи тағам

Бесінші емші - ашығу,

Алтыншы емші - дене жаттығулары,

Жетінші емші - демалыс.

Қорытынды. Оқушылар өз ойларын қорытындылау. Оқушының жеке пікірін тыңдау

Мұғалім сөзі: Сабақ сонында екі топты мадақтау. Денсаулығымыз мықты болу үшін аурудан алдын-ала сақтану керектігін, спорт шұғылдану, сонымен қатар қоршаған ортамен біздің денсаулығымызға берері көп екенін білдік.

Денсаулық -ол шыныққан

Барлық денең мүшесі

Денсаулық -ол тыныққан

Жүйке-тамыр жүйесі.