Әдістемелік сабақ «Көрікті көктем аруы»

Тақырыбы: «Көрікті көктем аруы» «Қыз сыны» сайысы

Мақсаты:

Білімділік: Қыз балалардың жан дүниесіндегі көркемдік талғамын қалыптастыру.

Дамытушылық: оқушылардың танымдық және шығармашылық қабілетін, эстетикалық талғамын, шеберлігін дамыту.

Тәрбиелілік: көпшілік алдында өзін-өзі ұстай білуге, әдептілікке, мейірімділікке, сұлулыққа тәрбиелеу.

1-жүргізуші. Қайырлы күн, құрметті көрермендер!

2-жүргізуші. Бүгінгі «Көрікті көктем аруы» атты қыз сыны сайысына қош келдіңіздер!

1-жүргізуші. Мен қазақ қыздарына қайран қалам,

Жанары жаны жаздай жайраңдаған.

"Қыз өссе елдің көркі"деген сөзді,

Қапысыз қалай айтқан қайран бабам.

2-жүргізуші. Пір тұтқан махаббатты, адалдықты,

Көркімен таң қалдырған талай жұртты.

Қыздардың қылығымен өмір қызық,

Қыздардың ғұмырымен заман құтты.

1-жүргізуші. Өнер-білім тапқырлықтың тарланы,

Еңбектегі әріптестер мақтаны.

Өнеріңді ортаға сал,сайысқа

Өнер көрсет,құрбылармен жарыс та.

2-жүргізуші. Мың бұралған арулар билей басып,

Келеді міне ортаға толқып тасып.

Аруларын сыйлаған халқым менің,

Көңілді қошеметпен қарсы алайық.!

Ән: Асыл ана Ділназдың орындауында.

1-жүргізуші. Ал, бүгінгі қыздарымыздың өнерлері мен білімдерін байқау үшін «Көрікті көктем аруы» атты сайысымызды ашуға мектебіміздің директорының орынбасары Далагүл Төреқанқызына сөз берейік. Олай болса бүгінгі «Көрікті көктем аруы» қыздар байқауын ашық деп жариялаймыз!
2-жүргізуші. Қыз емес, қыздың өзі алтын
Көрінер толған айдай жүзі жарқын.
Үлкеннің алдын орап сөз сөйлемес,
Халқының сақтай білген ізгі салтын.- дей келе сайысымыздың шартымен таныстырып өтейін:

1. Таныстыру

2. Өнер көрсету

3. Шебер қолдар

4. «Білімді мыңды жығар» сұрақ-жауап

5. Сән үлгісі

1-жүргізуші.
Әділдікпен баға берер аруға,
Әділдікпен қара қылды жаруға.
Әділқазы алқаларын сайлайық,
Нақ аруды таңдап бүгін алуға.
(Әділқазылар алқасымен таныстыру).

2-жүргізуші. Мың бұралған арулар аңдып басып,
Келеді міне, ортаға толқып - тасып.
Аруларын сыйлаған халқым менің,
Қол соғып, қошеметпен қарсы алайық.
(Қыздарды таныстырып ортаға шақырады.)

1. Білімді оқу озаты сыныптағы

Талай қиын істерді құрықтады.

Сабинаның алдында талай іс тұр

Болашақта жадырар үміт оты.

2. Қуантады білімімен бізді Ділназ

Қол соғып қарсы алайық енді оны біз
Білімің серік болсын талабыңа
Бүгінгі қабыл болсын тілегіміз.
3. Үздік оқып сабағын,
Бәрімізге жағатын
Аружан деген арудың,

Кезі келді алтын алқа тағатын.

4. Аққу құстай қанат қағып самғаған,

Адал жолмен арам іске бармаған.

Адамдықты жаны сүйген қашанда,

Мөлдір де қатарынан қалмаған.

5. Сабағын да меңгерген,
Жақсылықты жөн көрген
Ата - анасы Жансаяға

Әдемі есім теңгерген.

6. Гүлдана біздің өнерлі

Көңілді өмір сүреді

Бүгінгі біздің сайысқа

Алып келді өнерін

7. Сабағынан қалмайды,
Жалқаулыққа бармайды
Аяулым бүгін сайыста
Ән мен жырын арнайды.

8.Өнер қуған жасынан

Өнері судай тасыған

Келесі бізде Сабина

Көрінген күштің басынан

9. Ай секілді өзі де,
Сыңғыр - сыңғыр сөзі де.
Эльмира деген арудың
Әдемі ғой көзі де.

10. Құлпырған дала гүліндей,

Жүресің әр кез күлімдей.

Арманыңа аңсаған Құндыз

Ақниетпен жет, сүрінбей.

11. 3 сыныпта оқитын,
Өрнектеп тоқыма тоқитын,
Ән айтып, би де билейтін.

Анель деген өнерлі қызымыз.

Мұғалім: Кішкентай арулар келіп жетті танысуға
Бойындаға бар дарынды дарытуға
Қорықпастан сахнаға келіп жетті
Әдеппен, ізетпен танысуға.
1 - кезең. Өздерін таныстыру

Өлең: Ерхан, Таир, Бекзат, Бекежан.
2 - кезең. Өнер көрсету.
Мұғалім:
Кедеймін деп қысылма,
Өнерің болса қолыңда.
Өнерлінің ырысы
Жарқырап жатар жолында - дей келе аруларымыздың өнерімен танысайық.(Кішкентай арулар өз өнерлерін көрсетеді)

Өлең: Нұрсұтан, Нұртөре, Алихан, Ерасыл, Мейрлан

3 - кезең. Шебер қолдар

Мұғалім: Халқымыздың ежелгі үрдісі бар,
Адастырмас оң жолдан үлгісі бар.
Үлкенді сыйлау ұққанға соның бірі,

4 - кезең. «Білімді мыңды жығар» әртүрлі сұрақтар беріледі

Зерделі ой зейінді қызды сынар,- сұрақ - жауап сайысы.

(Әр ару қоржындағы сұрақтарға жауап береді.)

Сұрақтар:
1. Дүниеде ең тәтті, ең жұмсақ не?
2. Көшіп қонуға қолайлы қазақ баспанасын ата.
3. Қазақтың ішекті музыкалық аспабын ата.
4. Ұлттық ойындарды ата.
5. Төрт түлік малды ата.
6. Күйші ана кім? ( Дина Нұрпейісова )
7. Халқымыздың батыр қыздары? ( Әлия, Мәншүк )
8. « Сұлу » деген сөздің синонимі ? ( Ару)
9. Наурыз көже қанша тағамнан дайындалады?(7)

10.Жеті күнді ата

11.Көктем мерекелерін ата

12. Аналар меерекесі кашан тойланады?

Ән: Қос байтерек

5 - кезең. Сән үлгісі

Мұғалім:

Сымбатына сән киім жарасатын,

Аспандағы айменен таласатын.

Өнеріне сәні сай келіп тұрған,

Аруларға қызығып қарасын деп,-келесі сайысымыз- «Сән үлгісі»

«Жүзден жүйрік, мыңнан тұлпар шығады» демекші, бүгінгі сайысымыз да аяқталып келеді. Сіздер бүгін аруларымыздың өнерлі екенін байқадыңыздар. Енді әділқазылар алқасына сөз берейік.

Ән: Мама

Би: Қыздар тобы,

Ән: Асыл ана. хор

Қорытынды. Әділқазылар сөз алып, әр номинация бойынша (Көктем аруы, көрермен көзайымы, білімді ару,өнерлі ару, салмақты ару, шебер ару, дарынды қыз, мың бұралған биші, сәнқой ару, сымбатты ару) дипломдар тағайындайды.

Өнеріміз сайыста,

Жетелейді алысқа.

Бүгінгі күннің жеңісі,

Достық болып қалуда.

Баршаңызды Наурыз мерекесімен құттықтаймыз. Наурыз құт -береке , бірлік әкелсін.

Жамбыл бастауыш мектебі

Тәрбие сағаты

3 «А» сынып

Орындаған: Хамзина Р.М.

2014-2015 оқу жылы

8

7

10

9

12

11